Kirish
Bitiruv malakaviy ish mavzusining dolzarbligi. Respublikamizda izchil amalga oshirib borilayotgan Kadrlar tayyorlash milliy modeli bugungi kunda jahon miqyosida e`tirof etildi va o’zining ijobiy natijalarini bermoqda. Erishilgan muvaffaqiyatlar bilan birgalikda, Milliy dasturni to’liq ro’yobga chiqarishda ko’zda tutilganidek, mehnat bozorining rivojlanishi va real ijtimoiy-iqtisodiy sharoitlarni hisobga olgan holda aniqliklar kiritish zarurati ham yuzaga keldi.
Hozirgi zamonaviy bosqichda pedagogic dolzarb vazifalarga fan, texnika, ilg’or texnologiyalar yutuqlaridan foydalanish asosida shaxsni tarbiyalash, o’qitish va rivojlantirish maqsadlari mazmuni, metodlari, vositalari va tashkiliy shakllarini ilmiy ta’minlash kiradi. Kadrlar tayyorlash sohasidagi davlat siyosati uzluksiz ta’lim tizimi orqali har tomonlama rivojlangan shaxs-fuqaroning tashkil topishini ko’zda tutadi. U ushbu ta’lim tizimida va kadrlar tayyorlashda ta’lim xizmatlarining iste’molchisi, buyurtmachisi sifatida va xuddi shunday ishlab chiqaruvchi sifatida ishtirok etadi [1], [2].
Inson taraqqiyotining barcha davrlarida ijodiy mehnat bashariyatni olg’a harakatlantiruvchi asosiy omil bo’lib kelgan. Shunday yosh avlodni ijodiy mehnatga o’rgatish uni zamonasining eng ilg’or bilimlar bilan qurollantirish, barcha davrlarda barcha xalqlar uchun dolzarb vazifa hisoblangan. Jamiyat rivojlanar ekan har bir sohada rivojlanishni talab qiladi. Buning uchun o’quvchi yoshlarimizning qiziqish va qobiliyatlariga qarab rivojlantirib borishimiz lozim.
|
