|
Uch komponentli suyuq sistemadagi izotermik muvozanat
|
| bet | 2/2 | | Sana | 09.09.2024 | | Hajmi | 61 Kb. | | #270733 |
Bog'liq 6-maruza.Uch komponentli sistemalarUch komponentli suyuq sistemadagi izotermik muvozanat.
Konsentrlangan eritmalarda taqsimlanish koeffitsienti doimiy bo‘lib qolmaydi. Sistemaga muayyan miqdorda uchinchi komponentning kiritilishi dastlabki ikki komponentning o‘zaro eruvchanligini o‘zgartiradi. Bu muvozanatdagi suyuq qatlamlarning tarkiblari orasidagi nisbatni murakkab-lashtiradi va gomogen yoki aksincha, uch qatlamli geterogen sistemani hosil qilishi mumkin.
Agar muayyan haroratda qandaydir tarkibdagi uchlamchi suyuq sistema ikki (yoki uch) qatlamga ajralsa, unda ular orasidagi muvozanat xuddi ikki komponentli sistemalardagidek bo‘ladi va har qaysi komponentning to‘yingan parsial bug‘ bosimi har ikkala faza ustida bir xil bo‘lishi bilan xarakterlanadi.
23- rasmda ifodalangan sistemalar eng ko‘p tarqalgan. Bunday sistemalarda komponentlardan biri (bizning misolda aseton) qolgan ikki komponent bilan (misolimizda suv va xloroform) cheksiz aralashadi. Aseton ikki qatlamli suv-xloroform sistemasiga qo‘shilganda ularning o‘zaro eruvchanligi oshib to bir jinsli sistema hosil bo‘lguncha davom etishi mumkin. Bunda muvozanatdagi qatlamlarning tarkibi bir-biriga ancha yaqinlashadi va K nuqta gomogen sistema hosil bo‘lganligini bildiradi. Odatda K nuqtani kritik nuqta deb ataladi.
AA′, BB′, KK′ …. to‘g‘ri chiziqlar muvozanatda turgan ikki qatlamni tutashtiradi.
Ikki komponentli sistemalardagi singari bu chiziqlarni bog‘lovchi chiziqlar (yoki konnodlar) deyiladi.
|
| |
