O‘zbekiston Respublikasining yirik xalqaro tashkilotlarida a’zoligi
1. BMT Birlashgan Millatlar Tashkiloti UNO
2. YUNIDO Sanoatni rivojlanishi bo‘yicha BMT tashkiloti
3. ESKATO Osiyo va Tinch okeani uchun BMT ning iqtisodiy va ijtimoiy komissiyasi
4. YUNSITRAL Xalqaro tijorat huquqi bo‘yicha BMT komissiyasi
5. PROON BMT ning rivojlanish dasturi
6. YUNESKO BMT ning ta’lim, fan va madaniyat bo‘yicha tashkiloti
7. YUNKTAD Tijorat va rivojlanish bo‘yicha BMT konferensiyasi
8. ESE BMT ning Evropa uchun iqtisodiy komissiyasi
9. VOIS Intellektual xususiylik bo‘yicha umumjahon tashkiloti
10. VOZ Jahon sog‘liqni saqlash tashkiloti
11. MOT Xalqaro mehnat tashkiloti
12. IKAO Fuqarolik aviatsiyasi xalqaro tashkiloti
13. VPS Jahon pochta ittifoqi
14. MSE Xalqaro elektroaloqa ittifoqi
15. MTS Xalqaro tijorat markazi
16. MBRR Jahon qayta tiklash va rivojlanish banki
17. MFK Xalqaro moliya korporatsiyasi
18. MAR Xalqaro rivojlanish korporatsiyasi
19. MATI Investitsiyalarni garantiyalash bo‘yicha ko‘ptomonlama agentlik
20. MVF Xalqaro valyuta fondi
21. OBSE Yevropada xavfsizlik va hamkorlik bo‘yicha tashkilot
22. EBRR Qayta tiklash va taraqqiyot Evropa banki
23. EEX Yevropa energetika partiyasi
24. ABR Osiyo taraqqiyot banki
25. VTO Jahon bojxona tashkiloti
26. IBR Islom taraqqiyot banki
27. OES Iqtisodiy hamkorlik tashkiloti
28. OIK Islom konferensiyasi tashkiloti
29. MKKX Paxta bo‘yicha halqaro konsultativ qo‘mita
30. MAGATE Atom energiyasi bo‘yicha halqaro agentlik
31. IOE Epizotiya bo‘yicha xalqaro byuro
32. INTELSET Yo‘ldoshli aloqa bo‘yicha xalqaro tashkilot
33. IEV Ko‘rgazmali xalqaro byurosi
34. IS0 Standartlash bo‘yicha xalqaro tashkilot
35. VTO Xalqaro turistik tashkilot
36. 0ISA Avto ishlab chiqaruvchilarning xalqaro Assotsiatsiyasi
37. FAO Oziq-ovqat qishloq xo‘jaligi tashkiloti
O‘zbekistonning Jenevadagi BMT bo‘linmasi va boshqa xalqaro tashkilotlar bilan hamkorligi
mustahkamlanmoqda JЕNЕVA, 27-fevral. /«Dunyo» AA/. Shveysariyada Birlashgan Millatlar
Tashkilotining (BMT) bo‘linmasi, uning siyosiy, inson huquqlari, iqtisodiy, gumanitar,
qurolsizlanish bo‘yicha tuzilmalari (40 ga yaqin) va 250 dan ortiq nodavlat tashkilot qarorgohlari
joylashgan,
Ma’lumki, Jeneva ko‘p tomonlama diplomatiyaning poytaxti hisoblanadi. Mamlakatimizning
mazkur shaharda joylashgan xalqaro tashkilotlar bilan hamkorligi tobora mustahkamlanib
bormoqda. Jumladan, O‘zbekistonning Jenevadagi xalqaro inson huquqlari va iqtisodiy
tuzilmalari bilan aloqalarining tahlili shuni ko‘rsatadiki, so‘nggi 5 yilda ular tomonidan
mamlakatimizda Prezident Shavkat Mirziyoyev tomonidan amalga oshirilayotgan keng qo‘lamli
islohotlarga baho berilishida ijobiy o‘suvchanlik kuzatilmoqda. Malakatimizda olib borilayotgan
ochiq va pragmatik ichki va tashqi siyosat tufayli o‘tgan vaqt ichida O‘zbekistonning Jenevada
joylashgan xalqaro tashkilotlar bilan samarali hamkorligida sezilarli muvaffaqiyatlarga erishildi.
