36
5-TEMA:
KÁRXANA JUMÍSLARÍN JOBALASTÍRÍW
HÁM BOLJAW
Joba:
5.1. Jobalastırıw hám boljaw túsinigi
5.2. Jobalastırıw principleri hám wazıypaları
5.3. Jobalastırıw texnologiyası hám kárxana jobalarınıń strukturası.
5.4. Biznes-joba, onıń mazmunı hám óndirislik tártibi
5.1. Jobalastırıw hám boljaw túsinigi
Jobalastırıw - belgilengen jumıs yamasa belgili bir háreketlerdi
orınlaw múddeti, tártibi hám izbe-izligin názerde tutıwshı
ilajlar
sisteması.
Jobalastırıwdı tártipke salıwshı process túrinde kárxananıń
jumısın jaqın hám
uzaq keleshekke alga ilgerilew,
tiykarlap beriw,
izertlew hám túsindirip beriwdi bildiredi. Jobalastırıw hám boljaw
óz-ara baylanısta bolǵan eki process bolıp, xojalıq jumısların aldınnan
orınlanǵan
esap-sanaqlar, eń joqarı táwekelshilik hám eń joqarı
nátiyjelerge erisiw tiykarında júrgiziwdi názerde tutadı.
Jobalastırıw indikativ joba yamasa boljaw sıyaqlı jobalardı islep
shıǵıw
procesi bolsa, joba kárxananıń belgili bir waqıt aralıǵında
ámelge asırıwshı texnikalıq-ekonomikalıq kórsetkishlerdi óz
ishine
alıwshı hújjetti bildiredi. Boljaw xojalıq jumısların júrgiziwshi
subyekttiń keleshekte bolıwı múmkin bolǵan jaǵdaylardı ilimiy jaqtan
tiykarlaǵan túrde aldınnan kóre biliwdi kórsetedi. Strategiyalıq
jobalastırıw - orta hám uzaq múddetli boljawlar tiykarında, házirgi
jobalastırıw – qısqa múddetli boljawlar tiykarında islep shıǵıladı.