40
MAKTABGACHA TAʼLIM TIZIMI TAYYORLOV GURUHI UCHUN TEXNOLOGIYA
DASTURI
(36 soat)
Qog‘oz bilan ishlash (12 soat)
Xavfsizlik qoidalari haqida tushuncha. Qaychidan ehtiyotkorlik bilan foydalanish.
Qalam, yelim bilan ishlashda mehnat xavfsizligiga rioya qilish.
Qog‘ozni buklash usullari haqida tushuncha berish: qog‘oz varag‘ini
teng ikkiga
buklash uchun qog‘oz stol ustiga qo‘yiladi va o‘ng hamda chap qo‘l bilan qog‘ozni o‘ziga
yaqin turgan tomonining ikki uchidan ushlab, uni pastki uchlari bilan tenglashtiriladi.
Bunda qog‘ozning qirrasi bir-biriga to‘g‘ri tushishi kerak. Ana shundagina qog‘oz qo‘l
bilan
tekislanib, uning bukilgan chizig‘i ustidan tirnoq bosib yurgizish (“Qayiqcha”,
“Do‘ppi”, “Qushcha”va h.k. yasash).
Qog‘oz buklash, yirtish, qirqish yo‘li bilan kichik sujetli kompozitsiyalar yaratish.
Qog‘oz buklash, yirtish, qirqish yo‘li bilan shakllarni harakati va propotsiyalarini
yoritgan holda kichik sujetli kompozitsiyalar yaratish. Geometrik shakllardan predmetli
applikatsiyalar tuzish. Bizni o‘rab turgan narsalar: uy, archa, daraxt, mashina, idish-tovoq,
jonivorlar, gullar va shu kabilarni u yoki bu darajada geometrik shakllar bilan ifodalash.
Bolalarning predmetlarni fazoviy joylashini idrok etishini rivojlantirish.
Qog‘ozni buklash usullaridan foydalanib “Toychoq” yasash.
Qog‘ozdan o‘yinchoqlar yasash. Qog‘ozdan buklash usulida turli hajmdagi qayiqcha,
samolyot, qushcha va h. k.o‘yinchoqlarni yasash.
Mozaika usulida sabzavotlar shaklini yasash.
Maydalangan rangli qog‘ozlardan sabzavotlar shakliga mozaika usulida, yopishtirish
va yasash (shablon asosida)
“Qishki o‘yin-kulgilar”ni applikatsiya usulida yasash. Shakllardan archa, qorbobo, qor
parchalarini applikatsiya usulida tayyorlash haqida tushuncha berish. Shakllar asosida
“Qishki o‘yin-kulgilar”ni manzarasini applikatsiya usulida yasash.
Bayram
uchun atributlar, niqoblar tayyorlash. Ko‘z bilan chamalab qog‘oz
parchasidan unchalik murakkab bo‘lmagan predmetlar, qushlar, hayvonlarning siluetini
ikki buklangan va bir necha marta qatlangan qog‘ozdan naqshlar va predmetlarni qirqib
olishga o‘rgatish.
Tulki, ayiq, quyon va hokazo niqoblarni aylanma gardishga yopishtirish.
“Onamning kuni” bayram tadbiri uchun tabriknoma tayyorlash. 8-mart bayramiga
bayram uchun tabriknoma tayyorlash.
Geometrik
shakllardan uy, qayiq, bayroqcha yasash. Shakllarni (kvadrat va to‘g‘ri
to‘rtburchak) farqlash va aytishni, ularni qirqib olishni, kvadratlarni diagonaliga qirqishni,
uchburchak, trapetsiyaga ega bo‘lish uchun qiya kesiklar qilishni (uy, qayiq, bayroqcha)
o‘rgatish.
Navro‘z bayramiga tabriknoma tayyorlash. Applikatsiya usulidan foydalanib, karton,
rangli qog‘ozlardan bayram tabriknomasini yasash.
Bolalarga qog‘ozni turli yo‘nalishlarda buklash yo‘li bilan (shifokor qalpoqchalarini
yasash).
Qog‘ozdan lola yasash. Qog‘ozni buklash usulida lola yasash.
Qog‘ozdan qush shaklini yasash. Qog‘ozdan buklash usulida qush shaklini yasash.
Meva va sabzavotlarni shakllardan foydalanib yasash. Olma, nok, olcha, o‘rik daraxti
barglarini qirqish.