A. 1/6. B. 1/8. C. 1/10. D. 2/5.
Harflar orasidagi masofa qancha d qilib olinadi?
A. 1d. B. 1,5d. C. 2,5d. D. 2d.
Yuqorida qayd etilgan savollarga yozma javob tayyorlang.
Kundalik hayotimizda va turli idora hamda tashkilotlarda rasmiy alifbo harflarida yozuvlar olib boriladi. Chizmalarda faqat standart shriftlardan foydalaniladi.
5.1-chizmada lotin shriftiga asoslangan chizma yozuvlari, arab va rim raqamlarining tuzilishi va yozilishi ko‘rsatilgan. Raqamlarning balandligi va eni (1 dan boshqalari) bosh harflarning balandligi va eniga teng bo‘ladi. 1 ra- qamining chizig‘i uning yozilish chizig‘iga, eni 3d ga teng qilib yoziladi.
5.1-chizma.
Chizma yozuvlarini bajarish uchun amaliy ko‘rsatmalar. Chizma shriftlarini yozish yordamchi to‘rlar chizishdan boshlanadi. Shrift qiyaligini chizish uchun transportir yoki 30° va 45° burchakli ikkita uchburchaklik yordamida satr asosiga 75° burchaklar o‘tkaziladi.
Lotin va kirill alfaviti shriftlarining to‘rlardan foydalanib yozilishi 5.1- va 5.2-chizmalarda ko‘rsatilgan. Shriftlarni yozishda ularning bir-biriga o‘xshashligidan foydalanish tavsiya etiladi.
Ba’zi harflarni yozishda yordamchi to‘rlarning o‘rtasidan o‘tuvchi, ya’ni 1/2 h chiziqni belgilab olishga to‘g‘ri keladi. Harflarning o‘rtasidagi to‘g‘ri yoki qayrilish chiziqlarining yo‘g‘onligi o‘rta chiziqning ustida yoki tagida joylashgan bo‘ladi. So‘zlar orasidagi masofa e=6d, yozuvdagi qatorlar orasidagi masofa b=17d, harflar orasidagi masofa 2d qilib olinadi.
Katak daftarda shriftlar yozish. Chizma shriftlarni katak daftarda yozish ancha qulay. Daftarda 75° qiyalikda chiziq o‘tkazish uchun to‘rtta
katak va bitta katak diagonali bo‘ylab chiziq o‘tkaziladi (5.3-chizma). 4 ta katak balandligi 20 mm, 3 ta katak balandligi 15 mm, 2 ta katak esa 10 mm ni tashkil qiladi. Eng avval 3 ta katak balandligida shriftlarni yozib mashq qilish tavsiya etiladi. Bunda shriftlar enini 2 ta katak kengligida olinadi. Keyinchalik 2 ta katak balandligidagi 10 o‘lchamli shriftni, so‘ngra bitta katakda 5 o‘lchamli shriftni yozib mashq qilinadi.
1. Bosh harflar o‘lchami bilan yozma harflar o‘lchami bir-biridan qanday farq qiladi?
Shriftlarda o‘zaro qanday o‘xshashliklar mavjud?
Qanday hollarda shriftlarni yordamchi kataklardan foydalanmasdan yozish mumkin?
Bitta 12 varaqli katak daftarga 14 (15), 10, 7, 5 o‘lchamli bosh va yozma shriftlar hamda raqamlarni yozing.
Katak daftarda shriftlar qiyaligi qanday kataklar nisbati (diagonali) yordamida aniqlanadi?
|
