Darsning uslubi: noan`anaviy
Dars turi : “Kichik guruhlar bilan ishlash”, “Aqliy hujum”, “Har qadamda element”
Dars tipi: yangi bilimlarni shakllantirish
Dars jihozi: elektron darslik, tarqatmalar, testlar, tezkor savollar.
Darsning fanlararo bog`liqligi: fizika, biologiya, matematika, ekologiya
DTS talabi: anorganik moddalarning asosiy sinflari orasidagi genetik bog`lanish haqida bilimlarga ega bo`lish
Darsning shiori: “Kimki o`rganishni uyat-or demas, suvdan dur topadi, toshdan la`l, olmos”
Darsning borishi:
I. Tashkiliy qism
-
salomlashish
-
davomatni aniqlash
-
o`quvchilarning o`quv qurollari va darsliklarini nazorat qilish
-
“My 5 news” ruknini o`tkazish(guruh a`zolari 5 tadan dunyo yangiliklaridan aytadilar)
II. O`tilgan mavzuni so`rash
Bunda uy vazifalari tekshirilib o`quvchilar baholanadi.
O`qituvchi: Aziz o`quvchilar, hozir sinfimizni to`rt guruhga bo`lib olamiz. Birinchi guruh “Oksidlar”, ikkinchi guruh “Asoslar” uchinchi guruh “Kislotalar”, to`rtinchi guruh “Tuzlar” deb nomlanadi. Har bir guruh o`zlariga tanlagan nomni ta`riflab beradi.
Ta`riflashda o`quvchilar bergan javoblarda moddalarning tarkibi, ahamiyati, ishlatilishi haqida aytib o`tiladi va ularning bergan javoblariga qarab “Rag`bat” kartochkalari beriladi. (rag`bat kartochkalari—“OLTIN”-Au, “KUMUSH”-Ag, “MIS”- Cu dan tayyorlangan bo`ladi.)
Darsni o`quvchilarning ziyrakligini oshirish, diqqatini jamlash maqsadida “Har qadamda element” o`yini bilan boshlaymiz. Har bir guruhdan bittadan o`quvchi chiqib, elementlar nomini aytadi va bir qadam tashlaydi. Element nomini qayta aytgan va aytolmay to`xtab qolgan o`quvchi o`yindan chiqariladi. Eng ko`p element nomini aytgan guruh a`zosi ko`proq qadam tashlaydi hamda oldinga chiqib qoladi va g`olib hisoblanadi. Shu tariqa o`yin davom etadi. G`olib o`quvchilar guruhiga “Rag`bat” kartochkasi olib beradi.
|