116
kárxanalardıń bankrotqa ushıramawı ushın, básekiles kárxanalardıń
sanın kerekli normada saqlap turıw maqsetinde iske asırıladı.
Sanaciyalastırıw tómendegi jollar menen iske asırıladı:
- kárxananıń qarızınan keship jiberiw yamasa onı basqalardıń
esabınan tólew;
- qarızdı tólew múddetin keshiktiriw;
- qarızǵa berilgen procentti azaytıw yamasa ulıwma
procent
almaw;
- kárxanaǵa salıqtan jeńillik beriw;
- salıqtı kreditke aylandırıw;
- kárxanaǵa buyırtpa berip, onıń haqısın aldın-ala tólew;
- subsidiya ajıratıw;
- kárxanaǵa eksport islewi ushın jeńillik beriw.
Mámlekettiń sanaciyadaǵı qatnası eki shártti esapqa aladı:
- kárxananıń milliy hám territoriyalıq ekonomikası ushın
áhmiyeti úlken bolıwı kerek;
- kárxananıń bankrotqa túsip qalıwı onıń ózine baylanıslı
bolmaǵan basqa obyektiv sebepler bolsa.
Transfert tólemler - bul ótkizbeli tólemler, mámleketlik byudjet
quralların qayta bólistiriw formalarınıń biri.
Bunday tólemler:
- jeke isbilermenlerge
subsidiyalar beriw;
- mámleketlik qarızlar boyınsha procent tólemleri;
- jámiyetlik mútájliklerge mámleket tárepinen ajıratılatuǵın
aqsha qarjıları kórinisinde boladı.
Jámiyetlik mútájliklerge ajıratılatuǵın transfert tólemleri
xalıqtıń kem támiyinlengen toparlarına, mayıplarǵa, kekseler hám
basqalardıń qaramaǵındaǵı insanlarǵa hám de jumıssızlarǵa napaqa
tólew formasında boladı.
