xizmat qiladi.
Mustaqil fikrlash, psixologik imkoniyatlarni ro‘yobga
chiqarish, barkamollikni egallash borasida ijtimoiy hayotning turli
jabhalarida ta’lim yetakchi faoliyat sifatida muhim ahamiyatga ega.
Ta’lim faoliyati quyidagilardan tarkib topadi:
1. Bilim axborotining o‘zlashtirilishi.
2. Faoliyatning barcha turlari tarkib topadigan usullar va hara-
katlarning o‘zlashtirilishi.
3. Qo‘yilgan vazifa va ilgari surilgan maqsadga mos keladigan
usullar va jarayonlarni to ‘g‘ri tanlash hamda nazorat qilish uchun
ko‘rsatilgan axborotdan foydalanish yo‘llarining egallanishi — ko‘-
nikmalar hosil qilinishi.
Shunday qilib, ta ’lim kishining harakatlari muayyan bilimlar,
malakalar, ko‘nikmalarni o‘zlashtirib olishga qaratilgan ong bilan
idora qilingan joydagina yuz beradi. Ta’lim o‘ziga xos insoniy fao-
liyatdir. Bola faoliyati va xulq-atvorini insoniyat ijtimoiy tajriba-
sini o‘zlashtirish sari yo‘naltirishdan iborat jarayon o‘qitish deb
ataladi. Bola shaxsining rivojlanishiga ta ’sir ko‘rsatadigan ja
rayon — tarbiya deb ataladi.
