To’raqo’rg’on qishloq xo’jaligi kasb-hunar kolleji Axborot -resurs Markazida 2- filial bilan birgalikda Sheriyat mulkining sultoni Mir Alisher Navoiy tavalludining 570 yilligi

Download 7.62 Mb.
bet	83/112
Sana	18.10.2022
Hajmi	7.62 Mb.
	#27443

Bog'liq
MANAVIYAT SOATI 2022-2023
STGeNIUHOYV6lu41y5nlGnUTrr1eOceUpMxiK005, 19-Mavzu, PQ-4910 03.12.2020 (1), Mutaxasislik fanidan o\'qitish materiallari, BIR CHO‘MICHLI KARYER EKSKAVATORLARI CHO‘MICHI HARAKATINI OPTIMAL, reagent formulasi, Шовот 2023 2024 дарслик кабул буйруки, 2-синф она тили дарслик 2 - кисм, wzPf- OV8BvdPtmaW6WBYVBlAV4S7Gp8, Mavzu 4 sinf geometrik jismlar bilan tanishtirish metodikasi, Mavzu aro‘ va rao‘ mikrosxemalari reja Kirish Diskretlashtiris, 2 вариант, monitoring javoblari

Guruh Sana 26-Mavzu: Navro‘z – qadriyatlarimiz gultoji. Tayanch so‘z va iboralar: Navro‘z bayrami, Jamshid padsho, qadriyatlar, sumalak, navro‘z tilaklari, Avesto, ezgulik, «Navro‘znoma», «Devoni lug‘ati turk». «Har tuning qadr ulubon, har kuning ulsun Navro‘z» A. Navoiy Navro‘z – xalqimiz mingyilliklardan beri nishonlab kelayotgan yuksak qadriyatdir. Navro‘z – bu yasharish va yangilanish bayrami. Navro‘z kun bilan tun teng bo‘lgan kun. Navro‘z – bu insonlarni ezgulikka, bunyodkorlikka, mehr - oqibatga chorlovchi qadriyatlarimiz gultoji. Navro‘z (forschada «nav» - yangi, «ro‘z» - kun, «yangi kun» degan ma’noni anglatadi.) - Markaziy Osiyo, O‘rta va Yaqin Sharqda yashovchi xalqlar fors, tojik, o‘zbek, ozarboyjon, hind va boshqa xalqlarning qadimiy an’anaviy yangi yil bayrami. Navro‘z - sharq xalqlarining mushtarak ijodi. U o‘zida o‘tmish ajdodlarimizning afsonaviy tasavvurlaridan, zamondoshlarimizning qarashlarigacha o‘zida aks ettirdi, insoniyat madaniy taraqqiyotining har bir yutug‘idan doimo kuch -quvvat, olib oziqlandi. Sharq xalqlarining eng hayotbaxsh va qadimiy bayrami Navro‘zning qachon paydo bo‘lgani xususida turli mulohazalar bildirilgan. Narshaxiy Buxorolik dehqonlarning Navro‘zda aytiladigan Siyovush nomi bilan bog‘liq qo‘shiqlari haqida gapirib, «bu gaplar bo‘lib o‘tganiga hozir uch ming yildan ko‘proq vaqt o‘tdi», - deb yozadi. Bahor va mehnat bayramining paydo bo‘lishi haqidagi tarixiy ma’lumotlar davrlar o‘tishi bilan turli o‘zgarishlarga uchrab afsona-yu rivoyatlar qobig‘iga o‘ralgan holda bizning kunlargacha yetib kelgan. Ana shunday afsonalarning aksariyati Navro‘zi olamning vujudga kelishini afsonaviy Jamshid nomi bilan bog‘laydi. Qadimgi Eron afsonalarining birida hikoya qilinishicha, Navro‘z Jamshid podsho bo‘lib, taxtga o‘tirgan kundir. Hikoya qilinishicha, u o‘ziga shohona taxt yasatib, har xil qimmatbaho toshlar bilan jilo berilgan, necha turli dur-javohirlar qadalgan qimmatbaho tojini kiyib, tong mahali taxtga o‘tiribdi. Shu payt quyosh chiqib, oftobning zarrin nurlari