Kafedra mudiri: ______________ Nabiulina L.M.
Fanning ishchi o’quv dasturu Kasb ta’limi fakulteti kengashida muhokama etilgan va foydalanishga tavsiya qilingan (2016 yil ___ _________dagi ___-sonli bayonnoma).
Fakultet kengashi raisi: ________________ Ismadiyarov Ya.U.
Kelishildi: O’quv uslubiy boshqarma boshlig’i: ___________________________
Ishchi o`quv fan dasturi Nizomiy nomidagi Toshkent davlat pedagogika universitet kengashida ko’rib chiqilgan va tasdiqlangan.
2016- yil “__” _______ dagi __ -sonli majlis bayoni
I.Kirish
Mazkur ishchi o’quv fan dasturi 5111000-Kasb ta’limi (5330200 – Informatika va axborot texnologiyalari)” bakalavriat yo‘nalishida o‘qiladigan “Informatika va axborot texnologiyalarini o‘qitish metodikasi” o‘quv fani bo‘yicha tuzilgan bo‘lib, bo‘lajak fan o‘qituvchisi egallashi kerak bo‘lgan quyidagi bilimlar va ko‘nikmalar majmuini o‘z ichiga oladi:
informatika va axborot texnologiyalari fan va o‘quv predmeti sifatida,informatika va axborot texnologiyalarini ta’lim tizimida o‘qitishning metodik tizimi, uning asosiy komponentalarining xarakteristikalari; o‘qitishning maqsadi va vazifalari; pedagogik funksiyalari; o‘qitishning tuzilmasi va mazmuni;
davlat ta’lim standartlari; o‘qitishda uzviylik va uzluksizlik; o‘quv va metodik adabiyotlar tahlili; dasturiy ta’minot; o‘quv jarayonini rejalashtirish; o‘qitishda asosiy didaktik prinsiplar; o‘qitishning tashkiliy shakllari; o‘qitishni nazorat qilish va natijalarini baholash usullari; reyting tizimi, testlash; o‘qitishda zamonaviy pedagogik texnologiyalar, innovasion metodikalar va interfaol usullar; informatika va axborot texnologiyalari xonasi va unda mashg‘ulotlar o‘tkazish metodikasi; informatika va axborot texnologiyalari kursining asosiy bo‘limlarini o‘qitish metodikasi.
Fanning maqsadi va vazifalari
“Informatika va axborot texnologiyalarini o‘qitish metodikasi” pedagogikaning informatika fani umumta’lim maktablari, akademik litsey va kasb-hunar kollejlarida informatika va axborot texnologiyalari, va shu yo‘nalishdagi fanlarini o‘qitish qonuniyatlarini tadqiqot qiluvchi bo‘limi hisoblanadi. “Informatika va axborot texnologiyalarini o‘qitish metodikasi” qo‘yidagi maqsadni ko‘zda tutadi:
- bo‘lajak o‘qituvchilarni informatika va axborot texnologiyalari fanini ijodiy o‘qitish va o‘zlarining amaliy faoliyatlarida yangi pedagogik va axborot texnologiyalarini qo‘llash bo‘yicha bilim, ko‘nikma va malakalari bilan qurollantirish;
- bo‘lajak o‘qituvchilarni informatika sohasi bo‘yicha turli-tuman shakldagi sinf va sinfdan tashqari ishlarni tashkil etish va o‘tkazishga tayyorlash;
- bo‘lajak o‘qituvchilarni ta’lim-tarbiya sohasini axborotlashtirishning yo‘llari va ulkan istiqbollari haqida tassavvurlarini rivojlashtirish hamda chuqurlashtirishdir.
“Informatika va axborot texnologiyalarini o‘qitish metodikasi” fanining vazifasi - bo‘lajak informatika o‘qituvchisi o‘sib kelayotgan avlodning umum ta’lim maktablari, akademik litsey va kasb-hunar kollejlarida o‘qitiladigan informatika va axborot texnologiyalari fanlarining axamiyatini, uning mazmunini ajratish tamoyillarini, shuningdek, informatika fanining boshqa fanlar bilan aloqadorligini tushunishdan iboratdir.
|
