|
Oqitiwdin` mashqalali-izleniw metodlari ha`m olardan paydalanip sabaq o`tiw
|
| bet | 5/7 | | Sana | 16.07.2024 | | Hajmi | 81,96 Kb. | | #267703 |
Bog'liq Pedagogikaliq texnologiya (2)Oqitiwdin` mashqalali-izleniw metodlari ha`m olardan paydalanip sabaq o`tiw
Bu`gingi ku`nde metodlardi na`tiyjeli qollawdin` a`hmiyetli kriteriyalarinan biri bul mashqalali jag`daydi ju`zege keltiriw,mashqalani ku`n ta`rtibine qoya biliw.Pedagoglardin` pikirinshe mashqalali oqitiw oqiwshinin` ga`rezsizligin,pikirlew shen`berin ken`eytiwge alip keledi.Mashqalali oqitiw talabalardi aktiv biliw procesine u`ndep, tafakkurdi imiy izleniwge bag`darlaydi.Mashqalali jag`daydin` ju`zege keliwi oqiwshilardin aldin alg`an bilimlerin bekkemleydi,mashqalanin` kelip shig`iw sebepleri sheshimin tabiwg`a u`ndeydi. Pedagogikag`a tiyisli a`debiyatlarda mashqalanin` qoyiliwi to`mendegi tu`rlerge bo`linedi.
1.Mashqalani oqitiwshinin` o`zi qoyadi,oni qa`liplestiredi,oqiwshilardin` oni g`arezsiz halda sheshimin tabiwg`a bag`darlaydi.
2.Oqitiwshi tekg`ana mashqalalai ja`g`daydi ju`zege keltiredi,oqiwshilar oni o`zleri qa`liplestiredi ha`m sheshimin izleydi.
3.Oqitiwshi ma`lim bir mashqalani ko`rsetpeydi,ba`lki oqiwshilardi mashqalag`a duslastiradi,olardi g`arezsiz ha`reketge bag`darlaydi.Oqiwshilardin` ozi g`arezsiz ra`wishte mashqalani an`laydi oni qa`liplestiredi ha`m sheshimin tabiwg`a ha`reket qiladi.
Oqitiwshi o`tilip atirg`an sabaqtin` formasi,o`tilgen pa`n, tema ha`m onin` formalarina ko`re qanday mashqala qoyiwdi, mashqalali ja`g`daydi ju`zege keltiriwdi o`zi belgileydi.Bul metodtin` o`zine ta`n ta`repi sonda oqiwshilardin` aldina mashqala qoyiwdadir.Mashqala oqiw materialinin` aniq mazmuni menen baylanisli boladi.Ta`lim protsesinde maqsetke erisiw ushin mashqalali oqitiwg`a birqatar talaplar qoyiladi.
Mashqalali oqitiw ta`lim aliwshilardin` iqtiyajin qandiriw ha`m aktivligin asiriwg`a bag`darlanadi.
Mashqalanin` ta`lim aliwshilar ushin aniq ha`m tu`sinikli boliwi.Bular:
Qoyilg`an mashqalanin` a`hmiyetliligi
Mashqala ilaji barinsha real o`mirden aliniwi
Ta`lim aliwshilar ushin mashqala ma`lim bir a`hmiyetke iye boliwi
Ta`lim aliwshilardin` birgelikte aktiv islesiwi
Mashqalag`a tiyisli mag`lumatlar bazasin jaratiw
Mashqalanin` basqalar ushin da a`hmiyetli ekenin ko`rsetiw lazim.
Mashqalali oqitiwdin` kemshiligi sonda:
Ol ko`p waqit talap etedi.Tema dodalaniwina ko`p waqit sariplanadi.
Mashqalali jag`daydi ha`rqanday auditoriyada da ju`zege keltiriw qiyin.Bul oqitiwshidan pedagogikaliq sheberlik kop kush quwat ha`m tajriybeni talap qiladi.
|
| |
