109
Basqarıw procesinde orınlawshı organlar hám olardıń basshıları
menedjmenttiń
subyekti, yaǵnıy basqarıw xızmetkerleri
yamasa
menedjerler–basqarıwshılar bolıp esaplanadı.
Menedjer – bul arnawlı tayarlıqtan ótken, basqarıwdıń sırların,
tártip-qaǵıydaların, nızamların tereń iyelegen maman qánige bolıp
esaplanadı.
Kompaniya, firma, kárxana, bank, finans mákemeleriniń atqarıw
wákilligine iye bolǵan basqarıwshı,
direktor, baslıq, hákimshilik
basqarıwshı
menedjerler dep ataladı.
Menedjerler basqarıw buwını boyınsha úsh kategoriyaǵa
bólinedi:
- joqarı buwın menedjerleri;
- orta buwın menedjerleri;
- tómengi buwın menedjerleri.
Joqarı buwın menedjerleri firmanıń
keleshegin belgilew, onıń
keleshegi ushın áhmiyetli ilajlardı islep shıǵıw menen shuǵıllanadı.
Firmanıń jobasın dúzedi hám onı iske asıradı.
Orta buwın menedjerleri firma háreketiniń ayırım táreplerin
islep shıǵıw, tovarlardı satıw,
baha belgilew, finans jumısları, taza
tovarlardı
ózlestiriw,
texnologiyalardı
qollanıw,
miynetti
shólkemlestiriw sıyaqlı basqarıw menen shuǵıllanadı.
Tómengi buwın menedjerleri, tómengi buwında, cex, bólim,
brigada kólemindegi jumıslardı shólkemlestiriw, kúndelikli, háptelik,
aylıq jumıs tapsırmalarınıń orınlanıwın basqaradı.
Basqarıw funkciyaların orınlawda hám jámiyetlik óndiriste
zamanagóy menedjer:
Basshı – basqarıwshı
Basshı – diplomat
Basshı – tárbiyashı
Basshı – insan
Basshı – isbilermen
Basshı – innovator túrinde háreket etedi.
110
Metod – bul háreket islew, basqarıwdaǵı ózine tán jol, usıl
mánisin bildiredi.