29
Maktabgacha taʼlim tizimida.
Maktabgacha yoshdagi bolalarni maktab taʼlimiga tayyorlash, jumladan, maktabda
“Texnologiya” fanida zarur bo‘ladigan bilim va ko‘nikmalarni maktabgacha taʼlim
tashkilotlarida o‘tiladigan tasviriy faoliyat mashg‘ulotlari, yaʼni “Rasm chizish”,
“Applikatsiya”, “Konstruksiyalar tuzish va qo‘l mehnati”, “Plastilin va loydan yasash”
faoliyatlarida shakllantiradi.
Ushbu bilim va ko‘nikmalarni samarali shakllantirish uchun quyidagilarni
mustahkamlash zarur:
O‘quv-metodik hamda didaktik materiallar, rivojlantiruvchi o‘yinlar va o‘yinchoqlar,
mebel, kompyuter texnikasi, o‘quv
uskunalar bilan jihozlash;
maktabgacha taʼlim sohasiga xususiy sektorning jalb qilinishi, uning ijtimoiy
javobgarligini oshirilishi, moliyalashtirish manbalarining kengaytirilishi va maktabgacha
taʼlim xizmatlari turlarining ko‘payishi;
maktabgacha taʼlim tizimini rivojlantirishda moliyalashtirishni
zaruriy darajada
amalga oshirilishi, maktabgacha taʼlim xizmatlarini ko‘rsatishda budjet mablag‘laridan
foydalanish samaradorligini oshirish.
Maktabgacha taʼlim tashkilotining moddiy-texnik bazasini mustahkamlash.
Umumiy o‘rta taʼlim tizimida.
“Zamonaviy maktab” davlat dasturi doirasida umumiy o‘rta taʼlim maktablari uchun
xalqaro tajribalarni hisobga olgan holda yangi turdagi zamonaviy o‘quv ishlab chiqarish
ustaxonalarini barpo etish va muqaddam qurilgan o‘quv ishlab chiqarish ustaxonalarini
zamonaviy maktab namunasiga moslashtirishni taʼminlash;
o‘quv ishlab chiqarish ustaxonalarini zamonaviy mebel, jihozlar,
asbob-uskuna
va moslamalar, o‘quv-uslubiy materiallar,
kompyuter, interaktiv doska, planshet va
multimedia
texnikalari, internet, videokuzatuv tizimlari bilan jihozlashni taʼminlash,
ularning o‘z vaqtida yangilab borish choralarini ko‘rish;
o‘quv ishlab chiqarish ustaxonalarini jihozlanish darajasini xalqaro standartlarga
javob beradigan o‘quv uskunalari (asbob-uskuna va moslamalar, zamonaviy stanoklar)
bilan taʼminlash;
o‘quv ishlab chiqarish ustaxonalarida o‘tkaziladigan amaliy mashg‘ulotlar
uchun kerakli xomashyo
materiallarini davlat budjeti, homiy tashkilotlar va taʼlim
muassasasining budjetdan tashqari mablag‘lari hisobidan taʼminlash bo‘yicha takliflar
ishlab chiqish;
davr talabi hamda o‘quvchilarning qiziqishlarini hisobga olgan holda dolzarb
kasblarning birlamchi asoslarini o‘rgatish uchun to‘garaklar, shu jumladan, robototex-
nika, dasturlash bo‘yicha yo‘nalishlari moddiy-texnik taʼminotini mustahkamlash;
o‘quv ishlab chiqarish ustaxonalarini moddiy-texnik taʼminoti va xomashyo bazasidan
oqilona
foydalanish va asrab-avaylash;
xavfsizlik texnikasi qoidalari va sanitariya-gigiyena talablariga rioya qilgan holda
foydalanish.