diagramma joylashtirilishi lozim bo‘lgan varaq ko‘rsatiladi
5) Keyingi qadamni tanlab, 57-rasmdagi kabi ko’rinishdagi tanlov nuqtalari yordamida diagramma o‘rni ko‘rsatiladi. Odatda, diagramma o‘rni shu varaqdaligi ifodalangan bo‘ladi.
6) Tayyor bo‘lgan diagrammani 51-rasmdagi ko‘rinishga keltirish uchun diagrammadagi afsona, diagramma sohasi chegarasini siljitamiz, so‘ngra Format menyusi yordamida jadval va diagrammani formatlarini o‘zgartiramiz (mustaqil bajarishni tavsiya etamiz).
6–misol. x ning [-5;5] oraliqdagi butun qiymatlarida y=3x funksiyasining qiymatlarini va nuqtali grafigini hosil qiling.
1) Excel jadvalida rasmdagidek (58-rasm) argument x ning va funksiya y ning qiymatlarini hosil qilamiz. Buning uchun qadam orqali to’ldirish, nusxalash va formatlash imkoniyatlaridan foydalanamiz.
2) B3:C13 katakchalar blokini belgilab uskunalar panelidan piktogrammasini tanlaymiz.
3) Standart turdan Nuqtali (Точечная) turini tanlaymiz va Keyingi qadamga o’tamiz.
4) Bu qadamda bajaradigan ishimiz bo’lmagani uchun Keyingi qadamga o’tamiz.
5) Muloqot oynasida grafikka “y=3x ning nuqtali grafigi” sarlavhasini yozamiz. Afsona qo’shish (Добавить легенду) tanlov tugmasidagi belgini olib tashlab diagramma oynasidagi afsonani o’chiramiz.
6) Tayyor bo’lgan nuqtali grafikni rasmdagi ko’rinishga o’tkazish uchun quyidagi ishlarni bajaramiz:
a) OX toifalar o’qini belgilab, formatlash oynasining Shkala (Шкала) bo’limidan “asosiy bo’linishlar qiymati” (цена основных делений) oynachasidagi sonni 1 deb yozamiz;
b) OX toifalar o’qi formatlash oynasining Shrift bo’limidan shrift o’lchamini 8, rangga bo’yinganligini qalin qilib tanlaymiz;
d) OY qiymatlar o’qini belgilab, formatlash oynasining Shkala bo’limidan “asosiy bo’linishlar qiymati” oynachasidagi sonni 1 deb yozamiz;
e) OY qiymatlar o’qi formatlash oynasining Shrift bo’limidan shrift o’lchamini 8, rangga to’yinganligini qalin qilib tanlaymiz.
| 