Xulosalar
Iqtisodiy tahlilni ma’lum belgilariga binoan turlarga ajratish asosida
xo’jalik yurituvchi sub’ekt faoliyatini samarali boshqarishga erishiladi. Biroq,
iqtisodiy tahlilda uning turlari va shaklarini ajratish zarur. Iqtisodiy tahlil
shakllari o’ziga xos bo’lgan tashqi ko’rinishi, qiyofasi bilan birga o’z
mazmuni va usullariga ega bo’ladi. Iqtisodiy tahlil shakllari va turlarini
ma’lum xususiyatlariga ko’ra to’g’ri turkumlanishini e’tiborga olish va ularni
mazmunan tushunib olish iqtisodiy tahlilda to’ldirilmagan, e’tibordan qolgan
jihatlarni oldini olish imkonini yaratadi. Iqtisodiy tahlil uchun kerakli bo’lgan
ma’lumotlarni mazmuniga qarab quyidagi turlarga ajratish mumkin: iqtisodiy
ma’lumotlar, huquqiy-me’yoriy ma’lumotlar, ilmiy-texnikaviy ma’lumotlar,
tabiiy-ekologik ma’lumotlar, boshqa ma’lumotlar. Iqtisodiy tahlil uchun
yig’ilgan ma’lumotlarni tekshirish ikki usulda, xususan, texnik (yuzaki) va
mazmun jihatidan olib boriladi. Texnik tekshirish - axborot manbalarini
arifmetik jihatidan to’g’riligini, rasmiylashtirish qoidalariga rioya qilinganligi
va
ko’rsatkichlarning bir-biriga mosligini e’tiborga oladi. Mazmunan
tekshirish ma’lumotlarning haqqoniy, ilmiy asoslangan ekanligini o’rganadi.
Iqtisodiy tahlilda qo’llaniladigan manbalar - reja, hisob va hisobot, qo’shimcha
ma’lumotlarga bo’linadi.
|
