|
Mavzu: Kirish. Ies va iem larning issiqlik chizmalari va ularda suvning ishlatilishi. Reja
|
| bet | 1/2 | | Sana | 10.09.2022 | | Hajmi | 68.55 Kb. | | #25791 |
Bog'liq Suvni kimyoviy tahlil qilish 1-mavzu kanspekt Energiya auditda statistik ishlov va energiya tejamkor tadbirlar, Analitik usul validatsiyasi, Elektromaqnit induksiya hadisəsi-fayllar.org, Tanlov uchun insho, yuklash 1 — копия
Mavzu: Kirish. IES va IEM larning issiqlik chizmalari va ularda suvning ishlatilishi. Reja:
IES larning ishonchli va samaradorli ishlashida suvning ahamiyati.
Tabiiy suvlarning turlari.
IES larda ishlatilayotgan suvlarning nomlanishi.
Tayanch iboralar: suv, kondensat, xom suv, distillyat, Issiqlik elektr stantsiyasi, kimyoviy birikmalar, atmosfera suvi, qozon suvi.
Adabiyotlar: 1, 2, 3,14
IES larning ishonchli va samaradorli ishlashida suvning ahamiyati.
Respublikamizda halq ho’jaligini, sanoat tarmoqlarini elektr energiyasi bilan ta„minlashda issiqlik elektr stantsiyalari (IES) va issiqlik elektr markazlari (IEM) asosiy manba hisoblanadi. Issiqlik elektr stantsiyalari ishlab chiqaradigan energiya turlariga qarab, kondensatsion elektr stantsiyalariga (KES) hamda issiqlik tarmoqli, turbinali elektr markazlariga (IEM) bo’linadi.
KES larda faqat elektr energiyasi, IEM larida elektr energiyasi bilan bir qatorda sanoat korxonalarni bug’ bilan, shahar issiqlik tarmoqlarini issiq suv bilan ta„minlash ko’zda tutiladi. Suv issiqlik elektr stantsiyalarida elektr energiyasi hosil qilish ishlatiladigan bug’ni olish uchun ishlatiladigan asosiy texnologik xom ashyodir.
1-rasm. KES traktida suv aylanishining prinsipial sxemasi.
1 - qozon qurilmasi, bug' generatori; 2 - kondensasion turbina; 3 - elektrogenerator; 4 - suv tayyorlash qurilmasi; 5 - turbina kondensatori; 6 - kondensat nasosi; 7 - blok tuzsizlantirish qurilmasi; 8 - past bosimli qizdirgich; 9 - deaerator; 10 - ta'minot nasosi; 11 - yuqori bosimli qizdirgich.
— rasm. IEM siklida suv aylanishining prinsipial sxemasi:
1 - qozon; 2 - ishlab chiqarish va teplofikasiyaga bug' olinmali turbina; 3 - elektr generatori; 4
kondensator; 5 - kondensat nasosi; 6 - ishlab chiqarishdan qaytgan kondensatni tozalash qurilmasi; 7 - deaerator; 8 - ta'minot nasosi; 9 - qo'shimcha suv qizdirgichi; 10 - suv tayyorlash qurilmasi; 11 - qaytgan kondensat nasoslari; 12 - qaytgan kondensat baklari; 13 - teplofikasion bug' iste'molchisi; 14
ishlab chiqarishli bug' iste'molchisi.
Suv sarfi stantsiyadagi bloklar soni va quvvatiga, hamda qanday yoqilg’i ishlatilishiga bog’liq bo’ladi. Respublikamizda 160, 200, 300, 800 MVt issiqlik elektr stantsiyalari mavjud. Issiqlik elektr stantsiyalarining ishonchli va samaradorli ishlashi ishlatilayotgan suv va bug’ning kimyoviy tarkibiga va sifat ko’rsatkichlariga bog’liq. Ma„lumki, suv yaxshi erituvchi modda bo’lganligi sababli, tarkibida turli xil erigan, erimagan moddalar har xil miqdorda bo’ladi. Suv tarkibida har xil kimyoviy moddalar ko’p bo’lsa issiqlik o’tkazuvchi yuzalarda shuncha ko’p zang va qo’yqa qatlamlar hosil bo’ladi.
Quvur devorlarida hosil bo’lgan qatlamlarning issiqlik o’tkazuvchanligi metallnikiga nisbatan kichik bo’lganligi natijasida:
Quvurlar yuzasi torayib, issiqlik o’tkazuvchanlik xususiyati va chidamliligi pasayadi.