Jamshidning toju taxtini yoritibdi. Butun tevarak atrof munavvar bo‘lib ketibdi. Bu g‘aroyib mo‘jizani ko‘rgan ulus ajablanib, Jamshid taxtga o‘tirgan kunni «navro‘z» ya’ni «yangi kun» deb bayram qilishgan ekan52. Jamshid bilan bog‘liq boshqa bir rivoyatda aytilishicha uning olovni kashf etishi insonlar uchun mo‘jiza bo‘lib o‘sha kun «Navro‘z» - yangi kun tariqasida bayram qilinadigan bo‘libdi. Firdavsiy ham Navro‘z paydo bo‘lishini Jamshid nomi bilan bog‘laydi. Jumladan Firdavsiy «Navro‘zni qutlug‘ shodiyonalar, bayramlar shohi» deb ataydi, uni ajoyib misralarda ta’riflaydiki, o‘zbekcha mazmuni shunday: Hamal burjiga kirib qolganda oftob, Jahon yorishib ketdi, nurlandi ob. Shu kunni yangi yil - bayram deyishar, Jamshidga sochishar oltinu gavhar. Firdavsiy talqinida Navro‘zning Jamshid nomi bilan bog‘lanishining sabablari bor. Bu haqda hazrat Alisher Navoiyning «Tarixi mulki Ajam» asarida ham qiziqarli bir rivoyat keltirgandir. Podshoh Jamshid avvallari adolatli, sahovatli, husnu jamolda dilpazir, fazlu kamolda benazir hukumdor bo‘lgan ekan. Uni ajoyib ixtirolar qilgan, shu jumladan, Navro‘z ayyomini, shu qutlug‘ va yorug‘ kunni shodiyona sifatida joriy etgan podshoh sifatida tavsif etadi. Navro‘z tarixi va sharofati haqida Umar Hayyomning «Navro‘znoma», lug‘atshunos, o‘lkashunos olim Mahmud Qoshg‘ariyning «Devoni lug‘ati turk», asarlarida ham nodir ma’lumotlar, naqllar, lavhalar keltirilgandir53. Navro‘z haqidagi qadimgi turk afsonalarida esa bu umumxalq bayramining paydo bo‘lishi ajdodlarimizning bahor fasli va ko‘klamgi dala ishlarining boshlanishiga aloqador udumlariga bog‘lanadi. Turk olimi Abdulholiq Joy tomonidan ommalashtirilgan bir afsonada aytilishicha, butun ro‘yi zaminni suv bosib, to‘fon bo‘lganida Nuh payg‘ambar turli jonli jonzotdan bir juftdan olib, kemasida suzib yurgan. Bir kuni u yer yuzida quruqlik bor-yo‘qligini bilib kelish uchun qaldirg‘ochni uchirib yuboribdi. Bir mahal haligi qaldirg‘och tumshug‘ida bir giyohni ko‘tarib uchib kelganligini bildirardi. Nuh qaldirg‘och ko‘rsatgan tomonga qarab suzib boribdi-da, suv o‘rtasidagi zaminni ko‘ribdi. Kemadagi barcha jonzod yerga tushib, to‘fon azobidan qutilibdilar. Yer yuziga tushgan odamlar o‘sha kunni «yangi kun» deb bayram qilishga odatlanibdilar. Mazkur afsona Navro‘z haqiqiy bahor bayrami ekanligidan dalolat beradi. Zero, Nuh payg‘ambar qaldirg‘ochni uchirganligi bejiz emas, chunki qaldirg‘och – bahor elchisi, uyimizni nurga, dalalarimizni gulga, qalbimizni oftobdek jo‘shqin sevinchlarga to‘ldiradigan ko‘klam darakchisidir. Navro‘zning paydo bo‘lishiga oid o‘xshash ma’lumotlar Markaziy Osiyoda yashagan qadimgi aholining e’tiqodiy qarashlari majmuasi zardushtiylikning muqaddas kitobi «Avesto»da ham mavjud. Zardusht o‘zi yaratgan yetti mo‘jiza (suv, tuproq, havo, olov, o‘simlik, sigir, va