3.Kiyimda bezak elementlarini nuqsonlari. Bezaklar kiyimni bezash uchun ishlatiladi.
Bezaklarning turli tuman xillari mavjud. Bezak sifatida ko‘proq furnituralardan
(tugmalar, piston, zamok, ilgak va hokazolar), hamda bezak gazlamalardan (tasma, to‘r,
lenta va hokazo) foydalaniladi. Bezakning chiroyli turlaridan biri kashta, applikasiya
hisoblanadi. Bezaklarni ko‘proq asosiy yoki bezak gazlamalardan foydalanib ishlanadi.
Bularga: burmalar, ryush, volanlar, adiðlar,
mayda taxlamalar, cho‘ntaklar, yelkabandlar
kiradi. Gazlama rangida yoki kontrast rangda berilgan bezak bahya qator ham kiyimni
bezatadi. Ryush. Ryush lentasimon gazlama bezagi bo‘lib, uning o‘rtasidan yig‘iladi.
Ryush 45° burchak ostida bichiladi. Ryush gazlama rangida yoki boshqa ranglarda
bo‘lishi mumkin. Ryush sifatida lentalar va to‘rlardan ham foydalanish mumkin.
Ryushning uzunligi ryush tikiladigan joy uzunligidan 1,5-2 baravar uzun bo‘ladi.
Ryushning kengligi 3,5-4 sm bo‘ladi. Ryushning ikkala qirqimiga ishlov beriladi.
Burmalar. Burmalar lentasimon gazlama bezagi bo‘lib uning bir chetidan yig‘iladi.
Burmaning
bir tomoni buyumga tikilsa, ikkinchi tomoniga ishlov beriladi. Burmalar
kengligi 15 mm dan - 30 sm gacha bo‘ladi. Burmaning uzunligi tikiladigan joy
uzunligidan 1,5-2 baravar uzun bo‘ladi.
