Termiz davlat pedagogika instituti

talaba va magistrlarda 5 baholik tizimda baholanadi va fanlar bahosi darajasida 
ahamiyatga ega hisoblanadi. 
Quyida ko‘rsatilgan hollarda kurs ishi himoyaga ko‘yilmaydi: 
- maxsus adabiyotlar, darsliklar, o‘quv qo‘llanmalar, monografiyalar, ilmiy 
jurnallardagi maqolalar va internet ma’lumotlaridan foydalanmasdan, faqat 
darslikning o‘zidan foydalanib tayyorlangan ishlar; 
- darslik, o‘quv qo‘llanmasi yoki monografiyalardan tayyorlangan konspekt 
asosida ko‘chirib tayyorlangan, foydalanilgan adabiyotlar yoki mualliflar ishlariga 
iqtibos (ssыlka)lar qilinmagan ishlar; 
- kurs ishi mavzusining mazmuni yoritib berilmagan va juda qo‘pol xatolarga 
yo‘l qo‘yilgan ishlar; 
- ko‘p sondagi grammatik va stilistik xatolari bo‘lgan, shuningdek, tartibsiz va 
noto‘g‘ri tayyorlangan ishlar. 
Bunday ishlar talaba va magistrlarga kamchiliklarini tuzatish uchun qaytarib 
beriladi. Talaba va magistr kaytadan tayyorlangan ishga avvalgi ishning taqrizini 
ham qo‘shib topshiradi, bunda ilmiy rahbar taqrizchi tomonidan ko‘rsatilgan 
kamchiliklarning to‘la tuzatilganligiga ishonch hosil qiladi. 
Ko‘rsatilgan muddatda kurs ishini kafedraga topshirmagan, uzrsiz sabablarga 
ko‘ra kurs ishini himoya qilmagan, himoyada qoniqarsiz baho olgan talaba va 
magistrlar akademik qarzdor hisoblanadi va ular kurs ishini qaytadan tayyorlaydilar. 
Kurs ishining sifati va uni bajarishdagi talaba va magistrning faolligi, bilim va 
ko‘nikmalarini baholashning o‘ziga xos shakllaridan biri - bu kurs ishi himoyasidir. 
Bajarilgan ishni chuqur tushunishi, taklif etilgan ilmiy-ijodiy yechimlarni har 
tomonlama asoslab berish qobiliyatini shakllantirishda kurs ishining himoyasi 
muhim o‘rin tutadi. 
Kurs ishining himoyasi kafedra tomonidan belgilangan 2-3 o‘qituvchidan 
tashkil topgan hay’atda, kurs ishi rahbari va guruh talaba va magistrlari ishtirokida 
tashkil qilinadi. Ochiq himoya guruh talaba va magistrlariga shu guruh a’zolari 
tomonidan bajarilgan ishlar bilan tanishishga imkon berishi bilan bir vaqtda, kurs 
ishi rahbarlarining himoya qilinayotgan ishlarga bir xil talab bilan yondashishga olib 
keladi. 
Himoya talaba va magistr tomonidan bajarilgan kurs ishi bo‘yicha 7-10 
minutlik ma’ruza va savol-javobdan iborat bo‘ladi. Talaba va magistr ma’ruzada 
bajargan ishining mohiyatini xar tomonlama yoritib berishi kerak. Savollar 
himoyada qatnashayotgan professor-o‘qituvchilar tomonidan beriladi. 
Kurs ishini baholashda ishning mazmuni va tayyorlanganligi, shuningdek, 
himoyaning o‘tish darajasi hisobga olinadi. Baho kriteriyasi etib: 1) ishning 
ilmiyligi; 2) tadqiqotga mustaqil va ijodiy yondashganligi; 3) bajarilgan ishning 
xajmi va sifati; 4) o‘rganilgan adabiyotlar soni; 5) matnni yozishning stili va 
bexatoliligi; 6) tadqiqot natijalarini himoya qila olishi kabi sifatlar belgilanadi. 
Kurs ishi 100 ballik reyting tizimida (2019-2020 o‘quv yilida 3-4-kurs talabalar 
uchun) yoki 5 baholik baholash tizimida (2019-2020 o‘quv yilida 1-2-kurs talaba va 
magistranlar uchun) tizimda baholanadi. O‘rnatilgan grafik bo‘yicha bajarilgan va 
talablar bo‘yicha sifatli rasmiylashtirilgan kurs ishini 100 ballikda eng ko‘pi bilan 
40 ball, himoya vaqtidagi ma’ruza uchun 30 ball va berilgan savollarga javoblar 

uchun 30 ball bilan 2022-2023 o‘quv yilida 1-2-kurs talaba va magistrantlar 5 
baholik tizimda baholanadi. 
Kurs ishini bajarishi va himoya qilishi natijalari talaba va magistrlarning 
reyting daftarchasi yoki baholash daftarchalariga kurs ishi rahbari tomonidan 
rasmiylashtiriladi. 
Akademik guruh talaba va magistrlarining kurs ishlari himoyasi 
yakunlangandan so‘ng ishni bajarish jarayonida yo‘l qo‘yilgan turdosh kamchiliklar, 
eng yaxshi hamda sifatsiz tayyorlangan kurs ishlari ilmiy rahbar tomonidan tahlil 
qilinib, suhbat o‘tkaziladi. Himoyadan o‘tgan kurs ishlari kafedrada 2 yil saqlanadi. 

Download 326,12 Kb.