Andijon viloyati Baliqchi tumani XTMFMTvaTE bo’limi 15-umumta’lim maktabi oliy toifali matematika o’qituvchisi Anapiyayev Foziljonnning “Kompetensiyaviy yondashuvga asoslangan Davlat ta’lim standartlari”ni ta’lim jarayoniga qanday joriy qilish haqida yozgan ma’ruzasi
Reja:
1. Kirish;
2. Ta’lim islohotlari;
3. Tayanch kompetensiyalar va matematika faniga oid xususiykompetensiyalar ;
4. PISA(Programme for International Student Assessment) dasturi va undagi masalalar;
5.Foydalanilgan manbalar .
Bizning shior: Sifatli ta’lim – tarbiya – bosh vazifamiz.
O’zbekiston Respublikasi mustaqil bo’lganiga mana 25 yildan oshdi.Bu qisqa davr mobaynida Vatanimiz iqtisodiy ,siyosiy va ma’naviy sohalarda ulkan muvafaqiyatlarga erishdi.Bu muvaffaqiyatlar zamirida davlatimiz tomonidan 1997- yilda qabul qilingan “Kadrlar tayyorlash milliy dasturi”ning ham ahamiyati beqiyosdir.
Bugungi kunda ta’lim mazmunini yangilash, takomillashtirish,o’qitish samaradorligini va o’qituvchilarning kasbiy mahoratini oshirish, ilg’or pedagogik tajribalarni keng ommalashtirish bo’yicha ham ancha ishlar amalga oshirildi.Mustaqillikning dastlabki yillaridan boshlab ta’lim tizimini isloh qilish,yangi DTS va o’quv dasturlarini takomillashtirish va yangi darsliklar yaratish davlatning asosiy ishlaridan bo’ldi.Bu ishlarni amalga oshirish uchun “Kadrlar tayyorlash milliy dasturi” qonuniy asos bo’lib xizmat qildi.
Yuqoridagi fikrlarni amaliy isboti o’laroq 2016-yil 8-9 noyabr kunlari Toshkent shaxrida “Aniq va tabiiy fanlarni o’qitishning zamonaviy metodologiyasi: muammo va yechimlar “ mavzusida aniq va tabiiy fanlar o’qituvchilarining respublika forumi o’tkazildi.
Forumda qilingan ma’ruzalarga ko’ra kompetensiyaviy yondashuvga asoslangan davlat ta’lim standartlari va o’quv dasturlari loyihalari ishlab chiqilib 18 ta umumta’lim fanlari bo’yicha amaliyotchi o’qituvchilar , metodistlar hamda yetakchi olimlardan iborat ishchi guruhi respublikamizning 76 ta maktab, 52 ta kasb-hunar kolleji va 18 ta akademik litseylarda tajriba –sinovdan o’tkazildi.
Kompetensiya –fan bo’yicha egallagan nazariy bilim, amaliy ko’nikma va malakalarni kundalik hayotida duch keladigan amaliy va nazariy masalalarni yechishda foydalanib, amaliyotda qo’llay olishdir.
| 