odam) ga monand holda yettita bayramni ham joriy qilgan emish. Yettinchi mo‘jiza - olov hamda ezgulik homiysi Asha-Vaxishta sharafiga bahoriy udum - Navro‘zni o‘tkazish an’anasi paydo bo‘lgan ekan54. Afsonalarning deyarli barchasida Navro‘zning paydo bo‘lishi quyosh, olov, yorug‘lik kabi ezgulik timsollari bilan bog‘langan. Bu timsollar qishning izg‘irinli sovuqlari ortda qolib, yilning quyoshli, haroratli kunlari boshlanishini bildirishi shubhasiz. Navro‘z Markaziy Osiyo va Eronda yashagan qadimgi dehqonlarning bahoriy udumlari, ko‘klamni e’zozlash, suv, olov, tuproq, quyoshga sig‘inish bilan bog‘liq marosim va e’tiqodlari asosida bundan uch yarim-to‘rt ming yilcha burun paydo bo‘lgan umumxalq bayramidir. Navro‘zga tayyorgarlik ham insonlarni birlashishiga xizmat qilgan. Bayramga tayyorgarlik jarayonida ko‘chalar tozalangan, ariqlar qazilgan, ko‘chatlar ekilgan, yerga ishlov berilib, hovli-xonadonlar orastalangan. Ana shunday ezgulikka undovchi bayramga nisbatan turli davrlarda turli hukmdorlar o‘z ta’sirini o‘tkazish hollari uchragan. Ajdodlarimiz necha ming yillardan beri nishonlayotgan qon-qoniga singib ketgan e’tiqodini oyoq osti qilish edi. Masalan, olimlarning fikricha, sosoniylar davrida Navro‘zni davlat bayrami sifatida yozda o‘tkazish qoidalashtirilgan edi. Ammo yillar o‘tishi bilan qadimiy an’ana, xalq an’anasi - Navro‘zni bahorda nishonlash g‘olib keldi. Navro‘z har qanday g‘ayri odatiy aralashuvlarni, uni qoliplashtirishga bo‘lgan urinishlarni pisand qilmay, xalqlarimizning ma’naviy hayotidan oziqlanib, yanada boyib, to‘lishib mukammallashib bora berdi. Sho‘ro hukumati davrida ham Navro‘z bayrami va bu bayram bilan bog‘liq udumlar, taomlar va shuningdek, har xil marosimlar taqiqlandi. Biroq, bularning barchasi besamar ketdi. 1990 – yildan boshlab, O‘zbekiston hukumatining qaroriga binoan, 21 – mart - Navro‘z milliy xalq bayrami sifatida belgilanib, dam olish kuni deb e’lon qilindi. Navro‘z bayami YUNESKO tomonidan umuminsoniy qadriyat ekanligi e’tirof etilgan. Navro‘zning o‘ziga xosligi uning turli xil o‘yinlari, udumlari, marosimlar va taomlarining borligidir. Navro‘z ayyomida milliy va an’anaviy taomlardan tashqari sumalak, halim, ko‘k somsa, shuningdek, quvvat bag‘ishlovchi turli sharbatlar tayyorlangan. Masalan, ko‘pgina joylarda Navro‘z arafasida o‘rik turshagini ezib, maxsus sharbat tayyorlaydilar. Ilgarilari uylarning tagi poli bo‘lmagan, loysuvoq qilingan poldan sandal atrofida chuqurcha o‘yilgan, qish bo‘yi ana shu sandal atrofida o‘tirganlar. Navro‘z kelishi bilan sandallar olinib, chuqurcha ko‘milgan, odamlar «qishdan qutuldik, ko‘klamga yetishdik, qish bo‘yi sandalda o‘tirganimiz uchun butun a’zoyi badanimizdan bodni haydab chiqaradi», - deb o‘ylab, o‘rik turshagidan qilingan sharbatdan