|
Ayrim hollarda o’qituvchi talabalarda nafaqat qiziqish uyg’otishi
|
| bet | 9/50 | | Sana | 14.05.2023 | | Hajmi | 0.68 Mb. | | #59683 |
Bog'liq 5-ma`ruza. Pedagogik tizim pedagogik texnologiyaning asosi Assos 3-dedline, Kons.MIAyrim hollarda o’qituvchi talabalarda nafaqat qiziqish uyg’otishi kerak, balki o’quv muammosini o’zi hal qilib qo’ymasligi va boshqa hollarda talabalarning o’quv muammosini echishdagi mustaqil ishlariga rahbarlik qilishi lozim, natijada talabalarda bilimlarga mustaqil erishish qobiliyati shakllanadi hamda gipoteza qo’yish vauni isbotlash orqali yangi aqliy harakat usullarini topadi hamda bilimlarni bir muammodan boshqasiga ko’chirish ko’nikmasini hosil qiladi, diqqat va tasawurlari rivojlanadi. Talabalar muammoli o’qitish jarayonida muammoli vaziyatda o’quv materiallarini idrok qilish orqali bilim va aqliy harakat usullarini o’zlashtirar ekan, o’rganilganlarni mustaqil tahlil qilar ekan, gipotezalar qo’yish va ularni isbotlash orqali o’quv muammolarini shakllantirar va echar ekan, bunda talabalarning intellektual faolligi ta’minlanadi.
Shunday qilib, muammoli o’qitishning vazifasi, talabalar tomonidan bilimlar tizimi va aqliy hamda amaliy faoliyatlari usullarini samarali o’zlashtirishga hamkoriik qilish, ularda yangi vaziyatda olingan bilimlarni ijodiy qo’llash malakasini hosil qilish, bilish mustaqilligi hamda o’quv va tarbiya muammolarini hal qilishdir.
O’quv jarayonining amaliy tahlili muammosi o’qitishning o’ziga xosligini belgilash imkoniyatini ochadi. Muammoli o’qitishning mohiyati, ta’lim oluvchi tomonidan o’zlashtirilishi lozim bo’lgan axborotlarni o’qituvchining maxsus tashkil qilishidan iboratdir.
Muammoli o’qitishni tashkil etishning birinchi sharti o’quv axborotlarining takomillashib borishi tizimidir.
Muammoli o’qitishning ikkinchi shartida muammoli o’qitish amalga oshiriladi va unda axborotning o’quv vazifasiga o’kazilishi vaqtida uni echish usulini tanlash imkoniyati ko’zda tutiladi.
Muammoli o’qitishning uchinchi sharti ta’lim oluvchining subektiv mavqei, ularning bilish maqsadlarini anglab etishi va qaror qabul qilishi, masalani hal qilish va natijani qo’lga kiritish uchun o’zlarining ihtiyorida bo’lgan vositalarni baholay bilishidir.
Muammoli o’qitishga asoslangan o’quv mashg’ulotlarini o’tkazish metodikasi unda qo’llanadigan metodlarni asoslab berishni talab qiladi. Bunda: ijodiy, qisman-ijodiy yoki evristik, axborotlarni muammoli bayon qilish, axborotni muammoli boshlash orqali bayon qilish asosiy metodlar
hisoblanadi.
|
| |
