Axborot xavfsizligi va axborot urushlari

Download 17.89 Kb.
Sana	27.03.2023
Hajmi	17.89 Kb.
	#46997

Bog'liq
AXBOROT XAVFSIZLIGI VA AXBOROT URUSHLARI
1. Anketa (talabalar), 3-mavzu, conference, 12 labaratoriya ishi, Маълумотлар тузилмаси ва алгоритмлар узб, Abduvositaka, Saralash algoritmlari, Akademik yozuv 2 Omonboyev Rashidbek 12, kontakt hodisalar, golosariy, Operatsion tizimlar uz, 1 - lesson (internet), 2-маруза мавзуси Симулятор, dars tahlili, 6666666666666666666666666666666666666

AXBOROT XAVFSIZLIGI VA AXBOROT URUSHLARI Xavfsizlik, bu har kuni biz to`qnashadigan va rioya qiladigan ehtiyot choralari bo`lib, u hayotimizning ajralmas qismiga aylanib ulgurgan jihatidir. eshikni qulflaymiz, qimmatbaho narsalarni begona ko`zlardan berkitamiz va hamyonni duch kelgan joyda qoldirmaymiz, sirlarimizni har kimga ham aytavermaymiz, muhim xabarlar yozilgan maktublarni konvertga solib, uni elimlab uzatamiz. Muassasa va tashkilotlarda, hatto kichik muassasalarda ham binosining kirish yo`lida sizni qorovul, yoki kirishni chegaralovchi va nazoratlovchi tizimi qarshi oladi. Ammo, muassasaga tegishli muhim axborotni himoyalash esa hali ko`ngildagidek emas. Axborotni qanday yo`qotish mumkinligini va bu qanday oqibatlarga olib kelishini barcha ham tushunavermaydi. Ayniqsa, hozirgi kunda axborot kommunikatsiya texnologiyalari rivojlangan va barcha axborotlar kompyuterda yaratilayotganligi hamda kompyuter tarmog’i orqali uzatilayotganligi va qabul qilinayotganligi hamda davlatlar ‘Elektron hukumat’ ni tadbiq etayotganligi sababli axborot xavfsizligini ta`minlash yanada murakkablashib bormoqda. Chunki axborotlar xavfsizligini ta`minlashning yangi usullari va vositalari ishlab chiqilsa, o`z navbatida uni buzishning yangi usullari va vositalari ham parallel ravishda ishlab chiqilmoqda. Axborotga nisbatan tahdidlar kun sayin oshib bormoqda. Odatda insonlardan yoki vositalardan chiqadigan va zarar etkazadigan tahdidlar quyidagi sinflarga bo`linadi: ichki yoki tashqi va tuzilmalangan (ma`lum ob`ektga qarshi) yoki tuzilmalanmagan (‘kimga Xudo beradi’ qabilida adreslanuvchi). Masalan, kompyuter viruslari ‘tashqi tuzilmalanmagan tahdidlar’ sifatida turkumlanadi va tamomila oddiy hisoblanadi. Ko`pchilik foydalanuvchilar o`zlarining kompyuterini muayyan nishon deb hisoblamaydilar va o`zlarini yaxshigina himoyalangandek sezadilar. Ammo, ularga ham hujumlar uyushtirilishini va kerakli axborotlari o`g’irlanishini sezmaydilar. Agar ularda arzigulik axborotlar mavjud bo`lmasa hamda kompyuter tarmog’iga ulanmagan bo`lishsada, ko`pchilik hollarda axborotlari o`chiriladi va dasturiy ta`minotlari ishdan chiqariladi. Sizga uyushtirilayotgan hujum darajasi aksariyat hollarda ishingizning holatiga bog’liq. Agar tashkilotingiz yoki kompaniyangiz qandaydir tazyiq nishoni bo`lsa, agar siz muhim davlat infratuzilmasi tarkibida bo`lsangiz, oddiy terroristlar bombalarini va pistoletlarini chetga qo`yib, turli - tuman dasturiy vositalar yordamida tashkilotingiz kompyuterlariga, shaxsiy kompyuterlaringizga elektron hujumni amalga oshirish masalasini ko`radilar. Shu sababli bu hujumlarni oldini olish hamda muhim axborotlarning xavfsizligini ta`minlash masalalariga jiddiy yondoshishingizga to`g’ri keladi. Savdo - sotiq va marketing bo`yicha xizmat ko`rsatuvchi oddiy tashkilot xususida so`z borsa, faqat mijozlar ro`yxatini o`g’irlovchi xizmatchilaringiz to`g’risida, qalbaki kredit kartochkalari bo`yicha tovar oluvchi firibgarlar, tarmog’ingizga preyskurantlardan foydalanish maqsadida kiruvchi raqiblar, Web-saytingizni ta`magirlik maqsadida buzuvchilar va shunga o`xshashlar to`g’risida qayg’urishingizga to`g’ri keladi. Ammo, vahimaga o`rin yo`q. Birinchi navbatda kundalik ehtiyot choralari ko`rilishi lozim. Axborotga ega bo`lishning eng ommabop usuli oddiy o`g’rilik. Ish stolimizda mo`maygina pulni qoldirib ketmaymiz-ku. Nima uchun muhim axborotlar saqlanayotgan-shaxsiy