• Tayanch so‘z va iboralar
  • “Elektron hukumat” tizimi
  • “Elektron hukumat” tushunchasi
  • Elektron hukumat




    Download 422.09 Kb.
    bet1/8
    Sana14.05.2023
    Hajmi422.09 Kb.
    #59687
      1   2   3   4   5   6   7   8
    Bog'liq
    a YASHNAR MENEJMENT, Eshmo\'minova Nozanin, 7-Modu lMa`lumotlar ombori, Amaliy matematika, Sayt turlari haqida, Kompyuter-zamonaviy-texnik das TEST, buyruqlar na`munalari

    5-Ma’ruza mashg’uloti.
    Mavzu: Ta’lim jarayonida “Elektron hukumat” tushunchasi, vazifalari va asosiy prinsiplari.
    Reja:

    1. Elektron hukumat tushunchasi.

    2. Elektron hukumat ta’riflari.

    3. Elektron hukumatning asosiy vazifalari.

    4. Elektron hukumatning asosiy prinsiplari.

    Tayanch so‘z va iboralar: Elektron hukumat, elektron hukumat tizimining boshlang‘ich ma’nosi, mahalliy hisoblash tarmog‘i (lokal tarmoq), mintaqaviy tarmoq, global tarmoq, davlat interaktiv xizmatlari, Yagona interaktiv davlat xizmatlari portali.


