3
SO„Z BOSHI
O„zbekiston Respublikasini yanada rivojlantirish bо„yicha
Harakatlar
strategiyasida makroiqtisodiy barqarorlikni mustahkamlash va yuqori iqtisodiy
о„sish sur‟atlarini saqlab qolish, milliy iqtisodiyotning
raqobatbardoshligini
oshirish, qishloq xо„jaligini modernizatsiya qilish, iqtisodiyotda davlat ishtirokini
kamaytirish borasidagi islohotlarni davom ettirish, investitsiyaviy muhitni
yaxshilash orqali iqtisodiyot tarmoqlari va hududlariga
xorijiy sarmoyalarni faol
jalb qilish yuzasidan belgilangan vazifalarni bajarishga xizmat qiladi [1].
Mamlakatimizda yetishtirilayotgan tabiiy tolalar rangi, uzunligi,
pishiqligi
va boshqa sifat kо„rsatkichlari bilan xalqaro standartlarga tо„la javob beradi. Bu
uning jahon tola bozorida xaridorligini ta‟minlaydigan eng muhim jihatlaridandir.
Ushbu tabiiy tolalarni о„zimizda qayta ishlab, tayyor mahsulot shaklida
jahon bozoriga olib chiqsak daromad bir necha barobarga oshishi tabiiy.
Qolaversa, kanop, pilla va jundan olinadigan yana
yuzlab mahsulotlar ham borki,
bularning barchasi iqtisodiy samarani bir necha barobarga oshiradi. Eng muhimi,
kо„plab yangi ish о„rinlari yaratiladi.
Respublikamizda olib borilayotgan islohotlar ta‟lim sohasida ham uzluksiz
o„zgarishlarni amalga oshirishni taqozo etmoqda. Iqtisodiyotning bozor
munosabatlariga o„tish kadrlarni tayyorlash sohasida
jahon andozalariga mos
ravishda tub o„zgarishlar qilinishini talab etadi. Ma‟lumki, xo„jaliklar, korxonalar
va tashkilotlarning samarali ishlashini undagi mavjud bo„lgan malakali va bilimli
xodimlar ta‟minlaydi. Shu jihatdan yuqori malakali va ishbilarmon mutaxassislarni
shakllantirish muhim ahamiyatga egadir [2].
Bunday muvaffaqiyatga erishishning asosiy omili hukumatimiz tomonidan
sohaga berilayotgan doimiy e‟tibor va ayniqsa, iqtisodiy imtiyozlar, fan va texnika
yutuqlari hamda ilg„or texnologiyalarni joriy etish hisoblanadi. Bosqichma-bosqich
olib borilayotgan islohotlar tufayli tabiiy tolalarni
ishlab chiqaruvschi
korxonalarning moddiy texnika bazasi yildan-yilga mustahkamlanib borilmoqda
[3].
4
Shunga asosan xomashyoni qabul qilish, saqlash,
tashish va qayta ishlash,
bo„yicha ishlarning butun kompleksini tashkil etilishi hisobiga xalqaro
standartlar talablariga javob beradigan yuqori sifatli mahsulotlar ishlab
chiqariladi.
Shu
bilan birga, ilmiy-texnik va tajriba-eksperimental tadqiqotlar olib
borilib, sohalarga innovatsion ishlanmalar va texnologiyalarni joriy etilmoqda.