101
Baǵınıwshı xızmetkerler tek ǵana tikkeley basshılardıń
buyrıqların orınlaydı. Joqarıda turıwshı basshı xızmetkerlerge
tuwrıdan-tuwrı baslıǵın «shetlep» jolıqpawı kerek. Mısalı: kárxana
direktorı cex baslıǵın shetlep masterge buyrıq bermewi kerek.
Sızıqlı strukturanıń ózine say unamlı hám unamsız tárepleri bar.
Sızıqlı strukturanıń
unamlı tárepleri:
- óz-ara bir-birine qarsı, shiyelenisken tapsırmalardıń beriliwin
azaytıw;
- jeke basshılıq hám jeke juwapkershilik bekkemlenedi;
- bul struktura ápiwayı, puqta hám únemli;
- basqıshlardıń sanı az boladı;
- basqarılıwshı obyekttiń jumısına az adam aralasadı;
- wazıypalar tez sheshiledi;
- pútin sistema nátiyjeli isleydi;
- xızmetkerler tek ǵana óziniń baslıǵına esap beredi.
Sızıqlı strukturanıń
unamsız tárepleri:
- bunday struktura ápiwayı máselelerdi sheshiwge arnalǵanlıǵı
sebepli, kompleks máselelerdi sheshiw biraz qıyın boladı;
- bunday jaǵdayda basshılar kóbirek kúndelikli jumıslar
menen
bánt bolıp, strategiyalıq mashqalalardı dıqqattan shette qaldıradı;
-
bunday
basqarıw
jaǵdayında
buyrıqpazlıq
hám
rásmiyatshılıqtıń payda bolıw qáwpi kúshli boladı, bunıń sebebi,
strukturanıń hár bir buwınında basshı óziniń lawazımı boyınsha buyrıq
beriw huqıqına iye ekenligi.
Basqarıwdıń sızıqlı strukturası júdá quramalı bolmaǵan óndiris
jaǵdayında orınlawshılardıń wazıypaları ápiwayı, buyrıq hám
informaciyalardıń muǵdarı az bolǵanda ózin-ózi aqlawı múmkin.
Óndiris barǵan sayın quramalasıp, jumıstıń kóleminiń keńeyip
barıwı basqarıwdıń wazıypaların
jetilistiriwdi talap etedi, sızıqlı
strukturanıń ornına sızıqlı – shtablı strukturanıń júzege keliwin
belgileydi.