|
§. Yagona vakillik hisobraqamini yuritish tartibiBog'liq 19.y.Banklarda-hisob-va-tolov-tizimi-o.qol .-K.N.Navrozova-T.-2005y. Axborot, “Порлоқ” ва “Равнақ” ғўза навлари ўзида ноёб хусусиятларни жамлаган, Kompressor3§. Yagona vakillik hisobraqamini yuritish tartibi.
Yagona vakillik hisobvarag’ini yuritish tartibi barcha banklarda deyarli bir
xildir.
Yagona vakillik hisobvarag’ini tijorat bankda amal qilishi uchun «Yagona
vakillik hisobvarag’i orqali filiallar va boshqa banklar o’rtasida elektron to’lovlarni
amalga oshirish tartibi to’g’risidagi» Nizom ishlab chiqilgan va bankning Boshqaruv
raisi tomonidan tasdiqlangan. Yagona vakillik hisobvaraq orqali to’lovlarni amalga
oshirish uchun Buxgalteriya va moliya hisobi Boshqarmasi qoshida alohida sektor
tashkil qilingan. Ushbu sektor tijorat bankining to’lov markazi deb ataladi. Har bir
filial ushbu to’lov markazida o’zining vakillik hisobvarag’ini ochgan.
Yagona vakillik hisobvarag’i orqali to’lovlarni amalga oshirish uchun tashkil
qilingan sektorning asosiy funktsiyalari quyidagilar bo’lib hisoblanadi:
•
Tijorat bankining o’z filiallari hamda boshqa banklar o’rtasida naqd pulsiz
hisob-kitoblarni tashkil qilish;
•
Elektron to’lovlarni amalga oshirish borasida filiallar va boshqa banklar bilan
fayllar va ma’lumotlarni avtomatik ravishda almashish;
•
Filiallarni ularning vakillik hisobvarag’ining to’lov markazidagi holati
to’g’risida ogohlantirib turish;
•
Yagona vakillik hisobvaraq va filiallarning hisobvaraqlarining holatini
nazorat qilish;
•
To’lovlarni amalga oshirilishi ustidan nazorat;
•
Amalga oshirilayotgan to’lovlarni buxgalteriyada aks ettirish;
•
Ma’lumot funktsiyasi;
•
Har kun oxirida barcha ma’lumotlarni arxivlash;
•
Filiallar va banklararo amalga oshirilayotgan to’lovlar va ma’lumotlarni
himoya qilish;
To’lov markazi to’lovlar va boshqa operatsiyalar uchun filiallarga ma’lum bir
vaqtlar oralig’ini belgilab beradi, filiallar ushbu vaqtlar oralig’ida operatsiyalarni
amalga oshiradi.
Har bir filial o’zining mijozlari bilan ular bilan tuzgan shartnomalari asosida
mustaqil ravishda xizmat ko’rsatadi.
Filialning mijozlarga xizmat ko’rsatuvchi mas’ul xodimi pul hsob-kitob
hujjatini qabul qilganda uni tekshiradi va elektron to’lov tizimiga kiritadi. Ushbu
xolda tizimga kiritilgan ma’lumotlar hisob-kitob xujjatining asl nusxasi bilan bir xil
bo’lishi lozim. Ushbu ma’lumotlar tizimga kiritilgandan so’ng filialda elektron fayl
vujudga keladi hamda bosh buxgalterning unikal elektron imzosidan so’ng bu fayl
to’lov markaziga yuboriladi.
Filialning vakillik hisobvarag’i balansning 16103 – «Banklararo hisob-kitoblar
bo’yicha olinadigan mablag’lar» hisobvarag’ida hisobga olinadi. Filial ushbu
hisobvaraq qoldig’i doirasida operatsiyalarni amalga oshirishi mumkin. Operatsiya
amalga oshirilganda quyidagi provodka bajariladi:
|
| |
