|
Maktabgacha ta’lim pedagogikasi -
|
| bet | 15/194 | | Sana | 24.05.2024 | | Hajmi | 3,62 Mb. | | #251959 |
Bog'liq portal.guldu.uz-Umumiy pedagogikaMaktabgacha ta’lim pedagogikasi - maktabgacha yoshdagi bolalarni tarbiyalash muammolari bilan shug‘ullanadi;
Maktab pedagogikasi - maktab yoshdagi o‘quvchilarni tarbiyalash va o‘qitish haqida bahs yuritadi
Kasb-hunar ta’limi pedagogikasi
Oliy ta’lim pedagogikasi - talabalarga kasbiy ta’lim va tarbiya berish muammolari bilan shug‘ullanadi
Harbiy pedagogika
Pedagogika tarixi
Fanlarni o‘qitish metodikasi
Oila pedagogikasi
Maxsus pedagogika.
Pedagogika faqat sog‘lom o‘quvchilar ta’lim-tarbiyasi bilangina emas, balki kamolotda qusuri bor bolalar ta’lim-tarbiyasini ham o‘rganadi. Bunday tarmoqlarni maxsus pedagogika deb yuritiladi.
Maxsus pedagogika tuzilishiga: oligofreno-pedagogika (aqliy jihatdan orqada qolgan bolalarga ta’lim-tarbiya berish); “tiflo-pedagogika” (ko‘r bolalarni tarbiyalash); surdo-pedagogika (kar-soqov bolalarni tarbiyalash)da gogopediya kabi fanlar kiradi.
Nazorat savollar:
1. Pedagogika qanday fanlar bilan yaqin aloqada rivojlanadi?
2. Falsafa – pedagogikaning metodologik asosi ekanligini izohlab bering.
3. Pedagogika fani tarmoqlariga nimalar kiradi?
4. Maktab o‘quvchilariga ta’lim-tarbiya berish bilan shug‘ullanuvchi pedagogika haqida tushuncha bering.
5. Oligofreno pedagogikasi qanday qusuri bo‘lgan o‘quvchilar ta’lim – tarbiyasi bilan shug‘ullanadi?
6. Pedagogika fanlari tizimining yoshlarga ta’lim-tarbiya berishdagi ahamiyatini tavsiflang.
7. Pedagogika qanday fanlar bilan bog‘langan? Javobingizni izohlang.
8. Pedagogika fani tarmoqlariga nimalar kiradi?
4-savol bayoni.
Pedagogikaning boshqa fanlar bilan aloqasi. Ijtimoiy tarbiya mohiyatini ilmiy jihatdan asoslash ma’lum pedagogik hodisaning muayyan vaziyatlarda namoyon bo‘lish qonuniyatlarini bilishni taqozo etadi. Bizga ma’lumki, pedagogik hodisa murakkab tuzilmaga ega bo‘lib, uning umumiy mohiyatini to‘laqonli anglash uchun bir qator fanlarning imkoniyatlariga tayaniladi. Ko‘rsatilgan fanlar pedagogik bilimlar rivojida qanday o‘rin tutadi?
1. Falsafa – shaxs rivojlanishi jarayonining dialektik xususiyatlari, muayyan pedagogik g‘oya, qarash hamda ta’limotlarning falsafiy jihatlari kabi masalalarni tahlil etishga imkon beradi.
|
| |
