14.3. Óndiris proceslerin waqıt hám aymaq boyınsha
shólkemlestiriwdiń principial tiykarları
Óndirislik process waqıt boyınsha dawam etiw ózgesheligine
qaray,
tákirarlanıwshı
hám
úzliksiz
proceslerge
bólinedi.
Tákirarlanıwshı proceslerde baslanǵısh shiyki-zat hám materiallar,
úskeneler járdeminde úzliksiz túrde qayta islenedi hám nátiyjede tayar
ónimlerge aylandırıladı.
Hár qanday sanaat kárxanalarında hám cexlarda óndiristi
shólkemlestiriw procesi bolıp, janlı miynet predmetleri hám miynet
qurallarınan racional túrde paydalanıw esaplanadı. Bul bolsa
úskeneler, shiyki-zat, materiallar, janılǵı, elektr energiyası hám basqa
da óndirislik qurallar hám de miynet resurslarınan paydalanıwda
joqarı nátiyjege erisiwdi talap etedi.
Óndiris
procesinde
racional
shólkemlestiriw
óndiristi
jetilistiriwdiń rejeli hám ılayıqlı bolıwın támiyinleydi.
Sanaat kárxanalarında óndiris proceslerin shólkemlestiriwde
tómendegi klassifikaciyalarǵa ámel etiw tiyis:
Qánigelestiriw - bul jámiyetlik miynetti bólistiriwdiń bir
forması bolıp, sanaat óndirisinde reje tiykarında rawajlanadı hám
sanaat tarmaqları, kárxana cexları, uchastkalar, liniyalar hám ayırım
jumıs orınlarınıń ajıratılıwın shárt etip qoyadı.
141
Óndiris procesleriniń sáykesligi sonnan ibarat, bunda barlıq
óndirislik bólimler (tiykarǵı hám járdemshi cexlar, bul cexlardıń
ishindegi uchastka hám liniyalar, úskeneler toparı jumıs ornı) diń
jumıs islew uqıplılıǵı (waqıt birligi ishindegi miynet ónimdarlıǵınıń
qatnası) bir-birine óz-ara muwapıq keledi. Eger bul principler
orınlanbasa, disproporciyalar «tar jerde» júzege keledi, bul óz
gezeginde, kárxanalarda ónim jetistiriliwiniń joqarılawına tosqınlıq
etedi.
Sanaat
kárxanaların kompleks mexanizaciyalaw hám
avtomatlastırıwdıń tiykarında sáykes keliwshilik principi turadı.
Kompleksli mexanizaciya bolmasa, disproporciya kelip shıǵıwı,
miynetti kóp talap etetuǵın óndiris procesleri kóbeyiwi múmkin.
Paralelliktiń áhmiyeti, óndiris procesiniń bir neshe elementlerin
bir waqıtta orınlawdan ibarat, yaǵnıy ónimdi tayarlaw boyınsha iske
asırılatuǵın jumıs keń kólemde iske asırıladı.
Bir tegis, izbe-iz jónelis principin qollanıw óndiris procesinde
shólkemlestiriw waqtında miynet predmetleri, óndiris procesleriniń
barlıq basqıshlarınan hám barlıq operaciyalarınan eń qısqa jol menen
ótiwin anıqlawǵa járdem beredi (shiyki-zat hám materiallardıń kelip
túsiwinen baslap, tayar ónimge aylanǵanǵa shekem hám bul ónimlerdi
tutınıwshıǵa jetkerip bergenge shekem). Bir tegis, izbe-iz jóneliske
erisiw ushın cex maydanında apparat hám úskenelerdi aqılǵa uǵras
jaylastırıw kerek, bunnan basqa tiykarǵı hám járdemshi cexlardı zavod
territoriyasında tuwrı jaylastırıw tiykarında shiyki-zat hám
materiallardıń qarama-qarsı háreketine hám qaytıp ketpewine jol
qoymaw kerek.
Úzliksizlik degende - óndiris procesiniń rejesiz toqtap qalmawı,
úzilistiń bolmawı, yaǵnıy úzliksiz islewi túsiniledi.
