147
yaratadi. Ya’ni qidirilayotgan terminlarga aloqador bo’lgan boshqa yaqin
tushunchalar bilan bog’liq ma’lumotlarni ham oson topish imkonini beradi.
Kodlash va
dekodlash – informatsiyani mashina (kompyuter) tushunadigan
tilga o’tkazish va bunga teskari bo’lgan kompyuter tushunadigan tildan inson
tushunadigan tilga aylantirish jarayoni.
Kompyuter leksikografiyasi (elektron lug’atlar tuzish) –
muayyan til
leksikonidagi so’zlarni ma’lumotlar bazasi va maxsus programmalashtirish tillari
yordamida ishlash tizimiga ega bo’lgan dasturlar (kompyuter lug’atlari) yaratish
bilan shug’ullanuvchi soha. Kompyuter leksikografiyasi bugungi kunda turli
qo’shimcha imkoniyatlar asosida rivojlanib bormoqda. Xususan,
dastlab
kompyuter lug’atlari bir tilli, ikki tilli bo’lgan, hozirda ko’p tilli (uch, to’rt, olti, o’n
tilli) elektron lug’atlar yaratilmoqda. Shuningdek, keyingi paytlarda muayyan
sohalarga ixtisoslashgan elektron lug’atlar ham yaratilmoqda. Ya’ni dastlab
kompyuter lug’atlari faqat umumiy leksikon
bilangina cheklangan edi, hozirda
bundan tashqari fanga oid bo’lgan, qurilish, aviatsiya, avtomobilsozlik, harbiy,
diniy, yuridik sohalarga oid so’zlar bazasi ham e’tiborga olinmoqda.
Hatto
so’zlarning matnda qo’llanilish imkoniyatlari, distributiv holatlari, birikma
holidagi ko’rinishlari ham nazarda tutilgan holda lug’atlar yaratilmoqda.