Laboratoriya ishi № 6.1
Talabalarda sinov darslarini o’tkazish
Ishning maqsadi: Talabalarda sinov darslarini o’tkazish
Kerakli jihozlar: A3 va A4 formatli qog’ozlar, marker yoki rangli ruchkalar,
chizg’ich, kompyuter, kolleksiyalar.
O`qitish jarayonida kompyuterlardan foydalanish real namoyish tajribalarini amalda
qo`llash mumkin emasligi sababli talabalar o`zlashtirishida ma’lum qiyinchiliklar
tug`diradigan turli tabiiy hodisalar va kimyoviy jarayonlarni mavhumlik darajasida
ham ilmiy jihatdan to`liq tushuntirish imkonini beradi. Kompyuterda o`rgatuvchi
dasturlar kimyoviy jarayonlar mexanizmlarini
chuqurroq anglashga, asosiy
e’tiborini o`rganilayotgan materialning muhim jihatlariga qaratishga yordam beradi,
bilim
va malakalarni rivojlantirish, olingan bilimlarni amalda qo`llash vositasi
sifatida namoyon bo`ladi.
Kompyuterning o`qitish vositasi sifatidagi pedagogik
imkoniyatlari qator
ko`rsatkichlar bo`yicha (ko`rgazmalilik, grafik imkoniyatlar,
bilimlarni nazorat
qilish va baholashning texnik vositalari va b.) o`quv jarayonini amalga oshirishning
an’anaviy vositalaridan ancha ustun turadi. Kimyo o`qitish jarayonida
kompyuterdan foydalanish o`tilgan nazariy va amaliy
materialni tez va sifatli
o`zlashtirish imkonini beradi. Ma’lum sharoitlarda dasturiy vositalarni an’anaviy
o`qitish metodikasi tizimiga kiritish o`quv vaqtini tejash, uzun hisoblash amallarini
bajarish va sonlar analizidan ozod bo`lish, o`zlashtirish natijalarini nazorat qilishni
avtomatlashtirish imkoniyatlari hisobiga sezilarli pedagogik effekt beradi.
Kimyo ta’limining maqsadi o`quvchilarni kimyo fani asoslari va atrofimizdagi
olamni bilish metodlari bilan tanishtirishdan iborat. Bu borada, ob’ektiv sabablarga
ko`ra o`rganilishi qiyin bo`lgan quyidagi bo`lim va mavzular alohida o`rin tutadi:
- vizual kuzatish imkoni bo`lmagan jarayonlar va hodisalarni o`qitish;
- og`zaki tushuntirilganda qiyin qabul qilinadigan, mavhum fikrlash va uni
talab qiluvchi, model tasavvurlardan foydalanib oson tushuntirish mumkin bo`lgan
mavzular;
- portlovchi, zaharli, noyob va qimmatbaho reaktivlardan foydalani-ladigan
murakkab kimyoviy eksperimentlar;
- maxsus qurilmalarni talab qiluvchi tajribalar.
Bunday mavzularni o`qitish samaradorligini ta’minlashda
axborot
texnologiyalari katta potensialga ega bo`lib, animasiyalardan foydalangan holda
o`quv materialining mazmunini tushunarli va qiziqarli qilish imkonini beradi.