55
Har bir dars xavfsizlik texnikasi qoidalari va sanitariya-gigiyena
talablariga rioya
qilgan holda tashkil etiladi.
Shuningdek, o‘quvchilarga texnologiya fanini yo‘nalishlari bo‘yicha kasb turlari
haqida axborotlar beriladi.
O‘quv dasturida berilgan umumiy soatlar asosida har
chorakda bir marta nazorat
ishi o‘tkaziladi. Nazorat ishini o‘tkazish tartibi va shakli o‘qituvchi tomonidan tanlanadi
hamda nazorat ishi materiallari mavzudan kelib chiqqan holda tayyorlanadi.
Texnologiya fanining barcha yo‘nalishlari bo‘yicha 5 va 6-sinflarda 6 kun (24 soat),
7-sinfda 10 kun (40 soat) 8-sinfda 16 kun (96 soat), jami 160 soat amaliyot o‘tkazish
rejalashtirilgan.
Amaliyotning maqsadi – o‘quvchilarga o‘rgatilayotgan bilim, ko‘nikma va
malakalarni bevosita unumli ishlab chiqarish mehnati jarayonida qatnashish orqali
(sanoat, qishloq xo‘jalik va
umumiy ovqatlanish korxonalari, ustaxonalar,
tashkilot,
muassasa yoki hunarmand ustalar huzurida) mustahkamlashni bozor munosabatlari
qoidalari asosida tashkil qilishdan iborat. Amaliyot taʼlim
muassasasi yoki ishlab
chiqarish korxonasi imkoniyatlaridan kelib chiqqan holda, o‘quv yilida ko‘zda tutilgan
taʼtil vaqtida o‘tkaziladi.
Loyiha ishini tashkil etishdan oldin o‘qituvchi loyiha ishi bo‘yicha topshiriqlar
tizimini ishlab chiqadi. Sinfdagi o‘quvchilar yakka yoki guruhlarga bo‘linib,
mavzu
bo‘yicha belgilangan vaqt davomida mustaqil ravishda turli manba (darslik, internet
tizimi) lardan axborotlar yig‘adi, loyiha qurilmasini shakllantiradi va o‘quv-tadqiqot
ishini o‘tkazadilar. Loyiha ishida taʼlim oluvchilar ishni rejalashtirish, uni bajarish, xulosa
chiqarish, ish natijasi yuzasidan taqdimot o‘tkazadilar. Loyiha ishi o‘quvchilarda o‘quv–
tadqiqotchilik va ijodkorlik faoliyatining shakllanishiga xizmat qiladi.
Mazkur o‘quv dasturda texnologiya fani ixtisoslashtirilgan taʼlim uchun qo‘shimcha
soatlar berilgan. Bunda ajratilgan qo‘shimcha soatlarni taqsimlashda o‘qituvchilar ijodiy
yondashgan holda, o‘zlashtirilishi qiyin mavzular hamda amaliy mashg‘ulotlarga eʼtibor
qaratishlari tavsiya etiladi. Bunda o‘quvchilarning ijodkorligi va amaliy ko‘nikamalari
rivojlantiriladi.