BILIM MANBALARIGA KO’RA TA’LIM METODLARINING
TURLARI
Og’zaki metodlar. Agar o’quvchilar asosiy o’quv axborotini o’qituvchining o’quv mulohazalari va isbotlari jarayonida yoki darslik mavzulari asosida olsalar, bunday metodlar og’zaki metodlar (tushuntirish, hikoya, suhbat va h.k.) jumlasiga kiradi.
Og’zaki metodlardan foydalanish jarayonida ko’rgazmali qurollardan foydalanish mumkin. Ammo ular yordamchi rol, oynaydi.
Bayon darsda ko’rgazmali vositalardan foydalanish yoki foydalanmasligiga bog’liq bo’lmagan holda tuziladi. Masalan, tilkuv mashinasining tuzilishini tushuntirayotganda kinematik sxemadan foydalanish mumkin. Lekin isbot mantiqini kinematik sxema belgilamaydi, balki u tushunchani o’zlashtirishda yordam beradi, xolos.
Og’zaki metodlardan foydalanish muvaffaqiyatining asosiy ko’rsatkichlari o’quvchilarning yangi bilimlarini eslab qolishlari va aytib bera olishlaridir. Og’zaki metodlarda o’quvchilar o’qituvchi mulohazalarini takrorlaydilar, taqlid qiladilar.
O’quvchi o’qituvchining tushuntirish mantiqiga qanchalik yaqinlashsa, materialni shunchalik muvaffaqiyatli o’zlashtiradi.
Og’zaki metodlardan asosan yangi materialni o’rganish paytida foydalaniladi va bilimlarni egallashning boshqa usullari bilan qo’shib olib borilsagina, ular ta’limda yaxshi samara beradi.
| 