    <<1>>
    Elektron hukumat tushunchasi.
    Axborot-kommunikatsiya texnologiyalari taraqqiy etishi bilan hayotimizni qulayliklar bilan boyitish maqsadida taqdim etilayotgan tejamkor va ishonchli imkoniyatlardan biri «Elektron hukumat» tizimining joriy etilishidir.
    “Elektron hukumat” tizimi mutaxassislarining fikricha, davlat boshqaruviga axborot-kommunikatsiya texnologiyalarining kirib kelishi iqtisodiyotning rivojlanishini tezlashtirish imkoniyatini yaratadi, ma’muriy buyruqbozlik asosida kelib chiqadigan sarf-xarajatlarni kamaytiradi, davlat tashkilotlarining ish unumi va samarasini oshiradi, aholining turli axborotlarga bo‘lgan ehtiyojini qondirish hisobiga fuqarolik jamiyatini shakllantirish bo‘yicha imkoniyatlarni kengaytiradi, davlat xizmatlarining faoliyatidagi shaffoflikni yaratadi va byurokratik to‘siqlarni kamaytiradi.
    “Elektron hukumat” tushunchasi 1990-yillarning boshida paydo bo‘lgan, lekin amaliyotga so‘nggi yillardan boshlab tadbiq qilina boshlandi. Elektron hukumatni ishlab chiqish bilan birinchi galda AQSH va Angliya, hamda Italiya, Norvegiya, Singapur, Avstraliya va ayrim boshqa davlatlar (Fransiya, Germaniya, Qatar, BAA va h.k.) shug‘ullandilar. Elektron hukumatning uch asosiy rivojlanishi tizimi ajratiladi: -hukumat – aholi (G2C); -hukumat — biznes (G2B); - hukumat — hukumat (G2G).
    Elektron hukumat tizimining boshlang‘ich ma’nosi: bu davlat boshqaruv organlarida axborot-kommunikatsiya texnologiyalarini qo‘llash orqali yangi ko‘nikmalarni joriy qilish va tashkiliy o‘zgartirishlar asosida davlat xizmatlari va demokratik jarayonlarni, davlat siyosiy institutlariga yordam berishni ta’minlashni takomillashtirishga qaratilgan tizimdir.
    Elektron hukumatning yaratilishi hujjatlarning qayta ishlash jarayonlari bilan bog‘liq bo‘lgan barcha masalalar echimi to‘liq amalga oshirilgan taqsimlangan umumdavlat jamiyat boshqaruvi tizimi yaratilishini taqozo qiladi. Axborot–kommunikatsiya texnologiyalari tezkor sur’atlar bilan rivojlanayotgan sharoitda barcha sohalarda davlat organlarining elektron ko‘rinishdagi faoliyatlariga fuqarolar hamda har qanday mulkchilik shakllariga asoslangan tashkilot va muassasalar tomonidan ehtiyoj mavjuddir. Bugungi kunga kelib butun dunyoda tan olingan yagona elektron hukumat yaratish konsepsiyasi mavjud emas.
    Elektron hukumat tizimining joriy etilishidan maqsad: aholi va tadbirkorlik sub’ektlariga davlat xizmatlari ko‘rsatish samarasini ko‘tarish; fuqarolarning o‘z–o‘ziga xizmat ko‘rsatish imkoniyatlarini kengaytirish; insonlarning malakasi va texnologik xabardorligi darajasini oshirish; barcha saylovchilarning mamlakatni boshqarish jarayonlaridagi ishtirok darajasini oshirish va geografik joylashuv hamda ish vaqti omillari ta’sirini kamaytirishdan iboratdir. Buning natijasida davlat xizmatlarining samarali va kam harajatli boshqaruv usuli joriy etiladi, jamiyat va hukumat munosabatlarini tubdan yangi bosqichga olib chiqiladi va fuqarolik jamiyati rivojlantirilib, hukumatning xalq oldidagi javobgarlik darajasi oshiriladi.
    Elektron hukumatning yuzaga kelishi natijasida fuqarolarga xizmat va axborotlar ular istagan joyda va vaqtda insonlarga qulay shaklda taqdim etiladi. Muvafaqqiyatli amalga oshirilgan davlat xizmatlari ochiq, hammabop, oddiy foydalanuvchiga qulay, integrallashgan hamda davlat va xususiy sektorlarning hamkorligi tamoyiliga asoslangan bo‘ladi, ular nafaqat Internet tarmog‘iga ulangan insonlarni, balki shu kungacha tarmoqqa kirmagan va u bilan tanish bo‘lmaganlarni ham jalb qila oladi. Aholiga xizmat ko‘rsatish yo‘llarini yuqori darajada oshirish davlat manfaatlari maqsadlari qatoriga kiradi va bugungi kunda paydo bo‘layotgan elektron hukumatning yaratilishi jamiyat va hokimiyat o‘rtasidagi munosabatlarning tubdan o‘zgarishiga sabab bo‘lmoqda.
    Oxirgi vaqtlarda elektron hukumat atamasi odatiy hayotda ko‘plab qo‘llanilmoqda. Biroq hozircha ko‘pchilik ushbu atamaning to‘liq ma’nosini bilishmaydi. E – government konsepsiyasi o‘zbek tiliga tarjima qilinganda “elektron hukumat” ma’nosini beradi. Atama davlat tuzilmasiga davlat apparatining faoliyati samaradorligini oshirish va ochiqligini ko‘rsatish maqsadida zamonaviy axborot va kompyuter texnologiyalarini kiritish g‘oyasi kabi G‘arbda paydo bo‘lgan. Bu konsepsiya g‘oyasi xizmat ko‘rsatishga yo‘naltirilgan hukumat ma’nosida, ya’ni, o‘z fuqarolariga xizmat ko‘rsatuvchi tashkilot g‘oyasi bilan ajralmas bo‘lgan.
    Bu vazifalarni echish uchun butun dunyoda mos maqsadli dasturiy vositalar yaratila boshlandi: E-Europe, E-Austria, Indonesia National E-Strategy. Elektron hukumat davlat xizmatlari va fuqarolar o‘rtasida aloqalarni rivojlantirish va o‘zaro munosabatni yaxshilash uchun birinchi navbatda Internet tarmog‘idan va yangi texnologiyalardan samarali foydalanishni ko‘zda tutadi.
    “Elektron hukumat” yoki elektron boshqarish davlat boshqaruv organlari axborot – kommunikatsiya texnologiyalari(AKT)dan foydalanish sabablari:

    • davlat xizmatlarini samarali va tezlashtirilgan bosqichda ko‘rsatilishi;

    • ichki samaradorlikni o‘zgartirish;

    • fuqarolar, korxonalar yoki boshqa davlat muassalari o‘rtasida axborot almashinuvi;

    • xarajatlarni kamaytirish va daromadni oshirish;

    • ma’muriy jarayonlarni tuzilmasini qayta tuzish.



    Download 422.09 Kb.
      1   2   3   4   5   6   7   8




    Download 422.09 Kb.