O‘zbekiston
Respublikasi
Maktabgacha va maktab
ta’limi vazirining
2023-yil 14-noyabrdagi,
540-son buyrug‘iga
2-ILOVA
Maktab o‘qituvchilarini diagnostikadan o‘tkazish jarayonlarini
tashkil etish tartibi
1. Mazkur tartib maktab o‘qituvchilarining malaka oshirishga bo‘lgan kasbiy
ehtiyojlarini aniqlash maqsadida o‘tkaziladigan diagnostika
jarayonlarini tashkil
etish qoidalarini belgilaydi.
2. Diagnostika jarayoni test sinovi shaklida “Uzluksiz kasbiy ta’lim” elektron
platformasi imkoniyatlaridan foydalangan holda tashkil etiladi.
3. Diagnostika jarayonida har bir o‘qituvchiga har biri bitta savol va 4 ta
muqobil javobdan iborat 50 ta test taqdim etiladi hamda ularga javob berish uchun
60 minut vaqt beriladi.
4. Testlar tegishli fan va uni o‘qitish metodikasiga doir savollardan
shakllantiriladi.
5. Maktab o‘qituvchilari diagnostika testlarini o‘zlari
dars beradigan asosiy
fan bo‘yicha topshiradilar.
6. Qoraqalpogʻiston Respublikasi Maktabgacha va maktab ta’limi vazirligi,
Toshkent shahar va viloyatlar maktabgacha va maktab ta’limi
boshqarmalari
tomonidan:
a) hududdagi maktablarda faoliyat yurituvchi barcha oʻqituvchilarining fanlar
kesimida roʻyxati shakllantiriladi;
b) barcha oʻqituvchilarni “Uzluksiz kasbiy ta’lim” maxsus elektron
platformasi orqali roʻyxatdan oʻtishlari ta’minlanadi;
c) tasdiqlangan reja-jadvalga asosan oʻqituvchilarning
diagnostika
jarayonlarida oʻz ish joyidan onlayn ishtiroki ta’minlanadi.
7. Tuman (shahar) maktabgacha va maktab ta’limi boʻlimlari diagnostika (test
sinovi) jarayonlarini shaffof va xolis oʻtkazilishini ta’minlaydi va Zoom platformasi
orqali nazorat qiladi.
8. Diagnostika test jarayonlari “Uzluksiz kasbiy ta’lim” maxsus elektron
platformasi (
http://onlinedu.uz
) orqali tashil etiladi.
9. Har bir test savoli uchun belgilangan birinchi
javob hisobga olinadi
va qayta o‘zgartirishga imkoniyat berilmaydi.
10. Test sinovi yakunlangach o‘qituvchi kompyuter ekranida yoki telefonida
natijalarini ko‘rishi mumkin bo‘ladi.
11. Test sinovi jarayonida uzrli sabablarga ko‘ra ishtirok etmagan maktab
o‘qituvchilari vazirlik ruxsati bilan alohida grafik
asosida diagnostikadan
o‘tkaziladi.
12. Test sinovida uzrli sabablarsiz ishtirok etmaganlar diagnostikada nol ball
olgan deb hisoblanadi.
13. Diagnostika natijalari e’lon qilinmaydi va faqat ehtiyojlarga asoslangan
holda malaka oshirishni tashkil etish maqsadida foydalaniladi.
