Halqali yigirish mashinasida ipning pishitilishi
Cho‘zish asbobidan chiqayotgan yupqa tutamchani ipga aylantirish uchun buramlar berib pishitiladi. Ip pishitilganda uni tashkil etuvchi tolalar vintsimon chiziqlar bo‘ylab joylashgan holda bir-biriga bosilib, zichlashib jipslashadi. Natijada ular orasida ishqalanish kuchi yuzaga keladi va u ipning uzuvchi kuchlarga qarshiligini bildiradi. Ipning pishitilishi pishitish - o‘rash qurilmasi yordamida amalga oshiriladi.
Buramlar berish natijasida tutamchada bir-biriga parallel chiqayotgan tolalar ip o‘qiga nisbatan qadami va radiusi turlicha bo‘lgan vintsimon chiziq bo‘ylab joylashadi. Ipning pishitilish darajasi bir metr ipga to‘g‘ri keluvchi buramlar soni bilan ifodalanadi. Ip o‘qiga nisbatan tolaning qiyalik burchagi pishitilish burchagi deyiladi. Ip pishitilishining uchinchi ko‘rsatkichi pishitish jadalligidir. Uning qiymati pishitish koeffitsiyenti bilan ifodalanadi. Pishitish koeffitsiyentidan yo‘g‘onligi turlicha iplarni qiyoslashda foydalaniladi.
Ipning pishitish darajasini hisoblash uchun pishitish koeffitsiyentini tanlash kerak. U tolaning uzunligiga va ipning ishlatilishiga qarab tanlanadi (trikotaj, to‘quv, arqoq yoki tanda).
, bur/m
Bu yerda: K – pishitish darajasi, bur/m
αt – pishitish koeffitsiyenti
Tip – ipning chiziqiy zichligi, teks
|