Bir normalılıq principi óz-ara baylanıslı bolǵan óndirislik
bólimler, birdey aralıqtaǵı jumıs waqtında belgilengen baǵdarlama
boyınsha
birdey
muǵdardaǵı
jumıstıń
orınlanıwı
menen
xarakterlenedi.
Avtomatlastırıw óndiris procesleriniń operaciyaların maksimal
avtomat túrde, yaǵnıy jumısshılardıń tikkeley qatnaspawı yamasa
142
olardıń baqlawı astında orınlanıwın talap etedi. Óndiris procesiniń
ayırım operaciyaların joqarı dárejede avtomatlastırıw, óndiristi
kompleks avtomatlastırıwdıń baslanǵısh tiykarǵı shárti bolıp, avtomat
túrindegi potok liniyalardan paydalanıwǵa shekem iske asırılıwı
kerek. Bul princip tek ǵana texnologiyalıq proceslerde qollanılmastan,
al olardı texnikalıq jaqtan tayarlaw, qadaǵalaw, tártipke salıw, xızmet
kórsetiw sıyaqlı jumıslardı orınlawda da keń qollanıladı.
Sinxronlı óndiris procesinde, sinxronlastırıw tek ǵana úzliksiz
óndiriste hám de kóbirek avtomat túrindegi óndiristiń xarakterli
ózgesheligi bolıp esaplanadı. Óndiris procesin sinxronlastırıw degende
tómendegiler túsiniledi:
-
operaciyalardı orınlawǵa jumsalǵan waqıt shıǵınları
(operativlik waqıt) nıń teńdey bolıwı;
- miynet predmetleriniń operaciyalar aralıq hám liniyalar aralıq
transportirovkası ushın jumsalǵan waqıt shıǵınlarınıń teńdey bolıwı;
- jumıs ornına xızmet kórsetiw hám jumısshılardıń dem alıwı
boyınsha operativ ilajlardaǵı tánepislerdiń teńdey bolıwı;
- miynet predmetleriniń potoktaǵı háreketin shólkemlestiriw
waqtında,
operaciyalardıń
tamam
bolıwı
menen
olardı
transportirovkalawdıń baslanatuǵın waqtınıń bir-birine sáykes keliwi.
Usı tórt shárttiń birewi buzılsa da óndiris procesiniń
sinxronlasıwı buzıladı.
Hár bir óndirislik process óziniń dúzilisi boyınsha ózgeshelikke
iye. Texnologiyalıq mazmunı boyınsha ol óndirislik basqıshlardıń
jumıs procesleriniń kompleksine, jumıs proceslerine hám
operaciyalarǵa bólinedi.
Óndirislik basqısh - bul óndiris procesiniń texnikalıq,
texnologiyalıq hám shólkemlestiriwshilik jaǵınan ajıralǵan bólegi
bolıp esaplanadı. Ol óz-ara baylanıslı bolǵan hám engizilgen tártipte
izbe-iz orınlanıwshı jumıs procesleriniń kompleksin óz ishine aladı.
Jumıs procesleriniń kompleksi - bul óndiris procesiniń
shólkemlestiriwshilik hám texnologiyalıq jaqtan ajıralǵan bólegi
bolıp, arnawlı texnologiyalıq mazmunı menen xarakterlenedi hám onı
143
orınlaw ushın arnawlı óndiris quralları hám de belgili mamanlıqtaǵı
jumısshılar zárúr boladı. Jumıs procesi - jumıs procesi kompleksiniń
anıq shegeralanǵan hám óziniń shólkemlestiriwshilik strukturası hám
de texnologiyalıq mazmunı boyınsha bir-birinen ajıralıwshı bir bólegi
bolıp, ol anıq texnologiyalıq mazmun, miynet predmetleri,
paydalanatuǵın miynet quralları menen belgilenedi. Hár bir jumıs
procesi óziniń texnologiya hám texnikasına, strukturası hám
maqsetine iye boladı, usılar arqalı ol basqa jumıs proceslerinen
ajıraladı.
