Kompleks sonning geometrik tasviri
Har qanday z=a+ib kompleks sonni 0ху tekislikda koordinatalari а va b bo’lgan А (а,b) nuqta shaklida tasvirlash mumkin. Aksincha, 0ху tekislikdagi har qanday А(а,b) nuqtaga z=a+ib kompleks son mos keladi.
Kompleks sonlar tasvirlanadigan tekislik z kompleks o’zgaruvchining tekisligi deyiladi va tekislikka doiracha ichiga z qo’yiladi. (1-chizma)
1-chizma
Shunday qilib kompleks sonning geometrik tasviri tekislikning nuqtasidan iborat ekan. Bunda 0х o’qda yotuvchi nuqtalar z=а haqiqiy sonlarni (b=0), 0у o’qda yotuvchi nuqtalar esa z=bi sof mavhum sonlarni tasvirlaydi (а=о). Shuning uchun kompleks sonlarni z kompleks o’zgaruvchining tekisligi da tasvirlanganda 0х o’q haqiqiy o’q, 0у o’q mavhum o’q deb ataladi. Umuman aytganda, kompleks sonlar to’plami bilan tekislikdagi barcha nuqtalar to’plami orasida o’zaro bir qiymatli moslik mavjud.
А(а,b) nuqtani koordinatalar boshi bilan tutashtirib vektorni hosil qilamiz. Ba‘zi hollarda z=a+ib kompleks sonni vektor ko’rinishda tasvirlash ma‘qul bo’ladi. Bu ham kompleks sonning geometrik tasviri deyiladi.
Shunday qilib, kompleks sonning geometrik tasviri tekislikdagi nuqtadan yoki vektordan iborat ekan.
-
|