ichganlar. Navro‘z taomlari deganda dastlab, sumalak ko‘z oldimizga keladi. Sumalak atamasiga kelsak, bu turkiy so‘z - "Suma" so‘zidan kelib chiqqan. XI asrning buyuk tilshunosi Mahmud Qoshg‘ariy o‘zining "Devoni lug‘otit turk" asarida keltirishicha, suma – ivitilgan bug‘doy nomi, u quritib tuyiladi. So‘ngra, ugra osh va non qilinadi. Sharbat uchun qilingan undirilgan arpa uchun ham bu so‘z qo‘llaniladi. Demak, sumalak atamasi sharbat uchun qilingan, undirilgan yoki bug‘doy ma’nosini anglatadi. Bundan tashqari sumalak ma’nosini beruvchi "sumani", "soma" atamalari ham mavjudki, bevosita ular ham sumalak atamasi bilan bog‘liqdir. Sumalak inson sog‘ligi uchun qanchalik katta naf keltirishini tibbiyot xodimlari ham ta’kidlashgan. Qishdan charchab, madorsizlangan tana uchun sumalak kuch bag‘ishlashini hamma yaxshi biladi. Sumalakning paydo bo‘lishi haqida turli rivoyat va afsonalar mavjud bo‘lib, «Hasan Husan taomi», «Dehqon va kampir», «Etti go‘dakning risqi», «Sumalak – o‘ttiz malak» va boshqa shu kabi nomlar orqali el orasida tarqalgan. Shu o‘rinda «Sumalak – o‘ttiz malak» rivoyatini keltirib o‘tsak. Sumalak – bibi Fotimaning oshlari ekan. Bir kuni u kishining bolalari och qolibdilar. Ovqat pishirib beray desalar, o‘ylarida qozonga solg‘udek hech vaqo yo‘q ekan. O‘shanda qish chiqib, endi ko‘klam ko‘katlari yer bag‘irlab bosh ko‘targan vaqt ekan. Bibi Fotima hovlisining bir chetiga kuzda bir hovuch don sepgan ekanlar, qarasalar o‘sha ko‘karib, maysalab qolgan ekan. Darrov shu maysadan o‘rib kelib, maydalab qozonga solib, supradan qoqishtirib olingan bir siqim unni ham qo‘shib yaxshilab aralashtirib, ustidan suv qo‘yib qozon tagiga o‘t qalabdilar. Biroz qozonni kovlab o‘tirgandan keyin o‘g‘illariga qo‘shilib bibi Fotima ham uxlab qolibdilar. Ertalab uyg‘onib qarasalar, qozonni o‘ttizta farishta kovlab pishirayotgan emish. Shuning uchun bu taomning nomi sumalak bo‘lib qolgan ekan. Chunki, sumalak- o‘ttiz malak deganidir. Sumalakning inson bilmagan o‘ziga xos sirli jihatlari bor-ki, bularni turlicha talqin qilishadi. Barchamiz bilamiz-ki, sumalakka tuz solinmasligini. Aytishlaricha, tongga yaqin sumalak qaynayotgan qozonni kovlayotgan momolarni uyqu elitib, ular pinakka ketgan paytda osmonu falakdan uchib kelgan maloyikalar qozonga tuz tashlab ketar emish. Sumalakka tuz solinmasligining boisi shunda ekan. Sumalak bilan bog‘liq turli irimlar, udum va an’analar xalqimiz orasida tarqalgan. Masalan,: Egizak farzandlar ulg‘aytirayotgan oila a’zolari har yil ko‘klamda sumalak qilib, bolalari sog‘ligiga xudoyi qiladi. Aytishlaricha, haftada bir marta yaxshilab hordiq chiqarib, oyda bir hammomga tushib, yilda bir marta sumalakka to‘ygan odam sira kasal bo‘lmas emish. Irimlarning birida sumalak pishirayotganda farzand ko‘tayotgan yoki befarzand ayollarga