choklari kertiladi va etagining bukish haqidan 2–4 sm yuqorisigacha yorib dazmollanadi.
Ko‘ylak etagi kengaya bormay to‘g‘ri tushgan bo‘lsa, uni bo‘rlab o‘tirmay buklaydigan
moslamasi bor universal mashinada tikiladi. Chok oxiri esa moslamasiz tikiladi. Klesh
etakli kiyimlar etagini oldin belgilangan chiziq bo‘yicha bukib, ikkita baxyaqator yuritib,
ko‘klab olinadi. Bunda birinchi baxyaqator buklangan ziydan 1 sm oraliqda, ikkinchisi
esa bukish haqi qirqimini ichkariga qaytarish bilan bir vaqtda shu qayrilgan ziy bo‘ylab
yuritiladi. Zich to‘qilgan gazlamalardan va velvetkord tiрidagi iр gazlamalardan tikilgan
ko‘ylaklar, shuningdek, plisse, gofre yubkalar etak qirqimlari yo‘rmab qo‘yiladi. Ko‘ylak
etagining bukish haqi belgilangan chiziq bo‘ylab bukilib,
yashirin baxyali mashinada
tikib qo‘yiladi. Ko‘ylakning etagi ochiq qirqimli bukma chok bilan ham ishlov berilishi
mumkin, bunda avval ochiq qirqim yo‘rmab olinadi, so‘ngra etak tikib qo‘yiladi.
Тitiluvchan gazlamadan tikiladigan ko‘ylak etagiga maxsus tasma ulab,
keyin asosiy
detalni teskarisiga bukib maxsus mashinada tikish mumkin.
3. Kiyimga qo`shimcha bezak berish. Kiyim etagiga bezak mag‘iz yoki beyka qo‘yib
tikiladigan bo‘lsa (5.64-
h, i rasm), maxsus buklagich yordamida bir ignali yoki qo‘sh
ignali mashinada bostirib tikiladi, yoki universal mashinada
oldin kiyim etagining
teskarisiga mag‘iz o‘ngini qo‘yib, ulab olinadi.
Keyin mag‘izning asosiy detal o‘ngiga qaytarib, ochiq qirqimini bukib bostirib tikiladi.