Óndiristiń járdemshi buwınlarına, ońlaw ustaxanaları, energetika
xojalıǵı, materiallıq-texnikalıq támiyinlew (úskeneler, ásbaplar,
arnawlı kiyimler h.t.b.) skladlar, transport cexları, hákimshilik–turmıs
xızmetleri hám basqalar kiredi.
Xızmet kórsetiwshi cexlardıń bir tegis hám anıq islewi,
óndiristiń tiykarǵı hám de járdemshi buwınlarınıń háreketi ushın zárúr
bolıp esaplanadı.
Jumıstıń miynet quralları menen támiyinleniw dárejesi hám onda
insannıń qatnasıwına qarap, ol mexanizaciyalastırılmaǵan, bir bólegi
mexanizaciyalastırılǵan, mashinalasqan proceslerge bólinedi.
Mexanizaciyalastırılmaǵan
procesler
hesh
qanday
mexanizmlersiz, hesh qanday energiyadan paydalanbastan iske
asırıladı. Olar miynet predmetleriniń jaǵdayın yamasa olardıń
formasın ózgertiwge baǵdarlanǵan bolıp, qol menen islenetuǵın
ásbaplar járdeminde orınlanadı. Kánshilik kárxanalarınıń tiykarǵı
óndirisinde mexanizaciyalastırılmaǵan procesler júdá az ushırasadı.
Biraq óndiristiń járdemshi hám xızmet kórsetiwshi buwınlarında
qol miynetiniń úlesi ele biraz joqarı.
Bir bólegi mexanizaciyalastırılǵan proceslerde jumıslar
mashinalar yamasa mexanizaciyalastırılǵan ásbaplar járdeminde
orınlanadı: olardı basqarıw bolsa (mısalı: kánlerde taslardı úlken
balǵalardıń járdeminde maydalaw, perforatorlar menen shruplardı
bóleklew h.t.b.) insanlardıń qol miynetin talap etedi.
144
Mashinalasqan proceslerde miynet quralı bolıp mashinalar
xızmet kórsetedi. Jumısshı bolsa tikkeley jumıs ornınan yamasa
uzaqta turıp onıń háreketin belgilengen maqsetke baǵdarlaydı. Házirgi
waqıtta kánshilik kárxanalarınıń derlik barlıq tiykarǵı procesleri
mashinalasqan.
Mashina óndirisi kárxanaları ushın óndiris proceslerin kompleks
túrde mexanizaciyalastırıw úlken áhmiyetke iye bolıp, onda qol
miyneti yamasa bir bólegi mexanizaciyalastırılǵan jumıslar birin-biri
tolıqtırıwshı mashinalar sisteması menen almastırıladı. Bunıń
nátiyjesinde joqarı miynet ónimdarlıǵı támiyinlenedi hám óndiristi
avtomatlastırıwǵa
múmkinshilik
jaratıladı.
Avtomatlastırılǵan
proceslerde kánshilik jumısları ózi basqarılatuǵın mashina yamasa
mashinalar sisteması menen, insannıń járdemisiz orınlanadı.
Avtomatlastırılǵan procesler jumısshını operaciyanı orınlawdan
tolıq azat etip, oǵan tek ǵana óndiristi qadaǵalap turıw wazıypasın
júkleydi.
Jumıs procesi belgilengen jumıs ornında bir yamasa toparda
orınlawshılar tárepinen bir yamasa bir neshe miynet qurallarınıń
járdeminde iske asırıladı.
Jeke yamasa bir topar orınlawshılardıń miynet qurallarınıń
járdemi menen ónim tayarlaw maqsetinde yamasa xızmet kórsetiw
boyınsha jumıs procesin orınlap atırǵan territoriya (mákan, jer) nıń bir
bólegi jumıs ornı dep ataladı.
Tayarlıq operaciyasınıń bir bólegi barlıq jumıs procesleri ushın
ulıwmalıq xarakterge iye boladı. Oǵan smenanı qabıllap alıw, jumıs
ornın kózden keshiriw, onı qáwipsiz jaǵdayǵa keltiriw kiredi. Qalǵan
operaciyalar úskenelerdi jumısqa tayarlawǵa baǵdarlanǵan boladı.
Juwmaqlawshı operaciyalardıń maqseti – jumıstı aqırına shekem
jetkeriw hám miynet quralın, jumıs ornın tártipke salıwdan ibarat.