bug‘doy maysasi beriladi, ular maysani ziragi yoki quloqlariga taqib qo‘yadilar. Bu bilan kelayotgan yangi yilda farzandli bo‘lishni orzu qiladilar. Sumalak har birimizda o‘ziga xos hayratlanishni paydo qiladi. Nima bo‘lganda ham ezgulikka yo‘g‘rilgan Navro‘z bayramining har bir udum, an’ana va rasm – rusmlari insonlarda hayoti davomida o‘ziga xos his-tuyg‘ularni shakllanishiga olib kelgan. Navro‘z kuni odamlar ota – onasi, yaqin kishilari, do‘stu-birodarlari bilan diydorlashganlar. Orasidan gap qochgan odamlarni, urishganlarni kattalar yarashtirib qo‘yishgan. Urushlar to‘xtatilgan, bandilar ozod qilingan. Navro‘z kuni tug‘ilgan bolaning ismi o‘g‘il bo‘lsa, Navro‘z qiz bo‘lsa, Navro‘za qo‘yishgan. Navro‘zga insonlarning ixlosi juda baland bo‘lgan. Uning kelishi va qanday tantana qilinishi butun yilga ta’sir qiladi, deb tushunilgan. Shuning uchun ham: Yaxshi odam ko‘zidan ma’lum, Yaxshi yil Navro‘zidan deb, nisbat berishgan bo‘lishsa kerak. Navro‘z bayramida turli xalq o‘yinlari va musobaqalari, kurash, qo‘chqor, xo‘roz urishtirishlari, ko‘pkari, tortishmachoq, lapar, ashula va raqs musobaqalari, tomoshalari o‘tkazilgan. Diyorimiz qiz-juvonlari navro‘z kunlarida arg‘imchoq uchishni odat qilishgan. Navro‘z kunlarida azim o‘rik daraxtlariga arqon solib, arg‘imchoq yasaladi. Qiz-juvonlar yig‘ilishib, navbatma-navbat arg‘imchoq uchadilar. Qorako‘llik momolar «Navro‘z kuni arg‘imchoq uchsa, kishining arg‘ami (og‘irligi) to‘kiladi», - deb irim qiladilar. Ba’zi joylarda esa «Navro‘zda arg‘imchoq uchsa, bir yillik gunoh tukiladi» degan ishonch saqlangan. Ayollar arg‘imchoqni balandlatib uchishga harakat qilganlar, xalqimizda «Navro‘z kuni arg‘imchoq uchayotganda daraxtning shoxidagi endigina purchigan bargchalardan uzib olsa savob bo‘ladi, bunday barg uzib olgan kishi yangi yilda jamiki orzulariga erishadi» degan gaplar bor. Navro‘z mavzusi hech bir shoir zoti yo‘q-ki uni ilhomlantirmagan bo‘lsa. Biz Rabgo‘ziy, Lutfiy, Mirzo Bobur, Mashrab, Huvaydo, Andalib, Shermuhammad Munis, Amiriy, Muqumiy, Furqat, Nodim, Fero‘z kabi mumtoz shoirlarimizga ham Navro‘zi ayyom qanchalar ilhom bahsh etganligini ularning shu mavzudagi go‘zal she’rlari orqali his qilamiz55. Tarixing, ta’rifing tillarda doston, Quyosh charaqlaydi, moviydir osmon, Xofiz qo‘shiq aytar, raqs etar jonon, Sevinch bagishlaysan keksayu yoshga, Navro‘zjon, bu yilgi kelishing boshqa. Bir yon katta kurash, bir yon ko‘pkari, Askiya, aytishuv, ulanlar bari, Yangalarning aytgan avjli yor-yori, Sevinch bag‘ishlaysan keksayu yoshga, Navro‘zjon, bu yilgi kelishing boshqa. Shoirlarning aytar so‘zi bo‘lib kel, Yaylovlarda qo‘yu qo‘zi bo‘lib kel, Mayli, gulbahorning o‘zi bo‘lib kel, Sevinch bag‘ishlaysan keksayu yoshga, Navro‘zjon, bu yilgi kelishing boshqa. Download 7.62 Mb.

Download 7.62 Mb.