KIRISH
Arxitektura-rejalashtirish topshirig‘i tasdiqlangan
shaharsozlik hujjatlaridan, davlat
hokimiyat organlarining tegishli qarorlaridan, shu jumladan, tarixiy va madaniy obidalarni,
atrof muhitni muhofaza qilish talab va shartlarini hamda ob’ektni
aniq er uchastkasida
joylashtirishda uchinchi shaxslarning qonuniy huquqlari va manfaatlarini himoya qilishdan
kelib chiquvchi o‘ziga xos shaharsozlik va arxitekturaviy shartlar hamda ob’ektni
loyihalashtirish va qurishning alohida sharoitlari majmuasidan iborat hujjat hisoblanib,
uning asosida ob’ekt qurilishi (rekonstruksiyasi) uchun loyiha hujjatlari ishlab chiqiladi.
Demak, ART ishlab chiqish 2 bosqichdan iborat bo‘ladi.
Birinchi
bosqichda, bino yoki inshootning tashqi ko‘rinishiga, qurilishning taxminiy
maydonlariga, avtoturargohlar, hududga kirish va chiqish yo‘llariga, kichik me’moriy
shakllarning
tuzilishi, er uchastkasining ko‘kalamzorlashtirilishi va obodonlashtirilishiga
bo‘lgan umumiy talablarni belgilaydi.
Ikkinchi bosqichda esa trassa va muhandislik kommunikatsiyalari o‘tkazilishiga
qo‘yiladigan asosiy talablarni belgilaydi.
Jimoniy va yuridik shaxslar ART xizmati ko‘rsatilgani uchun eng kam oylik ish haqining
30 foizi miqdorida to‘lov qiladilar.
ART ni ishlab chiqarish uchun ma’sul tashkilot Qoraqalpog‘iston
Respublikasi Qurilish
vazirligi, viloyatlar va Toshkent shahar qurilish bosh boshqarmalari hisoblanadi.
Xizmat ko‘rsatish uchun huquqiy asos - O‘zbekiston Respublikasi Vazirlar
Mahkamasining 2018 yil 18 maydagi 370-son «Arxitektura
va qurilish sohasida davlat
xizmatlari ko‘rsatishning ayrim ma’muriy reglamentlarini tasdiqlash to‘g‘risida» qarori
hisoblanadi.
ARTni olish uchun Davlat xizmatlari markaziga murojaat qilish
yoki davlat xizmatini
elektron shaklda olishni YAIDXP orqali amalga oshirish mumkin.