kompyuter xavfsizligini ta`minlashga ozgina vaqt sarf qilmaymiz? Bu nafaqat apparat vositalariga, balki ma`lumotlarga ham taalluqli. Ma`lumotlarni o`g’irlatish yoki yo`qotish katta, ba`zida, tuzatib bo`lmaydigan zarar keltiradi. Ma`lumki, tizim ma`murlari barcha maxfiy materiallardan foydalanish imkoniga ega va odatda, kompaniya foydasidan o`z ulushlariga ega emaslar. Shu sababli ular tashkilot xavfsizligiga tahdid sola oluvchilar sarasiga kiradilar. Shu sababli xavfsizlik xizmatini ta`minlovchilarga, ayniqsa maslahat berish, rejalashtirish va ma`murlashni tavsiya etuvchilarni jiddiy qarash lozim. Tamaddun rivojining zamonaviy bosqichida axborot nafaqat jamoat va davlat institutlari faoliyatida, balki har bir inson hayotida hal qiluvchi rolni o`ynaydi. Ko`z oldimizda jamiyatning axborotlashishi shiddat bilan va ko`pincha oldindan bilib bo`lmaydigan tarzda rivojlanmoqda. Biz esa uning ijtimoiy, siyosiy, iqtisodiy va boshqa oqibatlarini tushunib etishga harakat qilamiz, xolos. Jamiyatimizning axborotlashishi yagona dunyo axborot makonining yaratilishiga olib keladiki, bu makon doirasida axborotni yig’ish, ishlash, saqlash va sub`ektlar - insonlar, tashkilotlar, davlatlar o`rtasida almashish amalga oshiriladi. Ravshanki, siyosiy, iqtisodiy, ilmiy-texnikaviy va boshqa axborotlarni tezlikda almashish imkoniyati jamiyat hayotining barcha sohalarida va ayniqsa ishlab chiqarishda va boshqarishda yangi texnologiyalarning qo`llanilishi bilan bog’liqdir. Ammo, sanoatning tez rivojlanishi ekologiyaga tahdid sola boshladi, yadro fizikasi sohasidagi yutuqlar yadro urushi xavfini tug’dirdi. Axborotlashtirish ham jiddiy muammolar manbaiga aylandi, axborotlarga egalik qilish, uni o`zlashtirishga harakat qilish axborot urushini vujudga keltirdi. Urushlar doimo bo`lgan. Vaqt o`tishi bilan urushni olib borish butun bir fanga aylandi. Har qanday fandagidek urushda o`zining tarixi, o`zining qoidasi, mashhur namoyondalari, o`zining metodologiyasi paydo bo`ldi. Zamonaviy axborot urushi g’oyasi juda ildamlab ketdi. endi uning makoni - butun er shari. Urush lokal qaroqchi hujumidan bir necha davlatlarga jiddiy xavf tug’diruvchi global muammoga aylandi. Turli mamlakatlarning harbiy doktrinalarida elektron qurol rivoji rejalari va maxsus vazifalarga mo`ljallangan dasturiy ta`minot to`g’risida eslatishlar ko`zga tashlanmoqda. Turli razvedka manbalaridan kelayotgan axborotning tahlili natijasida xulosa qilish mumkinki, ba`zi bir davlatlarning rahbarlari hujumkor kiber-dasturlarni yaratishni moliyalamoqdalar. Axborot urushiga oddiy vositalar yordamida harbiy xarakatlar samara bermaydigan hollarga nisbatan strategik al’ternativa sifatida qaralmoqda. Harbiylar tomonidan kiritilgan axborot urushi atamasi real, qirg’inli va emiruvchi harbiy harakatlar bilan bog’liq shafqatsiz va xavfli faoliyatni anglatadi. Ma`lumotlarni uzatish tarmoqlarining kelajak janglari maydoniga aylanishi esa allaqachon e`tirof etilgan. Har qanday urush, shu jumladan axborot urushi ham zamonaviy qurol yordamida olib boriladi. Axborot yordamida urush olib boruvchilar e`lon qilinmagan va ko`pincha dunyoga ko`rinmaydigan qurollar yordamida urushlarni olib borishi mumkin (olib borilmoqda ham). Bu qurolning ta`sir ob`ektlari – jamiyat, davlat va davlatning iqtisodiy, siyosiy, ijtimoiy va h-zo sohalaridir. Axborot quroli hujumda va mudofaada ‘elektron tezlik’ bilan ishlatilishi mumkin. Axborot quroli deganda axborot massivlarini yo`qotish, buzish yoki o`g’irlash vositalari, himoyalash tizimini yo`qotish, qonuniy foydalanuvchilar faoliyatini chegaralash asbob-uskunalar va butun kompyuter tizimi ishlashi tartibini buzish vositalari tushuniladi. Bu qurol ilg’or texnologiyalarga asoslangan bo`lib, har bir yaratilgan yangi texnologiyalardan unumli foydalanishga asoslangandir. Axborot quroli qo`llanishining strategiyasi hujumkor xarakterga ega. Shu sababli bunday quroldan va axborot