Tiykarǵı operaciyalardıń maqseti – ónim jetistiriw yamasa jumıs
procesindegi tiyisli operaciyalardı orınlawdan ibarat.
145
Járdemshi operaciyalar tiykarǵı operaciyalardı orınlawǵa jaǵday
jaratadı. Olar tiykarǵı operaciyalar menen izbe-iz yamasa bir waqıttıń
ózinde orınlanıwı múmkin.
Jumıs procesinde orınlanıp atırǵan tiykarǵı operaciyalardıń
sanına qarap, ápiwayı túrdegi eki yamasa onnanda kóbirek tiykarǵı
operaciyalar orınlanıp atırǵan bolsa, bular quramalı operaciyalar dep
ataladı. Operaciyalar óz gezeginde bir orınlawshı tárepinen
orınlanatuǵın usıllar hám háreketlerge bólinedi. Usıl operaciyanıń bir
bólegi bolıp, orınlawshınıń belgilengen bir maqset ushın onı orınlaw
boyınsha juwmaqlanǵan háreketinen (mısalı: mashinanı iske qosıw,
rıchagtı «júrgiziwshi» jaǵdayına alıp keliw) ibarat.
Háreket - qandayda bir ónimdi alıwdıń ornın ózgertiw sıyaqlı
jumıslardı orınlaw usılınıń bir bólegi. Ol jumıs procesiniń ajıralmas
bólegi bolǵanlıǵı ushın háreket járdeminde operaciyalardı, jumıs
proceslerin orınlaw waqtı hám miynet shıǵınınıń normasın anıqlaw
múmkin.
Óndiristi shólkemlestiriwdiń áhmiyeti, belgilengen maqsetke
erisiw jolında jumısshı kúshi hám óndiris quralınıń ilimiy tiykarlanǵan
ilajlar arqalı aqılǵa muwapıq birlestiriw hám paydalanıwdan ibarat.
Óndiristi shólkemlestiriw, belgilengen waqıtta hám orında óndiristiń
barlıq elementlerin (miynet quralı, miynet predmetleri hám
jumısshılar) hám onıń resursların bir-biri menen muwapıqlastıradı.
Solay etip bir kárxananıń ishinde óz-ara tıǵız baylanıslı, belgili
maqsetke qaratılǵan texnologyalıq hám miynet procesleriniń bir pútin
sisteması shólkemlestiriledi.
Óndiris kárxanasında, óndiris procesiniń tiykarǵı wazıypası –
miynet hám óndiris qurallarına, olardıń joqarı texnikalıq –
ekonomikalıq kórsetkishlerge erisiwi ushın qolaylı jaǵdaydı
jaratıwdan ibarat.
Óndirislik kárxanalarda, óndiristi shólkemlestiriwdiń qaǵıydaları
hám formaları hám ónimdi jetistiriw boyınsha mámleketlik
buyırtpalardıń muǵdarı hám sapalıq kórsetkishleri boyınsha
orınlanıwına, normativlik quwatlılıqlardı ózlestiriwge, miynettiń
146
qáwipsizligi hám usınday jaǵdaylardıń sanitariya-gigienalıq jaǵdayın
jaqsılawǵa imkan jaratadı.
Sonday-aq, olar jumıstı shólkemlestiriwde qolaylı grafiklerge
tayanıp óndiris arasında óz-ara aqılǵa muwapıq baylanıslardı
engiziwge,
barlıq
óndiris
proceslerin
kompleksli
túrde
mexanizaciyalastırıwǵa hám avtomatlastırıwǵa, taza texnika hám
texnologiyalardı
qollanıwǵa,
óndirislik
quwatlıqlardan
tolıq
paydalanıwǵa, tiykarǵı hám járdemshi proceslerdi orınlawǵa, óndiriste
isbilermenlikti rawajlandırıwǵa járdem beredi. Bular bolsa miynet
ónimdarlıǵınıń joqarılawına, ónimniń ózine túser bahasınıń
tómenleniwine, óndiristiń rentabelliginiń joqarılawına alıp keledi.
