Ishlab chiqaris talimi ustasi

Asosiy uzatmadagi burovchi momentni oldingi yetakchi g‘ildiraklarga, yuritma orqali, og‘ir sharoitda uzatilishi sababli, yuritmaga namlik, iflosliklar, tosh va boshqa narsalar ta’sir ko‘rsatadi. Undan tashqari g‘ildiraklarga burovchi momentni uzatish burchagi tez va doimo o‘zgarib turadi. Shu sababdan oldingi boshqariluvchi va yetakchi g‘ildiraklarning yuritmasidagi sharnirli birikmalar aniq ishlov asosida yuqori sifatli materiallardan tayyorlanadi. Yuritmani ishonchli ishlatishni ta’minlash uchun yuqori sifat va xususiyatlarga ega bo‘lgan surkov moylari ishlatiladi. Sharnirlardan surkov moyini oqishini va unga chang kirishini oldini olish uchun rezinadan tayyorlangan himoyalovchi g‘iloflar o‘rnatiladi. Shu sababdan yuritmaga TXK ishlari asosan himoyalovchi g‘iloflarni holatini davriy ravishda kuzatib turishdan iborat bo‘ladi.