Bug’ qozonining bug’ ishlab chiqarish quvvati kamayib, yoqilg’i ortiqcha miqdorda sarflanadi.
Agar qozon suvida har xil kremniy birikmalari va metall oksidlarining kontsentratsiyasi me„yoridan ortiq bo’lsa, bug’ qozonida bug’ olish jarayonida bu moddalarning bug’ fazasiga o’tishi ko’payib, turbina kuraklari va devorlarida zang va qatlamlar hosil qilib, bu turbina quvvatining keskin kamayishiga va turbina parraklarining tez ishdan chiqishiga sabab bo’ladi.
Issiqlik elektr stantsiyalarini sifatli suv bilan ta„minlashning asosiy vazifalari:
bug’ hosil qiluvchi va qizdirilayotgan yuzalarda Kalsiy va magniy birikmalari, temir oksidlari turbina kuraklarida mis, kremniy birikmalarining qatlamlari hosil bo’lishini kamaytirish;
bug’ va suv bilan muloqatda bo’ladigan asosiy va qo’shimcha uskunalarning hamda issiqlik tarmoqlarining zanglashiga yo’l qo’ymaslik.
Suv tayyorlash jarayonida quyidagi talablar bajarilishi zarur:
kam harajat sarflab, suv va kondensatni ishlatish me„yorlari talabida tozalash;
suv tayyorlash jarayonida oqava suvlarning suv havzalariga qo’shilishiga yo’l quymaslik;
v) zamonaviy va arzon uskunalardan foydalanib suv tayyorlash qurilmalarining uzluksiz ishlashini ta„minlash.
Issiqlik elektr stantsiyalarida suv quyidagi maqsadlarda ishlatiladi:
bug’ qozonida va boshqa moslamalarda bug’ olish uchun;
ishlatilgan bug’ni turbina kondensatorida sovutish;
v) issiq suv ta„minoti, issiqlik tarmoqlarida issiqlik tashuvchi sifatida;
g) issiqlik elektr stantsiyasi sexlarida amalga oshiriladigan ishlarni suv bilan ta„minlashda.
Tabiiy suvlarning turlari.
Tabiatda suvlar hosil bo’lish va tuplanishi jarayoniga qarab shartli ravishda uch turga bo’linadi. Bular fizik va kimyoviy xususiyatlari bilan bir-biridan farq qiladi.
Atmosfera suvlari - yer yuzasida yomg’ir, qor kabi yog’inlar yog’ishi natijasida to’planadi. Ularning tarkibi boshqa suvlarga qaraganda ancha toza bo’lib, mineral tuzlarning umumiy miqdori 5060 mg/l atrofida bo’ladi. Bu suvlar issiqlik elektr stantsiyalarida ishlatilmaydi.
Yer osti suvlari - rangsiz, tiniq, chuchuk yoki sho’r bo’lib, tarkibida asosan yaxshi eriydigan H2S, I2 kabi kimyoviy moddalar va Mg, Ca, Na, K, Fe kabi kationlar, Ce, SO4, NO3, HCO3 kabi anionlar ko’p uchraydi. Bunday suvlarning kiyoviy tarkibi yer osti qatlamlarining tarkibiga bog’liq. Ularning umumiy tuz miqdori 50-100 mg/l atrofida bo’lib, tarkibida O2 va СО2 kabi gazlar ham bo’ladi. Ular kichik miqdorda yer ostidan olinib, issiqlik elektr stantsiyalarida ishlatishga yetmaydi va kichik qozonxonalarda ishlatilishi mumkin.
Yer usti suvlariga, anhor, daryo, ko’l, dengiz va okean suvlari kiradi. Bu suvlar yer osti va yomg’ir suvlariga qaraganda kimyoviy tarkibi murakkabligi, tarkibida har xil kimyoviy va mexanik birikmalar ko’pligi bilan farq qiladi.
- rasm. YEr osti suvlarining joylanish sxemasi.
1 - suv o'tkazmaydigan qatlam; 2 - grunt suvlarini o'tkazuvchi gorizont; 3 - qatlamlararo past bosimli suvlarni o'tkazish gorizonti; 4 - qatlamlararo yuqori bosimli suvlarni o'tkazish gorizonti; 5 - grunt suvlaridan ta'minlanuvchi quduq; 6 - qatlamlararopast bosimli suvdan ta'minlanuvchi quduq; 7 - artezian qudug'i.
Yer usti suvlari tarkibida doimo erigan organik anorganik moddalar, gazlar va har xil mexanik aralashgan mayda zarrachalar bo’ladi.
