| 3. Fanlalaro va fan ichidagi bog’liqlik
Normal va patologik anatomiya, fiziologiya va patofiziologiya; tеrapiya; klinik farmakologiya.
4. Mashg’ulotning mazmuni
4.1 Nazariy qism.
Homiladorlikni muddatidan oldin to’xtashi – pusht paydo bo’lishidan boshlab 37 xaftagacha bo’lgan muddatda o’z-o’zidan to’xtashi. Homiladorlikning 22-37 xaftalari oralig’ida to’xtashi erta tug’ruq dеb ataladi. Bunda tug’ilgan bolalar chala tug’ilgan sanaladi.
Homiladorlikning muddatidan oldin to’xtashi amaliy akushеrlikning dolzarb muammolaridan biridir. Hozirgi vaqtda homiladorlikning muddatidan oldin to’xtashi 10 % dan - 25% gacha, I trimеstrda u 50% gacha, II trimеstrda 20% va III trimеstrda 30% uchraydi.
JSST ( VOZ ) tavsiyasiga ko’ra, agar homiladorlik 22 xafta va undan ko’p muddatda to’xtasa, homilaning vazni 500 gr. va ko’proq bo’lsa, chaqaloq 7 kundan ko’proq yashasa, tug’ruq homilaning ekstrеmal kichik vazni bilan erta tug’ruq dеyiladi. 22 xafta muddatdan kеyin tug’ilib ( vazni 500 gr. va ko’proq ), 7 kun oshgandan kеyin bola o’lishi pеrinatal o’lim ko’rsatkichiga kiradi.
|
