Mühazirə 13. Qəbul olunan optik siqnallarin gücləndirilməsi
Qəbul olunan optik siqnalların gücləndirilməsi
OTS-lərinin optik komponentlərini nəzərdən keçirdikdən sonra optik qəbuledicidə elektrik siqnalının bərpa olunması prosesinin aspektlərini analiz etmək lazımdır. Optik qəbuledicinin struktur sxemi şəkil 3.19-da göstərilmişdir.
Şəkil 3.19. Optik qəbuledicinin struktur sxemi
OG-optik şüa; DT-detektor; G-gücləndirici; DM-demodulyator; S-siqnal
Şəkildən göründüyü kimi FD qəbul olunan OS-nı onun gücünə mütənasib olan elektrik cərəyanına çevirir. FD-dan sonra qoyulan gücləndirici alınan cərəyan siqnalını gücləndirir və onu gərginliyə çevirir. Hər bir rabitə sistemində olduğu kimi optik sistemin çıxışındakı siqnal/səs-küy nisbəti və onun xarakteristikası siqnalın ən az səviyyəsi qəbul olunmuş optik qəbuledici manqa tərəfindən təyin edilir. Deməli, bu manqanın xarakteristikası bütün rabitə sisteminin layihələndirilməsində əsas kimi qəbul edilə bilər. Qəbuledicidə səs-küy yaradan müxtəlif mənbələr, gücləndiricidə siqnal/səs-küy münasibətinin qəbul olunan siqnalın səviyyəsindən asılılığı, modulyasiyanın müxtəlif növlərindən istifadə etdikdə rabitə sistemlərinin normal işləməsi üçün siqnal/səs-küy münasibətinin qiymətinin minimum olması vacib amillərdəndir.
Məlumdur ki, demodulyatorun (DM) strukturunu modulyasiyanın növü təyin etməyə imkan verir. OTS-lərində iki analoq və bir rəqəm modulyasiya növləri ilə işləmək lazım gəlir. Qeyd etmək lazımdır ki, rəqəm modulyasiya növünə daha çox üstünlük verilir. Modulyasiya növlərinin hər birində optik daşıyıcıların gücləri modulyasiya olunur. Açıq OTS-ləri üçün modulyasiya növlərinin seçimi daha genişdir. OTS-lərində isə aşağıdakı modulyasiya növlərindən istifadə edilir:
modulyasiya olunmuş siqnalın köməyi ilə aparıcı optik gücün səviyyəsinin bilavasitə modulyasiyası;
tezliyə görə modulyasiya olunmuş aparıcı radiotezliklərdə daşıyıcı optik gücün modulyasiyası;
aparıcı optik tezliyin gücünün impuls kod modulyasiyası.
Bilavasitə üsulla modulyasiya aparmaq modulyasiya növünün ən sadəsi hesab edilir və əhəmiyyətli dərəcədə səmərə verir. Bunun əsas çətinliyi modulyasiyanın xətti olmasına qoyulan təlabatdır. Bu isə şüalanma mənbəyi kimi işıqşüalandıran və lazer diodlarından istifadə edən zaman modulyasiyanın xarakteristikasının yüksək dərəcədə xətti olması ilə əlaqədardır.
İkinci və ya xarici modulyasiya üsulunda bu təlabata ehtiyac olmur. Ona görə də, modulyasiyanın xarakteristikalarını xəttiləşdirmək üçün heç bir əlavə tədbir görülmür. İşıq şüalandıran və lazer diodlarından istifadə etməklə modulyasiya aparılır. Modulyasiyanın xarakteristikalarının xəttiliyinə qoyulan tələbat və çarpaz şəkilli təhriflər az olduğu üçün belə modulyasiya növündən kabellə televiziya yayımlarında və s. kimi yerlərdə istifadə olunur.
Üçüncü və ya daxili modulyasiya növündən, yəni rəqəm üsulla modulyasiya OLRX-lərində geniş tətbiq olunur. Bu da bütün OTŞ-lərində istifadə edilir. Modulyasiya aparmaq üçün çalışmaq lazımdır ki, idarəedici siqnal işığa təsir göstərsin.
|