Yer usti suvlari tabiatda tog’ yon bahrlarida to’plangan qor va muz qatlamlarining erishidan hosil bo’lib, tarkibi yer usti qatlamlari tarkibiga bog’liq. Tog’lardan oqib tushayotgan suvlar yer usti qatlamlariga uchraydigan ohaktosh CaO, marmar CaCO2, dolomit CaCO3, MgCO3, osh tuzi NaCl, gips CaSO4, tosh tuzi MgSO4, temir Fe, oltingugurt S, selikat birikmalari va tog’ jinslari bilan to’qnashishi natijasida bu birikmalar tabiiy suvlarni Са, Mg, Na, K, Fe kabi kationlar Се, SO4, HCO3, HSiO4 kabi anionlar bilan boyitadi. Sanoat korxonalaridan tashlanadigan chiqindi suvlar oqar suvlarga qo’shilishi natijasida suv tarkibiga anorganik kislotalar, ishqorlar, tuzlar bilan birga mis, qo’rg’oshin, temir, alyuminiy kabi kimyoviy birikmalar, ammiyak NH3, vodorod sulfat H2S va organik kislotalar ham qo’shiladi.
Yer usti suvlari issiqlik elektr stantsiyalarida ishlatish uchun asosiy suv manbai hisoblanadi. Faqat dengiz va okean suvlarida tuz miqdori juda katta bo’lganligi uchun ularni tozalash qimmatga tushadi va ular issiqlik elektr stantsiyalarida ishlatilmaydi.
IES larda ishlatilayotgan suvlarning nomlanishi.
Issiqlik elektr stantsiyalarida qurilmalarda doimo ishlatiladigan, tashqi omillar ta„sirida o’zgarib fizik va kimyoviy xossalari bilan bir-biridan farq qiladigan quyidagicha nomlanadi:
Tabiiy suv manbalaridan nasoslar yordamida olinib, suv tozalash inshoatiga yuboriladigan suvlar dastlabki suv Dd.s, kimyoviy va termik usullarda tozalanib, issiqlik elektr stantsiyalarida yo’qolgan bug’ va kondensat o’rnini to’ldirish uchun yuborilayotgan toza suv, qo’shimcha suv Dq.s deb bug’ qozoniga bug’lanayotgan suv sarfini qoplash uchun deaerator, ekonomayzer orqali bug’ qozoniga yuborilayotgan suv bug’ qozoni ta„minot suvi Dt.s deb bug’ qozonida uzluksiz bug’ga aylanayotgan suv qozon suvi deb ataladi.
Turbina kondensatorida suvga aylanayotgan bug’ turbina kondensati Dt.k deb atalib, issiqlik elektr stantsiyasini bug’ qozonlariga berilayotgan ta„minot suvini asosiy qismini tashkil qiladi va uning tarkibida mineral moddalar miqdori ko’p emas, ishlatilgan bug’ni suvga aylantirish uchun turbina kondensatoriga beriladigan sovitish suvi deyiladi Ds.s.
Issiqlik elektr stantsiyalarining uzluksiz ishlashi jarayonida bug’ qozonida, deaeratorda, bug’ turbinasida, kondensatorda va uning nasoslarida bug’ va suv qizdirgichlarda bug’ va kondensatning ma„lum bir qismi yo’qotiladi. Bu ishlab chiqarilayotgan bug’ miqdorining 1-3% ini tashkil qiladi. Shu suv miqdorining to’ldirish uchnu bug’ qozoniga yuborilayotgan ta„minot suvini har soatdagi miqdori Dts=Dtk+Dqs tashkil qiladi. Bu yerda Dts - ta„minot suvi, t /soat, Dtk - turbina kondensati, t/soat, Dqs - qo’shimcha suv miqdori, t/soat.
Ba„zi ishlab chiqarish korxonalaridan, tashqi manbalaridan issiqlik elektr markazalari qaytayotgan kondensat nihoyatda ifloslanib, hatto tabiiy suv iflosligidan ham katta bo’lib ketadi. Bu kondensatni yuqori darajada tozalash juda qimmatga tushgani uchun ular oqava suvlarga qo’shilib, tozalanib, boshqa maqsadlarda ishlatiladi. Shu sababli ta„minot suvining asosiy qismi qo’shimcha suvdan iborat bo’ladi.
2 - Mavzu: Tabiiy suvlarning tarkibi, sifat ko'rsatkichlari va ifloslanishi.
Reja:
Tabiiy suvlarni ifloslantiruvchi zarrachalar.
Suvning sifatini belgilovchi zarrachalar.
Suvning umumiy qattiqligi va ishqoriyligi.
|
| |
