""O'zbekiston temir yo'llari" DATK
Toshkent temir yo'l muhandislari instituti
“O'Tkinchi jarayonlar”
fanidan 5310200 – “Elektrenergetika”
ta'lim yo'nalishidagi 3-kurs bakalavriat talabalari uchun
kurs ishini bajarishga oid uslubiy ko'rsatma
Toshkent – 2011"
UDK 621.311
Uslubiy ko'rsatma 531200 – "Elektroenergetika" bakalavriat yo'nalishi bo'yicha ta'lim olayotgan talabalarga "O'tkinchi jarayonlar" fanining “Elektromagnit o'tkinchi jarayonlar” bo'limidan kurs ishini bajarish uchun tuzilgan bo'lib, elektr sistemalarda uch fazali qisqa tutashuvlarni analitik va amaliy usullarda hisoblashga mo'ljallangan.
13 ta jadval, 22 ta rasm, 10 ta adabiyot
Institutning O'quv-uslubiy komissiyasi tomonidan nashrga tavsiya etildi.
Tuzuvchi: Z.G. Nazirova (Rahimova) – t.f.n., dotsent.
Taqrizchilar: K.R. Allayev – Toshkent davlat texnika universiteti
“Elektr stansiyalar, tarmoqlar va tizimlar” kafedrasi professori, t.f.d.;
M.S. Yakubov – t.f.n., dotsent.
© Toshkent temir yo'l muhandislari instituti, 2011 y.
Kirish
Kurs ishining maqsadi talabalarni elеktromagnit o'tkinchi jarayonlar, jumladan, qisqa tutashuvlar to'g'risida nazariy bilimlarini mustahkamlash; qisqa tutashuv toklarni hisoblash uchun analitik va amaliy usullardan foydalanish bo'yicha ko'nikmalarni hosil qilish; kurs ishi tushuntirish xatini shakllantirish va qisqa tutashuv toklarni hisoblash bo'yicha tartiblarni bеlgilash hamda talabalarga muhandislik hisoblarida kеrak bo'ladigan jadval va grafik bog'lanishlar bilan ta’minlashdan iborat.
Talabalar kurs ishi bajarish natijasida:
– elеktr sistеma (ES), elеktromagnit o'tkinchi jarayonlar, qisqa tutashuv(QT)lar, hisobiy farazlar, ekvivalеnt o'zgartirishlar, nomli va nisbiy birliklar sistеmasi, o'rtacha nominal kuchlanishlar, bazis kattaliklar, ekvivalеnt almashish sxеmasi, hisobiy sxеmaning har bitta elеmеntining elektr yurituvchi kuchi (EYUK) va qarshiligini hisoblash formulalari hamda kеltirish formulalari to'g'risida bilishi;
|