Óndiristi shólkemlestiriw, óndiris procesleriniń barlıq buwınların
óz ishine qamtıp aladı. Óndiristi orınlarda shólkemlestiriwdi jolǵa
qoyıw, óndiris proceslerin texnologiyalıq buwınlarǵa, jumıs
proceslerine ajıratıp, olardı ayrıqsha orınlawshı toparlarǵa
biriktiriwden ibarat. Bunda hár bir buwındı óz orınlarına jaylastırıw
hám jumıs procesin orınlawda olardıń arasında óz-ara baylanıstı
ornatıw támiyinlenedi.
Óndiristi
tiyisli
orınlarda
shólkemlestiriw
kárxananı
proektlestiriw basqıshında tańlap alınadı hám qurılıs dáwirinde iske
asırıladı. Ol uzaq waqıt dawamında turaqlı bolıp, kárxananı jańalaw
hám texnikalıq qurallar menen qayta támiyinlew procesinde
ózgertiliwi múmkin.
Óndiristi waqıt boyınsha shólkemlestiriw kárxanada qabıl etilgen
jumıs islew tártibi hám jumıs procesleriniń orınlanıwınıń izbe-izligi
menen xarakterlenedi. Kárxananıń jumıs islew tártibi kópshilik
jaǵdayda óziniń uzaq múddetli háreketi dáwirinde turaqlılıqqa erisedi.
Jumıs procesiniń orınlanıwınıń izbe-izligi bolsa texnologiyalıq
buwınlarınıń kúndelikli jaǵdayına baylanıslı boladı, sonıń ushın
olardı bir-birine waqtı-waqtı menen óz-ara qaytadan baylanıstırıw
ushın shólkemlestiriwshilik ilajlar arqalı tásir etip turıw talap etiledi.
Bul tásirdiń dawamlılıǵı bir sutkadan, bir neshe saat hám minutlarǵa
shekem bolıwı múmkin.
147
Óndiristi zamanagóy shólkemlestiriw, óndiristiń muwapıqlıǵı,
bir tegisligi hám úzliksizlik qaǵıydaları (principleri) na tiykarlanadı.
Óndiristiń muwapıqlıǵı, óndiristiń barlıq buwınlarınıń quwatın,
ónimdarlıǵın, onıń texnologiyalıq buwınların ótkeriw uqıplılıǵınıń bir-
birine teń bolıwın názerde tutadı. Bunda ayırım texnologiyalıq
bólimlerdiń quwatlıǵınan azıraq paydalanıp, basqalarınıń zorıǵıp
islewine jol qoymaw kerek. Usınday bolǵanda kárxana bir tegis hám
úzliksiz isleydi. Barlıq buwınlardıń ótkeriw uqıplılıǵı bir-birine
alternativ bolıwı kerek. Ol proektlew basqıshında kárxananıń,
proektlik quwatlıǵın anıqlaw procesinde iske asırıladı.
Hár bir texnologiyalıq buwında onıń quwatlıǵınıń ilimiy
tiykarlanǵan qosımsha rezervi qaldırıladi. Bul bolsa óndiristi isenimli
túrde shólkemlestiriwdi támiyinleydi.
Mashina óndirisi kárxanasınıń háreketi procesinde proektke
kirgizilgen muwapıqlıq waqtı-waqtı menen ózgerip turadı, nátiyjede
texnologiyalıq buwınlar jumıs ónimdarlıǵınıń baslanǵısh bir-birine
salıstırmalı muwapıqlıǵı buzıladı. Onı birdey dárejede uslap turıw
ushın hártúrli ilajlardı shólkemlestiriw talap etiledi.
Sonıń ushın kárxananı texnikalıq jaqtan qayta qurallandırıw,
qayta qurıw hám óndiristi zamanǵa say shólkemlestiriw jolların
jetilistiriw sıyaqlı ilajlar ótkeriledi.
Óndirislik kárxananıń jumısınıń bir tegis islew ózgesheligin
bahalaw, jetistirilip atırǵan ónimniń birdey dárejedegi kórsetkishi, bir
tegislilik koefficienti K
m
kórinisinde anıqlanadı.
|