|
Korxona tarixi Navoiy elektrkimyo zavodi aksiyadorlik jamiyati
|
| bet | 1/2 | | Sana | 25.08.2022 | | Hajmi | 42.37 Kb. | | #25390 |
Bog'liq Reja 1ingliz tili, elektronik ham sxamlar 2.adil
Reja:
1.Korxona tarixi
2.Korxonada ishlab chiqariladigan mahsulotlar
3.Sexning xavfsizligi.
Korxona tarixi
Navoiy elektrkimyo zavodi aksiyadorlik jamiyati - Oʻzbekistondagi eng yirik kimyo korxonalaridan biri. "Oʻzkimyosanoat" davlat-aksiyadorlik kompaniyasi tarkibida. Oʻsimliklarni himoya qilish kimyoviy vositalari (gerbitsidlar, insektoakaritsidlar, zootsidlar, oʻsishni boshqaruvchi moddalar), atsetilen qurumi, aktivlashtirilgan koʻmir, oddiy superfosfat, sirka kislotasi, A. V markali etilatsetat, metil-atsetat, suyuq shisha, xalq isteʼmol mollari — osh tuzi, yodlangan osh tuzi va boshqa mahsulotlar ishlab chiqaradi.
Korxona 1971-yil Navoiy kimyo kombinati tarkibidan Navoiy elektrkimyo kombinati direksiyasi sifatida ajralib chiqdi. 1972-yil korxonani kengaytirish uchun Navoiy tumanida 935 ga yer ajratildi va uning 1- navbatini loyihalashtirish ishlari boshlandi. Dastlab xlororganik moddalar ishlab chiqarishga moʻljalangan. 1976-yildan korxona oʻsimliklarni kimyoviy himoya qilish vositalarini ishlab chiqarishga ixtisoslashdi. 1976—80 yilda uning birinchi navbati qurildi. 1980-yilda birinchi mahsulot — kotoroy gerbitsidi ishlab chiqarildi. Kombinat 1981-yildan Navoiy "Elektrokimyo zavodi" deb nomlandi, 1994-yildan yopiq turdagi aksiyadorlik jamiyati, 1996-yildan Navoiy "Elektrkimyozavodi" aksiyadorlik jamiyati — Oʻzbekiston-Panama qoʻshma korxonasi. Taʼsischisi: Oʻzbekiston Respublikasi Davlat mulki qoʻmitasi.
Korxona respublikadagi oʻsimliklarni himoya qiluvchi kimyoviy vositalarni tayyorlovchi yagona korxonadir. Korxona faoliyati Oʻzbekiston Respublikasi qishloq xoʻjaligi ning kimyoviy vositalarga boʻlgan ehtiyojini qondirishga qaratilgan. 1996-yil dekabr oyida Fransiyaning "Speyshim" firmasi bilan hamkorlikda yillik quvvati 10 ming t boʻlgan fozalon ishlab chiqarish liniyasi ishga tushirildi, mevali ekinlardagi oʻsimlik biti, kana, Kolorado koʻngʻizi va boshqa zararkunandalarni yoʻqotishda qoʻllaniladigan fozalon insek-toakaridsidini ishlab chiqarish yoʻlga qoʻyiddi.
2000—2002-yil davomida chetdan olib kelingan xom ashyolardan 30 turdagi oʻsimliklarni himoya qiluvchi kimyo vositalari ishlab chiqarildi.
Korxona koʻp yillardan buyon Shveysariyaning "Singenta", "Dalston", Germaniyaning "Lurgi", Yaponiyaning "Sumitomo", Xitoyning Xunan eksport-import korporatsiyasi, "Delyan", Buyuk Britaniyaning "Dau Agrosains" firma va kompaniyalari bilan hamkorlik qiladi
Kimyo sanoati Oʻzbekiston iqtisodiyotining asosiy tarmoqlaridan biri boʻlib, qishloq xoʻjaligi ishlab chiqarishini intensivlashtirish ehtiyojlaridan kelib chiqib, mineral oʻgʻitlar ishlab chiqaruvchi korxonalarni tashkil etish orqali shakllangan.
Respublika kimyo sanoati tarixi 1932 yilda Shursuy oltingugurt konining ishga tushirilishi bilan boshlanadi.
1940 yilda kimyo sanoatining eng yirik korxonasi Chirchiq elektrokimyo zavodi, hozirgi “Maksam-Chirchiq” OAJ mahsulot ishlab chiqara boshladi.
1962 yilda Farg‘ona azotli o‘g‘itlar zavodi, hozirgi “Farg‘onaazot” aksiyadorlik jamiyati ishga tushirildi.
1964 yilda Navoiy kimyo kombinati, hozirgi “Navoiyazot” AJ mahsulot ishlab chiqara boshladi.
1969-yilda Olmaliq kimyo zavodi, xozirgi OAJ Ammofos va boshqalar ishga tushdi.
Hozirgi kunda Chirchiq “Maksam-Chirchiq”, “Navoiyazot” va “Fargʻonaazot” aksiyadorlik jamiyatlarida azotli oʻgʻitlar: ammiakli selitra, karbamid va ammoniy sulfat ishlab chiqarilmoqda. Ochiq aktsiyadorlik jamiyatlari: Olmaliq “Ammofos”, “Samarqandkimyo” va “Qoʻqon superfosfat zavodi” tarkibida fosforli oʻgʻitlar, ammofos, suprefos, oddiy ammiaklangan superfosfat, ammoniy sulfofosfat va nitrokalsiy fosfat ishlab chiqariladi. Ularni xomashyo bilan Qizilqum fosforit zavodi ta’minlamoqda. “Elektroximzavod” AJ QK har xil turdagi oʻsimliklarni kimyoviy himoya qilish vositalarini ishlab chiqaradi.
Kompaniya korxonalarini ishlab chiqarilayotgan mahsulot turlariga ko'ra quyidagi asosiy ishlab chiqarish komplekslariga bo'lish mumkin:
energetika, oltin qazib olish, kimyo sanoati uchun mineral o‘g‘itlar, noorganik moddalar va kimyoviy reagentlar ishlab chiqarish majmuasi;
organik kimyo, sun'iy tolalar, polimer materiallar ishlab chiqarish majmuasi;
o'simliklarni himoya qilish kimyoviy vositalarini ishlab chiqarish;
sodali suv ishlab chiqarish.
“O‘zkimyosanoat” aksiyadorlik jamiyati korxonalarida 170 turdan ortiq kimyo mahsulotlari ishlab chiqarilmoqda
KOMPANIYA HAQIDA
Navoiy elektrokimyo zavodi Oʻrta Osiyo mintaqasi va SSRning boshqa respublikalari uchun oʻsimliklarni himoya qiluvchi kimyoviy vositalar – insektitsidlar, gerbitsidlar, fungitsidlar ishlab chiqarish maqsadida 1971-yilda tashkil etilgan. Korxonaning ikkinchi tug'ilishi 1994 yilda tashkil etilgan. “O‘zbekiston-Panama” Yopiq aksiyadorlik jamiyati “Elektroximzavod” AJ QK. Yangi iqtisodiy sharoitda kompaniyamiz O'zbekiston Respublikasi va Markaziy Osiyo mintaqasida CPPP ishlab chiqarish bo'yicha yetakchi o'rinni ishonchli tarzda egallab turibdi.
|
| |
