56
10-MAVZU: Milliy g‟oya targ‟ibotida “jamoatchilik bilan aloqalar”.
Reja:
1.
O‘zbekistonning davlat siyosatining tub mohiyatini jamiyat a‘zolariga
etkazish.
2.
Axborot etkazuvchining vazifalari.
3.
Xorijda keng qo‘llanilayotgan texnologiyalar.
Bugungi kunda dunyoda katta o‘zgarishlar sodir bo‘layotgan bir davrda har
bir insonning iqtidori va salohiyatini jamiyat taraqqiyoti sari yo‘naltirishga
undalmoqda.
O‘zbekistondagi davlat siyosatining tub mohiyatini odamlarga tushuntirish,
ularning bu siyosatni qo‘llab-quvvatlashlariga erishish, vujudga kelgan
muammolarni hal qilishda jamoatchilikning fikriga tayanish, siyosiy qarorlar qabul
qilishda aholining manfaat va istaklarini o‘rganish,
davlat organlari va davlat
xizmatchilariga nisbatan jamoatchilikda ijobiy munosabat uyg‘otish, kishilarga
etkazilayotgan axborot oqimini milliy manfaatlarga mos o‘zanga yo‘naltirish,
fuqarolarni yot mafkuralarning zararli ta‘siridan himoyalash vazifalarini
amalga
oshirishga xizmat qiladigan yangi texnologiyalardan foydalanishga extiyoj tobora
ortib bormoqda.
Ana shunday texnologiyalardan biri «Jamoatchilik bilan aloqalar»
texnologiyasidir.
2005 yilning mayida O‘zbekiston Respublikasi Prezidenti
huzuridagi Davlat
va jamiyat qurilishi akademiyasida «Jamoatchilik bilan aloqalar» bo‘limi tashkil
etilib, faoliyat ko‘rsata boshladi.
O‘zbekistonda demokratik jamiyat asoslari takomillashib borgani sayin,
jamoatchilik bilan aloqalarning professional mutaxassislari-piarmenlarga bo‘lgan
ehtiyoj ham ortib bormoqda.
Albatta biron yangi faoliyatni boshlash yoki u bilan shug‘ullanish uchun
qonuniy asos bo‘lmog‘i zarur.O‘zbekiston rahbariyati ko‘rsatmasiga asosan 2006
yilning 22 sentiyabrida O‘bekiston Respublikasi Vazirlar Mahkamasining 203-
sonli ―Davlat va xo‘jalik boshqaruvi idoralarida jamoatchilik
bilan aloqalarni
rivojlantirish borasidagi chora -tadbirlar to‘g‘risida‖gi qarori e‘lon qilindi. Ushbu
qarorda- Davlat va xo‘jalik boshqaruvi organlari faoliyati shaffofligini ta‘minlash,
keng jamoatchilik va aholini O‘zbekistonda amalga oshirilayotgan siyosiy,
iqtisodiy va ijtimoiy islohotlardan doimiy ravishda xabardor qilib borish nazarda
tutilgan. SHu bilan birga aholini siyosiy madaniyatini
oshirib borish muhim
ahamiyatga ega.
«Public relations» (PR) «Jamoatchilik bilan aloqalar» targ‘ibotning demokratik
usullaridan biri sanaladi. «Jamoatchilik bilan aloqalar» texnologiyalari davlat bilan
xalq o‘rtasida muloqot o‘rnatib, fuqarolarda davlat siyosatiga moyillik uyg‘otishga
xizmat qiladi. SHu orqali davlatga hamfikr insonlarni ko‘paytirib, ularni ishonchli
hamkorga aylantiradi.
57
«Jamoatchilik bilan aloqalar» insonlar fikrlariga, kayfiyatiga, hissiyotiga va
oxir oqibat hatti-harakatlariga kuchli ta‘sir ko‘rsatuvchi «ishonch
va istaklar
strategiyasidir».
Etakchi davlatlarda bu texnologiyalardan foydalanish mafkuraviy ta‘sir
ko‘rsatish industriyasi darajasiga ko‘tarilgan.O‘zbekistonda ham mafkuraviy
jarayonlarni tartibga solishda «Jamoatchilik bilan aloqalar» texnologiyalaridan
foydalanilmoqda. Bu esa milliy g‘oya targ‘ibotining ta‘sirchanligini, so‘zsiz,
oshiradi.
«Jamoatchilik bilan aloqalar» u boshqaruvning alohida usuli bo‘lib, boshqaruv
tuzilmalarining jamiyat manfaatlariga xizmat qilishiga e‘tiborni qaratish, amalga
oshirilayotgan islohotlarga jamoatchilikni safarbar qilish, jamiyatda vujudga
keladigan noxush holatlardan ogoh qilish orqali ularning oldini olishga xizmat
qiladi. Jamoatchilik
bilan aloqalar qonuniy, ochiq, samimiy, ahloqiy me‘yorlarga
mos keladigan muloqotlar asosida amalga oshiriladi.
Rivojlangan mamlakatlarda fuqarolarni davlat organlari faoliyatidan xabardor
qilishning turli mexanizmlari mavjud bo‘lib ulardan eng ko‘p tarqalgan
«Jamoatchilik bilan aloqa» texnologiyalaridir.
Jamoatchilikka muhim axborotlarni o‘z vaqtida etkazish, o‘zaro hamkorlik
muhitini
yaratish, jamoatchilikning ishonchini qozonish demokratik qadriyatlarni
singdirish ishlari puxta ishlab chiqilgan reja asosida olib borilishini taqazo etadi.