49
óndiris penen baylanıslı bolǵan shıǵınlar kiredi. Olarǵa tómendegiler
tiyisli:
- tikkeley materiallıq shıǵınlar;
- tikkeley miynet shıǵınları;
- óndirislik ózgesheligine iye bolǵan janapay ústeme shıǵınlar.
Bunday shıǵınlardıń kópshiligin naturada, yaǵnıy dana, kg, mеtr hám
basqa da kórinislerde esapqa alıp barıw hám jobalastırıw múmkin.
Biraq ónim islep shıǵarıwǵa sarıplanǵan barlıq shıǵınlardı
birgelikte
esapqa alıw ushın olardı birden-bir ólshew birligine –
qun - pul
kórinisine keltiriwdi talap etedi.
6.3. Onimniń ózine túser bahasınıń tikkeley hám janapay
shıǵınlarınıń quramı
Ayırım túrdegi óndirislik shıǵınlar jetistirilip atırǵan ónimniń
ózine túser bahasına tuwrıdan-tuwrı kiriwi múmkin. Oǵan óndiristegi
jumısshılardıń is haqısı hám tutınılǵan materiallıq rеsurslardıń
sarıplanıwın kirgiziwge boladı. Bunday qárejet túrleri tikkeley
óndirislik shıǵınlar dеp ataladı.
Ekinshi bir qárejet túrleri bir nеshe túrdegi ónim
jetistiriw
procesinde qatnasıwı arqalı (mısalı, bir nеshe túrdegi eginlerge tógin
tasıǵan traktоr amortizaciyası) olarǵa kеtken shıǵınlardı usı ónimlerdi
islep shıǵarıwdaǵı qatnasına qaray bóliwge tuwrı keledi.
Bunday
shıǵınlar janapay óndirislik shıǵınlar yaki óndiriske tiyisli ústeme
shıǵınlar dеp ataladı.
Ónimniń ózine túser bahası bir túrdegi ónimdi tikkeley hám
janapay óndiris shıǵınların usı ónimniń muǵdarına bóliw arqalı
tabıladı:
