56
Haddan tashqari harorat oshirilganda, tayyor mahsulot sifatiga ta’sir
ko‘rsatadi. Bunda egiluvchanlik pasayadi.
3.
Reagentlar kontsentratsiyasi yuqori bo‘lsa, jarayon tezroq
boradi. Diffuziyalanish tez boradi,
lekin haddan tashqari
kontsentratsiyani oshirish reagentlar zarralarini kattalashtiradi va
diffuziya sekinlashadi. Reagentlar ko‘proq teri yuzasida qolib
ketadi, natijada terini yuvganda teri yuzasi qisqarib,
uning yuzida
burmalar hosil bo‘ladi. Keyingi ishlov berishda teri yuzasida
yoriqlar paydo bo‘lishi mumkin. SHuning uchun ishlov berish
reagentlari kontsentratsiyasini katta olish yaramaydi.
4.
Jarayon davomiyligi mexanik ta’sir
va reagentlar
kontsentratsiyasiga bog‘liq bo‘ladi. Bundan tashqari, ishlov berish
haroratiga ham bog‘liq bo‘ladi. Kontsentratsiya va harorat yuqori
bo‘lsa, jarayon tez boradi va ishlov berish muddati qisqaradi.
5.
Ishlov beradigan suyuqlikning yoshi deganda, jarayon
uchun ishlatilgan suyuqlikning necha marta takror ishlatilganini
tushunamiz. Charm ishlab chiqarishda ivitish-kullash jarayonlari
suyuqligini 5–10
martagacha ishlatish, oshlash jarayonlari
suyuqligini 5 martagacha ishlatish mumkin. Ishlatilgan suyuqlik
qancha ko‘p ishlatilsa, suv sarfi shuncha kamayadi. Lekin suyuqlik
tarkibida qo‘shimcha moddalar ko‘payib borishi kimyoviy
reagentlarni diffuziyasini pasaytiradi.
