|
O‘zbekiston respublikasi oliy
|
| bet | 1/66 | | Sana | 09.02.2023 | | Hajmi | 386.08 Kb. | | #41727 |
Bog'liq ma`ruza matni 1 labaratoriya, joriy nazorat, 5-sinf 7- nazorat ishi, 50 positive words to describe people, statistika o\'rtacha miqdorlar, 7-amaliy ish (1), IOM mustaqil, seminar mashg`uloti mno, Shukurova Mohinur, geometriyadan tarqatma, MTM, 2 ma\'ruza, 8. Тарқатма материаллар , 1-topshiriq
O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
NAMANGAN DAVLAT PEDAGOGIKA INSTITUTI
IJTIMOIY- GUMANITAR FANLARNI O’QITISH METODIKASI KAFEDRASI
MEDIA SAVODXONLIK VA AXBOROT MADANIYATI
fanidan
MA’RUZA MASHG‘ULOTLARI UCHUN
O‘QUV MATERIALLAR
NAMANGAN -2022
1-mavzu: Media savodxonlik va axborot madaniyati evolyutsiyasi
hamda jamiyatdagi ahamiyati
Reja:
Media savodxonlik va axborot madaniyati tushunchasi evolyutsiyasi va dialektikasi.
Pochta, gazeta, telegraf, jurnal va radio axborot manbai sifatida. Televideniye-davr taqozosi sifatida.
Fanning predmeti, maqsadi va vazifalari.
Media savodxonlik va axborot madaniyatining jamiyatdagi o‘rni va ahamiyati.
Media va axborot savodxonligi – «soyabon», ya’ni bir tushuncha mazmunida ikki ma’no birlashgan atama sifatida YuNESKO tomonidan tavsiya etilgan. Uning mohiyatini anglash uchun har bir tushuncha o‘zagini bilish zarur.
«Media» atamasi (lotincha - medium, ya’ni vosita, vositachi, usul) turli ko‘rinishdagi kommunikatsiya va axborot vositasini anglatadi. Media tushunchasi mazmuniga axborotni yaratish, nusxalashtirish, tarqatish vositasi hamda mualliflar va ommaviy auditoriya o‘rtasida axborot almashinuvining texnik vositalari kiradi. Bugungi kunda media atamasidan OAV yoki mass-media tushunchalarining sinonimi sifatida foydalaniladi. Hozirgi zamon jamiyati taraqqiyotiga medialarning ta’siri yil sayin oshib borib, ular vositasida insonlar atrof-voqelikni ijtimoiy va ruhiy jihatdan anglamoqda va baholamoqda. Zamonaviy medialarning asosiy jihatlari sirasiga tadqiqotchilar kreativlik (yaratuvchanlik, ijodkorlik) va innovatsiyalarni kiritmoqda. Mazkur atamaga aynan shunday tavsif www.edu.jobsmarket.ru saytida keltirilgan.
Shu bilan birga boshqa manbalarda ham media istilohiga shu tarzdagi tavsiflar berilganini ko‘ramiz. «Media - ommaviy axborot vositalari, ham keng, ham maxsus auditoriyaga mo‘ljallangan ko‘ngilochar takliflarni tavsiya etuvchi, yangilik, axborot va reklama axborotini tarqatishga yo‘naltirilgan ko‘p sonli va serqirra funksiyalarni amalga oshiruvchi kommunikatsiya kanallaridir». Aksariyat hollarda mutaxassislar media atamasi o‘zagida aynan ushbu tavsifni ko‘radi. Shunga qaramasdan, mazkur istilohning tor mazmuni ham mavjud. Ayrim tadqiqotchilar mazkur atama mazmunida alohida axborot muhiti sifatida aynan OAVni, boshqalari esa – aniq axborot tashuvchini nazarda tutadi. Kommunikatsiya kanali sifatida medialar sirasiga mutaxassislar bosma nashrlar, elektron OAV, shu jumladan Internet, reklamaning tashqi vositalari va, xatto, pochta tarqatmasini, ya’ni, tovar yoki xizmatlar sotuvchisi va iste’molchi o‘rtasidagi hayot-mamot zvenosi funksiyasini bajaruvchi barcha omillarni kiritadi”1. Axborot savodxonligi – axborotni tanlash, baholash, qayta ishlash va uzatish borasidagi ko‘nikmalar va malakalar majmuini bildiradi. Ushbu majmuani 1- jadvalda ko‘rish mumkin.
|
| |
