68
Natural formada óndiris ónimdarlıǵın, pul formasındaǵı ekonomikalıq
nátiyjelikti kórsetedi.
Ónimdarlıq - bul paydalılıq, nátiyjelilik bolıp tabıladı. Qandayda
bir nátiyjege erisiw ushın
miynet etiw, islew, ónim islep shıǵarıw
yamasa xızmet kórsetiw hám belgili muǵdarda shıǵın shıǵarıw
kerek
ekenligi belgili. Ónimdarlıqtı anıqlaw ushın nátiyjeni usınday
nátiyjege erisiwge sarıplanǵan shıǵınlar
yaki resurslar menen
salıstırıw kerek.
Ónimdarlıq, óndirislik xızmetiniń nátiyjeleri menen olarǵa
erisiw ushın sarıplanǵan miynet, materiallıq hám finanslıq resurslardıń
óz-ara qatnası bolıp tabıladı. Kárxana óziniń xojalıq, ilimiy-texnikalıq
hám investiciyalıq siyasatın belgilewde ónimdarlıqtan kelip shıǵadı.
Ónimdarlıq ekonomikalıq hám sociallıq túrlerge ajıratıladı.
Ekonomikalıq ónimdarlıq - óndiristiń ekonomikalıq nátiyjesin
kórsetedi. Mısalı, ónim islep shıǵarıw - basqarıw, jańa texnika hám
texnologiyalardı engiziw, miynettiń sapasın asırıwdıń nátiyjesi.
Ekonomikalıq ónimdarlıq
- material, miynet, pul hám
basqa da
resurslardı únemlew arqalı erisilgen muǵdar.
Sociallıq ónimdarlıq – óndiris ónimdarlıǵınıń
miynet
jaǵdayların, onıń dóretiwshilik mazmunın bayıtıw, intellektual hám
fizikalıq miynet ortasındaǵı ayırmashılıqtı joq etiwdi bildiredi.
Ekonomikalıq ónimdarlıq sociallıq ónimdarlıqqa qaraǵanda
dáslepki bolıp esaplanadı, sebebi ekonomikalıq jetiskenlikler
kárxananıń sociallıq mashqalaların sheshiwge járdemlesedi.
Ónimdarlıq arqalı kárxana tómendegilerge erisedi:
óziniń ekonomikalıq turaqlılıǵın hám básekige shıdamlılıǵın
támiyinleydi;
óziniń imidjin jaqsılaydı hám
birge islesiwshiler menen
baylanıslardı bekkemleydi;
qánigelerdiń ekonomikalıq hám sociallıq jaǵdayın jaqsılaydı.