|
Hurmatli yig‘ilish ishtirokchilari
|
| bet | 3/5 | | Sana | 21.03.2017 | | Hajmi | 28.77 Kb. | | #1132 |
Hurmatli yig‘ilish ishtirokchilari,
Barchamizga ma’lumki, yuqoridagi kabi muhim omillardan kelib chiqqan holda, hozirda respublikamizning barcha vazirlik vaidoralarida axborot texnologiyalari va kommunikatsiyalarini tizimlarga samarali joriy qilish, ishchi-xizmatchilarning bu boradagi bilim-malakalarini oshirish tadbirlaribosqichma-bosqichamalga oshirilmoqda. Negaki, zamonaviy axborot texnologiyalari xalq xo‘jaligida shiddat bilan asosiy o‘rinlardan birini egallab borayotgan bir vaqtda soha xodimlaridan ularni tezkorlik bilan o‘zlashtirish, amaliyotda qo‘llay olish va ular vositasida faoliyat unumdorligini oshirishga erishish muhim vazifalardan hisoblanadi.
SHu ma’noda, O‘zbekiston Respublikasi Favqulodda vaziyatlar vazirligi tizimi hamda Favqulodda vaziyatlarda ularning oldini olish vaharakat qilish davlat tizimiga kiruvchi vazirlik va idoralar hamkorligida respublikamiz aholisi va hududlarini tabiiy hamda texnogen xususiyatli favqulodda vaziyatlardan muhofaza qilish, sodir bo‘lganda oqibatlarini bartaraf etish, aholini favqulodda vaziyatlarga tayyorlash, Fuqaro muhofazasi kuch va vositalarining tayyorgarlik darajasini oshirish, eng muhimi, favqulodda vaziyatlarni monitoring va bashoratlash, ularning xavfini kamaytirish borasida amalga oshirilayotgan tadbirlarga zamonaviy axborot-kommunikatsiya texnologiyalarining izchil tadbiq etilayotganligini alohida qayd etish joiz.
SHuni ham ta’kidlash kerakki, O‘zbekiston Respublikasi Prezidentining 2013 yil27 iyundagi “O‘zbekiston Respublikasi Milliy axborot-axborot kommunikatsiya tizimini yanada rivojlantirish to‘g‘risida”giPQ-1989-son qarori talablarini bajarishga oid tadbirlar yo‘nalishida vazirlik tizimida
“2014-2016 yillarda amalga oshiriladigan yagona axborot tizimlari va axborot-kommunikatsiya texnologiyalarini joriy etish va rivojlantirishga mo‘ljallangan Konsepsiyasi” ishlab chiqildi. Mazkur Konsepsiya asosida 2015 yilda axborot-kommunikatsiya texnologiyalarini joriy etish va rivojlantirish bo‘yicha tegishli chora-tadbirlar rejasi tasdiqlangan bo‘lib, hozirda ushbu reja talablari bajarib kelinmoqda.
Tajribalardan ko‘rish mumkinki, axborot-kommunikatsiya texnologiyalariga oid avtomatlashtirilgan axborot tizimlari va axborot resurslari sodir bo‘lish ehtimoli bo‘lgan favqulodda vaziyatlarning oldini olish yoki sodir bo‘lganda, ularning oqibatlarini bartaraf qilishda aniq yo‘nalish va mo‘ljal olish, joylarni belgilash, avariya-qutqaruv tadbirlarini tizimli ravishda bajarilishini ta’minlash, amaliy harakatlarni o‘zaro muvofiqlashtirish, tadbirlar mazmuniga tahliliy yondashishda yaqindan yordam beradi. CHunki favqulodda vaziyatlar yuzaga kelganda, Fuqaro muhofazasi kuch va vositalarining ongli harakatini tashkil etish va amalga oshirishda axborotlashtirish, kommunikatsiya texnologiyalari hal qiluvchi o‘ringa ko‘tariladi.Olib borilayotgan aniq va ongli amaliy harakatlar, berilayotgan to‘g‘ri, xolis va ishonchli axborotlar, tashkil qilinayotgan teran ma’naviy-ruhiy targ‘ibot ishlari aholiga murakkab vaziyatlarda ishonch, umid bag‘ishlaydi. Bu esa ommaning tartib bilan harakat qilishini ta’minlaydi. Zero, favqulodda vaziyatlarda omon qolishning yagona yo‘li ularda to‘g‘ri harakatlanishdir.
SHunday ekan, bugungi tadbirimizning asosiy maqsadi – respublikamiz aholisi va hududlarini tabiiy va texnogen xususiyatli favqulodda vaziyatlardan muhofaza qilishda Favqulodda vaziyatlarda ularning oldini olish va harakat qilish davlat tizimi boshqaruv organlari o‘rtasida milliy axborot-kommunikatsiya texnologiyalarini joriy etish, avtomatlashgan holda ma’lumot almashishni yo‘lga qo‘yish, axborot bazalari va axborot tizimlarini yaratish, respublika aholisini favqulodda vaziyatlardan muhofaza qilish sohasiga oid axborot-kommunikatsiya texnologiyalarini takomillashtirish, umuman olganda, mazkur soha bo‘yicha istiqboldagi vazifalar xususida o‘zaro fikr hamda tajriba almashishdan iboratdir.
Barchamizga ayonki, favqulodda vaziyatlar kutilmaganda sodir bo‘ladi va sanoqli lahzalarda ulkan talofatlar keltiradi. Ayni achchiq haqiqatni teran idrok etgan holda, har birimiz oqilona faoliyat yuritishimiz, hamisha ogoh, sergak bo‘lishimiz talab etiladi. YUrtboshimiz ta’kidlaganlaridek, millionlab kishilarning hayoti xavf ostida qolar ekan, buni hech qanday maqsad bilan oqlab bo‘lmaydi.
Umid qilamizki, bugungi anjumanimiz o‘z mazmun-mohiyatiga ko‘ra, g‘oyat qizg‘in kechadi va siz bilan kun tartibidagi dolzarb, ayni paytda muhim ahamiyatga molik masalalar yuzasidan samarali tarzda fikr almashib olamiz.
|
| |
