İntellektual şəbəkənin konseptual modeli

İntellektual xidmətlər şəbəkəsinin standartlaşdırılmasının əsasını abstrakt konseptual INCM model təşkil edir. Bunlar ITU-T-nin 1.312/Q.1201saylı tövsiyyələri ilə standart formaya salınmışdır. Bu model dörd səviyyədən ibarət olub, İN-in təsvirində abstrakt yanaşmağı tam əks etdirir.Təsvir edilən modeldə xidmətlərə aid aspektlərlə ümumi istifadəli telefon şəbəkəsi ilə əlaqəli aspektləri bir-birindən ayırmağa imkan vermişdir. Nəticədə, IN-də olan xidmətləri təsvir etmək və intellektual səviyyə qaldırılacaq baza xitmətlərindən asılı olmayaraq, IN-in potensial imkanlarını araşdırmağa imkan vermişdir.

İntellektual şəbəkənin birinci səviyyəsi xidmətlər səviyyəsi (Service plane) adlanır. Bu səviyyədə istifadəçilərə xidmətlərin göstərilməsi haqqında informasiya mövcud deyildir.İntellektual şəbəkənin ikinci səviyyəsi qlobal funksional müstəvi GFF (Clobal Fonctional Plane)səviyyəsi olub, xidmətləri işləyən layihəçilər üçün olan imkanları təsvir edir. Bu səviyyədə şəbəkəyə vahid sistem halında baxılır və konstruktiv bloklardan asılı olmayaraq, çağırış sellərinin emalı (BCP) prosesi həyata keçirilir. İntellektual şəbəkənin üçüncü səviyyəsi paylanmış funksional müstəvilər DFP (Dıctriboted Fonctconal Plane) adlanır və şəbəkənin ayrı-ayrı qovşaqları tərəfindən abunəçilərə (istifadəşilərə) təqdim edilən funksiyaların həyata keçirilməsi ilə məşğul olur. İntellektual şəbəkənin dördüncü səviyyəsi fiziki müstəvi PP (Physisol Plane) adlanır. Bu səviyyədə şəbəkə qovşaqlarını, onların tərkibindəki funksional elementlər və qovşaqla əlaqələli protokollar təsvir edilir.