|
Induksion datchiklar
|
| bet | 1/5 | | Sana | 15.12.2023 | | Hajmi | 1,73 Mb. | | #119550 |
Bog'liq Induksion datchiklar
INDUKSION DATCHIKLAR
REJA
Kirish
Induksion datchiklar haqida umumiy ma’lumot
Induksion datchiklarning ishlash tamoyillari
Induksion datchiklarning afzalliklari va kamchiliklari
Induksion datchiklar yordamida tadqiqot olib borilgan sohalar
Induksion datchikning ko’rinishi va elektr sxemasi
Xulosa
Foydalanilgan adabiyotlar
Kirish
Хar xil texnologik jarayonlarni avtomatlashtirishda ularning ko‘rsatkichlari xaqida ma‘lumot olish zarur hisoblanadi. Bu maqsadda birlamchi o‘zgartirgichlar (yoki datchiklar) keng qo‘llaniladi. Datchik deb nazorat qilinayotgan yoki rostlanayotgan kattalikni kerakli yoki avtomatika tizimining keyingi elementlarida qo‘llash uchun qulay qiymatga o‘zgartiradigan vositaga aytiladi.
Mexanik o‘zgartirgichlar mexanik kirish ko‘rsatkichlarni (bosim, kuch, tezlik, sarf va x.k.) mexanik chiqish ko‘rsatkichlarga (aylanish chastotasi, bosim va x.k.) o‘zgartirib berish bilan xarakterlanadi. Bunday o‘zgartirgichlarning sezgirlik elementi sifatida elastik elementlar (membrana, prujini, balka kabilar) poplavoklar, krilchatkalar va drosselli qurilmalar ishlatiladi. Elektromexanik birlamchi o‘zgartirgichlar (yoki elektrik datchiklar) kirish mexanik ko‘rsatkichlarni (bosim, kuch, sarf kabilar) chiqish elektrik ko‘rsatkichlarga (kuchlanish, tok, qarshilik, induktivlik va kabilar) o‘zgartirib ber-ish uchun xizmat qiladi. Elektromexanik o‘zgartirgichlar parametrik va generator o‘zgartirgichlarga (yoki datchiklarga) bo‘linadi. Parametrik datchiklarda chiqish ko‘rsatkichini elektr zanjir kattaliklari (qarshilik, induktivlik, o‘zaro induktivlik, elektr sig‘imi va kabilar) tashkil topadi. Bunday turdagi datchiklarda elektr toki va kuchlanishi sifatida chiqish signalini olish uchun ularni maxsus elektr sxemalariga (ko‘prikli, differensialli) ulash hamda allohida energiya manbasiga ega bo‘lishi kerak.
Generator datchiklarida bevosita sezgir elementda kirish signali Х chiqish signali U o‘zgartiriladi. Ushbu o‘zgartirish kirish signali energiyasi hisobiga bo‘ladi va chiqish signali E.YU.K. ko‘rinishida hosil bo‘ladi. Generator datchiklari juda oddiy bo‘ladi, chunki ular qo‘shimcha energiya manbaisiz ulanadi.
Aniqlik darajasi bo‘yicha datchiklar 0,24; 0,4, 0,6; 1; 1,5; 2,5; 4 aniqlik sinflariga muvofiq bo‘lishlari lozim. Ish prinsipi bo‘yicha elektrik datchiklar rezis-tivli, elektromagnitli, sig‘imli va taxometrik (generatorli) ko‘rinishlarga ega bo‘ladi.
Induksion datchiklar-bu metall buyumlar, harorat va boshqa fizik miqdorlar kabi turli parametrlarni aniqlash va o'lchash uchun elektromagnit prinsiplardan foydalanadigan qurilmalarga aytiladi. Ular sanoat, avtomobilsozlik, tibbiyot va ilmiy tadqiqotlar kabi turli sohalarda keng qo'llaniladi. Ushbu mustaqil ishimizda biz induksion datchiklarining asosiy tamoyillarini, ularning afzalliklari va kamchiliklarini ko'rib chiqamiz, shuningdek ushbu sohadagi zamonaviy tendentsiyalar va ishlanmalarni yoritadigan adabiy sharhni taqdim etaman.
|
| |