Shu o‘rinda aytib o‘tish joizki, O‘zbekiston Doimiy vakolatxonasi tomonidan so‘nggi yillarda
o‘tkazilgan yirik tadbirlar qatorida BMTning Inson huquqlari bo‘yicha Oliy komissari (2017y.),
BMTning Din va e’tiqod erkinligi bo‘yicha (2017y.), Sudyalar va advokatlar erkinligi bo‘yicha
(2019y.) va Terrorizmga qarshi kurashish bo‘yicha maxsus ma’ruzachilari (2021y.), Xalqaro
mehnat tashkiloti (XMT) (2018y.) va Xalqaro migratsiya tashkiloti rahbarlari (2018y.), BMTning
Jenevadagi bo‘linmasi direktori (2018y.), Parlamentlararo ittifoq (PAI) bosh kotibi (2021y.), BMT
Bosh kotibi o‘rinbosari, Yevropa iqtisodiy komissiyasi ijrochi kotibi (2021y.), Xalqaro fuqaro
muhofazasi tashkiloti bosh kotiblarining (2021y.) hamda Jahon savdo tashkiloti Bosh direktori
o‘rinbosarlarining (2019y. va 2021y.) Toshkentga tashriflarini yuqoridagi fikrning tasdig‘i sifatida
keltirish mumkin. Ularning deyarli barchasi O‘zbekiston Prezidenti Shavkat Mirziyoyev
tomonidan qabul qilindi. Shuningdek, O‘zbekiston ilk bor BMTning Inson huquqlari bo‘yicha
kengashiga (IHK) a’zo bo‘lishi yo‘lida faol sa’y-harakatlar olib borildi. Davlatimiz rahbari ushbu
kengashning 46-sessiyasida (2021y. fevral) ma’ruzachilar orasida birinchi bo‘lib nutq so‘zladi.
Tarixda birinchi marotaba BMT Inson huquqlari kengashi tomonidan O‘zbekiston tashabbusi
bilan ishlab chiqilgan COVID-19ning yoshlar huquqlariga ta’siri to‘g‘risidagi rezolyutsiya bir
ovozdan qabul qilindi (2021y. oktabr). Bundan tashqari tarixda ilk bor O‘zbekistonning Doimiy
vakili 2022 yil uchun IHK raisi o‘rinbosari etib saylandi. O‘zbekistonning Parlamentlararo
ittifoqqa a’zoligini tiklash bo‘yicha ham faol ishlar olib borildi. Shuningdek, tashkilotning 2020-
2023 yillar uchun Ijroiya kengashiga O‘zbekiston vakili Akmal Saidov saylandi. MDH
mamlakatlari tarixida ilk bor O‘zbekiston Oliy Majlisi Senati raisi Tanzila Norboyeva
boshchiligida Parlamentlararo Ittifoq Butunjahon parlamentlar ayol-spikerlari sammitining
navbatdagi 14-yig‘ilishini 2022 yil kuzida O‘zbekistonda o‘tkazish yuzasidan qaror qabul qilindi.
15 yillik tanaffusdan so‘ng O‘zbekistonning Jahon savdo tashkilotiga (JST) a’zoligi bo‘yicha
muzokaralar jarayoni boshlandi (2020y. iyul). BMT institutlari bilan hamkorlikni yanada
faollashtirish maqsadida Oliy komissar boshqarmasi bilan yaqin hamkorlikda BMTning Inson
huquqlari bo‘yicha ta’lim va kadrlar tayyorlash to‘g‘risidagi deklaratsiyasi qabul qilinganining 10
yilligiga bag‘ishlangan Global forum o‘tkazish taklif etildi. Mamlakat Xalqaro mehnat tashkiloti
va Jahon banki bilan majburiy va bolalar mehnatiga barham berish sohasida hamkorlikni yanada
rivojlantirish tarafdori ekani e’lon qilindi. XMT Bosh direktori Gay Rayder O‘zbekistonning
majburiy va bolalar mehnatiga barham berish borasidagi sa’y-harakatlarini yuqori baholaydi.
Jahon sog‘liqni saqlash tashkiloti KOVAKS mexanizmi doirasida 2021 yilning o‘zida
O‘zbekistonga KOVID-19ga qarshi 660 ming doza AstraZeneca va 3 millon dona Moderna
vaksinalari berilishini ta’minladi. Jenevada joylashgan BMT tuzilmalari bilan O‘zbekistonning
nodavlat tashkilotlari o‘rtasidagi munosabatlar ham tobora ravnaq topmoqda. Xususan,
“Zamin” xalqaro fondi tomonidan tashkil etilgan nogironlar huquqlari bo‘yicha xalqaro
forumlarda (2020y. va 2021y.) BMTning Jenevadagi bo‘linmasi direktori T.Valovaya va Inson
huquqlari bo‘yicha Oliy komissari M.Bachelet, BMT Nogironlar bo‘yicha qo‘mita raisi R.Kayess
qatnashdi. Shuningdek, EKSPO-2020 (Dubay, noyabr 2021y.) doirasidagi O‘zbekiston milliy
pavilonida tashkil etilgan maxsus tadbirga BMT Ayollar tuzilmasi Yevropa mintaqaviy byurosi
boshlig‘i A.El-Yasir ishtirok etdi. Muxtasar qilib aytganda, Doimiy vakolatxona O‘zbekistonning
jahon maydonidagi obro‘-e’tiborini yanada yuksaltirish, xalqaro tashkilotlar bilan o‘zaro
munosabatlarning barcha ustuvor yo‘nalishlari doirasida konstruktiv va o‘zaro manfaatli
muloqotni mustahkamlash va rivojlantirishga munosib hissa qo‘shmoqda
|