terrorizmidan himoyalanish muammosi hozirda kunda dunyo miqyosida birinchi o`ringa chiqqan. Hozirda hujumkor axborot quroli sifatida quyidagilarni ko`rsatish mumkin: o kompyuter viruslari - ko`payish, dasturlarda o`rnashish, ma`lumotlarni uzatish tarmoqlari bo`yicha uzatilish, boshqarish tizimlarni ishdan chiqarish va shunga o`xshash qobiliyatlarga ega; o mantiqiy bombalar - signal bo`yicha yoki o`rnatilgan vaqtda harakatga keltirish maqsadida harbiy yoki fuqaro infratuzilmalariga o`rnatiluvchi dasturiy mahsulot tarkibidagi ulangan qurilmalar; o telekommunikatsiya tarmoqlarida axborot almashinuvini bostirish vositalari, davlat va harbiy boshqaruv kanallarida axborotni soxtalashtirish; o ob`ekt dasturiy ta`minotiga ayg’oqchilar tomonidan atayin kiritiluvchi turli xil xatoliklar; o testli dasturlarni betaraflashtirish vositalari; Universallik, maxfiylik, amalga oshirilishining har xilligi, ta`sirining keskinligi, qo`llanilishining vaqti va joyini tanlash imkoniyati axborot qurolini haddan tashqari xavfli qiladi. Bu qurolni, masalan, intellektual mulkni himoyalash vositasiga o`xshatib niqoblash mumkin. Undan tashqari, u hatto urush e`lon qilmasdan hujum harakatlarini avtonom tarzda olib borish imkonini beradi. Zamonaviy jamiyatda axborot qurolini ishlatish harbiy strategiyasi fuqaro sektori bilan uzviy bog’langan. Axborot qurolining ta`siri shakli va usullarining paydo bo`lishi va qo`llanishi xususiyatlarining turli-tumanliligi undan himoyalanishning murakkab masalalarini vujudga keltirdi. Axborot quroli qo`llanilishini oldini olish yoki qo`llanishi oqibatlarini bartaraf qilish uchun quyidagi choralarni ko`rish lozim: o axborot resurslarining fizik asosini tashkil etuvchi moddiy - texnik ob`ektlarni himoyalash; o ma`lumotlar bazalari va banklarining me`yoriy va muttasil ishlashini ta`minlash; o axborotdan ruxsatsiz foydalanishdan, uni buzilishidan yoki yo`q qilinishidan himoyalash; o axborot sifatini saqlash (o`z vaqtidaligi, aniqligi, to`laligi va foydalanuvchanligi); o muhim axborotlarni kriptografik usullar orqali himoyalash. Davlatning dunyo ochiq tarmog’iga ulanishining iqtisodiy va ilmiy - texnik siyosatini axborot xavfsizligi orqali qurish lozim. Bu ochiq, fuqarolarning axborotga va intellektual mulkga ega bo`lish qonuniy huquqini saqlashga mo`ljallangan siyosat mamlakat hududida tarmoq asbob - uskunalariga axborot quroli elementlarining kirishidan saqlashni ko`zda tutish lozim. Bu muammo hozirda chet el axborot texnologiyalari va dasturlarini ommaviy sotib olinayotgan paytda o`ta muhimdir. Ma`lumki, dunyo axborot makoniga ulanmasdan mamlakat iqtisodini rivojlantirib, elektron hukumat, elektron hujjat aylanishi va elektron tijoratni amalga oshirib bo`lmaydi. Internet tarmog’i tomonidan ta`minlangan axborot va hisoblash resurslaridan operativ foydalanishni davlatchilikni, fuqarolik jamiyati institutlarini mustahkamlash, ijtimoiy infratuzilmalarining rivojlanish shartlari sifatida talqin etish mumkin. Mamlakatning xalqaro kommunikatsiya tizimida va axborot almashinuvida ishtirokini, axborot xavfsizligi muammosini kompleks hal qilmasdan mumkin emasligini aniq tasavvur etish lozim. Ayniqsa xususiy axborot resurslarini himoyalash muammosi, axborot kommunikatsiya texnologiyalar sohasida rivojlangan mamlakatlardan texnologik orqada qolayotgan mamlakatlar uchun jiddiy hisoblanadi. Axborot qurolini ishlab chiqishni va uni ishlatishni ximiyaviy va bakteriologik qurol kabi taqiqlashning imkoni yo`q. Xuddi shu kabi ko`pgina mamlakatlarning yagona global axborot makonini shakllantirish bo`yicha urinishlarini chegaralab bo`lmaydi. Bu singari tahdidlarni oldini olishning yo`llaridan biri, arzon, tadbiq qilish imkoni mavjud bo`lgan kriptotizimlarni tadbiq qilish hisoblanadi degan fikrdamiz. Buning uchun kriptografiya va kriptologik tizimlar haqida etarlicha tushunchaga ega bo`lishimiz lozim. Download 17.89 Kb.

Download 17.89 Kb.